casino siteleri 2023
ჩვენ დავბრუნდით... - კარიბჭე
ჩვენ დავბრუნდით...
ჩვენ დავბრუნდით...
ჩემი ყურადღება მიიქცია ნიჭიერი ჟურნალისტის, ლელა ჯიყაშვილის საოცრად შთამბეჭდავმა და ემოციურმა სტატიამ სათაურით "უნდა დავბრუნდეთ სამშობლოში" , რომელიც ემიგრანტებზე გადაღებულ ახალ დოკუმენტურ ფილმს, "მიწის სჯულს" ეძღვნება.

გადავათვალიერე ინტერნეტი და მხოლოდ რამდენიმე ფრაგმენტს წავაწყდი ამ ფილმისას, რომლის ნახვამაც, სხვათა მსგავსად, მეც ცრემლი მომგვარა და ჩამაფიქრა...

"...წასვლისას რას წარმოიდგენდნენ, რომ ავადმყოფი მშობლები უიმათოდ მიებარებოდნენ მიწას", - კითხულობ ზემოაღნიშნულ წერილში ემიგრანტებზე და გული გიკვდება... არადა, სწორედ თავიანთი ახლობლების გადასარჩენად და დასახმარებლად მიატოვა უამრავმა ქართველმა იძულებით სამშობლო...

სამწუხაროდ, ხდება ისეც, რომ თვით ემიგრანტი ჰპოვებს ხოლმე უცხო მიწაზე სამუდამო განსასვენებელს. ამ რამდენიმე წლის წინათ, ქალაქ ტალინში, იქაურთათვის საკმაოდ ცნობილი ახალგაზრდა ქართველი ექიმი გარდაიცვალა. დაკრძალვის ცერემონიალზე შეკრებილ ხალხს გარდაცვლილის ესტონელი კოლეგა, ხანშიშესული მამაკაცი გამოეყო და უსაზღვროდ გულისამაჩუყებელი გამოსათხოვარი სიტყვა წარმოსთქვა, ბოლოს კი თვალცრემლიანმა დაუმატა: "მენანები, თემურ, ძალიან მენანები, მზიური საქართველოს შვილი ჩრდილოეთის ამ ცივ მიწას რომ უნდა მიებაროო..." ყველას ცრემლი მოერია, გულწრფელი სინანულისა და თანაგრძნობის ცრემლი...

სამწუხაროდ, ამ შემთხვევაში შვილებმა და არაქართველმა მეუღლემ გადაწყვიტეს ასე და მათ ნებას წინ ვერ აღუდგნენ ახლობლები და მეგობრები. ასე მიიბარა კიდევ ერთი ქართველი უცხო მიწამ... ასეთი შემთხვევები კი, სხვადასხვა მიზეზთა გამო, არც თუ იშვიათია, განსაკუთრებით შერეული ქორწინების დროს...

ემიგრანტების თემა ჩემთვისაც ძალიან ახლობელი და მტკივნეულია... ჩემი ვაჟიშვილი საკმაო ხანია ოჯახთან ერთად სამშობლოდან შორს, ბალტიისპირეთში ცხოვრობს. უფროსი შვილიშვილი - ანა - ორი წლისა იყო, როცა მშობლებმა ესტონეთში წაიყვანეს, ამჟამად იგი ტალინის რეალური გიმნაზიის მეშვიდე კლასის წარჩინებული მოსწავლეა, რამდენიმე წლის წინათ მონაწილეობდა სატელევიზიო გადაცემაში "ანა-ბანა", ორჯერ მონაწილეობდა საქართველოს ხელნაწერთა ინსტიტუტის მიერ ორგანიზებულ კალიგრაფიის კონკურსში, სადაც ნომინანტიც კი გახდა, წარმატებით თამაშობს ჩოგბურთს.

ესტონეთში დაიბადნენ ანას და-ძმა - ნიკოლოზ და ელენე ბარათაშვილები. ელენე - ჩვენი უსაყვარლესი პატრიარქის ნათლულია, იგი ჯერ მხოლოდ ხუთი წლისაა, საბავშვო ბაღში დადის, უამრავი ქართული ლექსი იცის თავისი დედიკოს წყალობით და მოუთმენლად ელოდება საქართველოში დაბრუნებას.

"ჩვენ დავბრუნდით" - ასე დავასათაურე წერილი. დიახ, შარშან, როცა ჩემს შვილიშვილს - ნიკოლოზს, სასკოლო ასაკი შეუსრულდა, ოჯახში მივიღეთ ძნელი, მაგრამ ჩემი აზრით, სწორი გადაწყვეტილება და მასთან ერთად აქეთ გამოვეშურე...

ახლა პატარა ნიკოლოზ ბარათაშვილი თბილისის 55-ე საჯარო სკოლის მეორეკლასელია და მასავით უცხოეთიდან დაბრუნებულ თანაკლასელებთან - ანასტასია მაჭავარიანთან, ქეთი კიპაროიძესთან, დიტო ფოცხვერიასა და სხვებთან ერთად, საყვარელი მასწავლებლის, ირმა მეზვრიშვილის დახმარებით მშობლიურ ქართულს ეუფლება.

ვლოცულობ და უფალს შევთხოვ, რომ არა მარტო ჩემი ოჯახის იქ დარჩენილმა წევრებმა, არამედ სრულიად ქართველობამ გაიზიაროს უწმინდესისა და უნეტარესის, სრულიად საქართველოს კათოლიკოს-პატრიარქის, ილია II-ის მოწოდება და დაუბრუნდეს თავის ფესვებს, ფუძეს, რათა აქ შეძლოს ღირსეულად ცხოვრება, მამულის გაძლიერება და გამთლიანება.

სათქმელი ძალიან ბევრია. უფრო გრძელი ისტორიით თავს არ შეგაწყენთ და გთავაზობთ რამდენიმე საკუთარ ლექსს, რომელთაგან ნაწილი სწორედ უცხო ქვეყანაში ცხოვრების პერიოდშია დაწერილი.

ივნისი კაცხში
მოლზე შრიალებს ტალღა გვირილის
და ზღაპარში ხარ, ასე გგონია,
ისე კარგია ამ დროს ტირილი,
სიმღერა მასთან მონაგონია...
ბალახში ეძებ ჭიამაიას,
წინანდებურად რომ უთხრა - "ფრინდი",
სოფელს ახურავს ცის დარაია
და ეფინება ღელისპირს ბინდი.
ივიწყებ წარსულს, სევდიანს ასე,
სიცილ-ტირილის ცრემლები გდიან
და ბალახების სურნელით სავსე,
სახლში ბრუნდები ძალიან გვიან...
გაცილებს მოლი წერწეტ გვირილით,
ზღაპრის ქალი ხარ, ასე გგონია,
ისე კარგია ამ დროს ტირილი,
სიმღერა მასთან მონაგონია...

იერუსალიმი
ვკოცნი სათუთ წმინდა მიწას
ესოდენ ნანატრს,
აქ მარიამი ყრმა იესოს
უმღერდა ნანას,
რა ახლობელი, რა ნაცნობი
ჰანგები მესმის,
ლერწმის სალამურს ჩვენებურად
აკვნესებს მწყემსი...
აძოვებს ფარას გარუჯული
არაბი ბიჭი,
რას ვგრძნობ? არ ვიცი, გადმოცემა
ძალიან მიჭირს...
ბეთლემი
კამკამა წყალი, წმინდა ზეთი და
ველის ყაყაჩო ასე პატარა,
ასე მგონია, ნაზარეთიდან,
თვით ღვთისმშობელმა გამომატანა.

ნაზარეთი
ვმღერით ხმადაბლა
მშობლიურ ჰანგებს,
ვგრძნობ, უცხოელიც
ფეხს ითრევს განგებ -
"იტალიანო!" - ვპასუხობთ წამსვე...
რაღაც ვუთხარით,
მან რაღაც გვითხრა,
მერე ერთმანეთს
ხელს ვუქნევთ დიდხანს,
რა საჭიროა სიტყვები ამ დროს -
ღიმილიც კმარა, ნაღდი და სანდო...

ტალინი, ძველი ქალაქი
მე შორიდან გეფერები,
მონატრება მომეძალა,
შენ მანდედან გამამხნევე
და გაძლების მომეც ძალა...
მე ფიქრებში დღე და ღამე
გლოცავ და ვღვრი
შენთვის ცრემლებს,
შენ მანდედან მითხარ რამე,
თბილი ხელი შემაშველე...
თრთოლვით ველი დაბრუნებას,
გაისამდე არ დავიცდი,
მე მიყვარხარ, ჩემო მიწავ,
შენ, ვაითუ, დაგავიწყდი...

იზო ცარციძე

ბეჭდვაელფოსტა
კომენტარი არ გაკეთებულა
სხვა სიახლეები
23.05.2018
როცა ხანცთისკენ მიმავალ ციცაბო გზაზე ავდიოდით ჩემს გულში სამი სახე მესახებოდა: ერთ მხარეს კლდე (ქრისტე), შუაში გზა (ადამიანის ღვაწლი) და მეორე მხარეს გადასავარდნი (სიკვდილის ტოლფასი დაცემა - უნანელობა).
23.09.2017
ჩვენი ჟურნალისა და ვებ-გვერდის მკითხველმა მოგვწერა წერილი და გვთხოვა გამოგექვეყნებინა. ვასრულებთ მის თხოვნას. მადლობა მას და მადლობა თითოეულ თქვენგანს,
30.05.2016
დათო ხვედელიძე სოციალურ ქსელში იხსენებს:
2008 წლის ადრიანი ზაფხული იქნებოდა, აღარ მახსოვს სად მივდიოდი...
04.01.2016
იმერელი მუსიკოსი ევროპაში - ემიგრანტის დღიურიდან

თეა კეკუა გერმანიაში, მიუნხენის ქართული ემიგრაციის ნაწილია. ნიჭიერი ახალგაზრდა საკუთარ სათქმელს მცირე ჩანახატით გადმოგვცემს:
27.12.2015
რა არის ქრისტიანობა? როდის ვხდებით ჭეშმარიტი ქრისტიანები? მხოლოდ ეკლესიაში სიარული და გასაჭირში ლოცვის კითხვა მაქცევს უფლის შვილად?
10.10.2013
ჩემი ნატვრა
საწერ მაგიდაზე გაშლილი მაქვს საქართველოს პატარა რუკა.
29.08.2013
საპყრობილესა შინა მყოფნი
ალექსანდრე რაზმაძემ რამდენიმე თვეა, საპყრობილე დატოვა და ცხოვრებას ღვთისთვის სათნოდ აგრძელებს.
11.04.2013
"ცოდვა ტკბილია, მერე კი შხამი და სამსალა", - ბრძანებს სულხან-საბა. მართლაც, როდი ვაანალიზებთ გულისთქმას აყოლილნი, რომ შესაძლოა, გონსმოსული, საკუთარმა თავმა დაგტანჯოს.
11.04.2013
მამა დავითის (ნიჟარაძე) წამლის მაკურნებელი ძალა
როდესაც ჯანმრთელობას კარგავ, მაშინ უფრო ახლოს მიდიხარ უფალთან და იქ ეძებ სულის შვებას.
28.03.2013
მღვიძარება ქრისტიანისთვის მარადიული გულისხმიერებაა - უყურადღებობით და უდებებით იქნებ ისეთი რამ გამოეპაროს, ვერც მიხვდეს, რომ ცოდვას სჩადის.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ჟურნალი
ჟურნალის ბოლო ნომრები:
ილარიონ ქართველი, საკვირველმოქმედი, მთელ ქრისტიანულ სამყაროში ცნობილი და პატივსაცემი პიროვნება იყო.
1კ1

Betpasgiris.vip restbetgiris.co betpastakip.com restbet.com betpas.com restbettakip.com nasiloynanir.co alahabibi.com hipodrombet.com malatya oto kiralama istanbul eya depolama istanbul-depo.net papyonshop.com beikta sex shop ehirler aras nakliyat ofis tama medyalarge.org/ atvcenter.org kamyonet.biz.tr tuzcuolu nakliyat malatya temizlik shell aspx shell umitbijuteri.com hot air balloon cappadocia

casino siteleri idpcongress.org mobilcasinositeleri.com ilbet ilbet giris ilbet yeni giris vdcasino vdcasino giris vdcasino sorunsuz giris betexper betexper giris betexper bahiscom grandpashabet canl casino

casino siteleri