სიყვარულის მთავარი იარაღი ორი სასწაულმოქმედი სიტყვაა-"მაპატიე" და "მადლობა"
სიყვარულის მთავარი იარაღი ორი სასწაულმოქმედი სიტყვაა-"მაპატიე" და "მადლობა"
ათონის მთაზე მდებარე წმინდა პანტელეიმონის მონასტერში მოღვაწე ჩვენი თანამემამულე ბერი ეროლაოსი (ჭეჟია) როგორც ადრე მოგახსენეთ წმინდა მთაზე ერთ-ერთ სენაკში განმარტოვებულად ცხოვრობს. ბერ ერმოლაოსთან საუბრის ჩანაწერები არქივში შემოვინახე, რასაც გზადაზგა შემოგთავაზებთ:

- მამაო, თითოეული ადამიანი ცდილობს წუთისოფელში ბედნიერი ცხოვრება მოიპოვოს. მაინც რაში გამოიხატება მისი საიდუმლოება?

-უფლის და ადამიანების თავგანწირულ სიყვარულში. სიყვარული ადამიანს ყველა ცხოვრებისეულ სიძნელეებს ადვილად გადაატანინებს და უფრო მეტიც -მის გულს ენითგამოუთქმელი უწყვეტი სიხარულით აღავსებს. თუ ვიცხოვრებთ სხვებისთვის მთელი ცხოვრების მანძილზე, ენითაუწერელი ბედნიერებისთვის ვართ განწირული. ჩვენს გულს ღვთიურ შეგრძნებამდე აამაღლებს იმის განცდა, რასაც სხვებისთვის გავაკეთებთ და გავცემთ, ხოლო რასაც ჩვენთვის მოვიხვეჭთ და მოვითხოვთ არარაობად მოგვეჩვენება. თავგანწირული სიყვარული მხოლოდ და მხოლოდ ადამიანის პრეროგატივაა, ამით განსხვავდება ის ცხოველისაგან, სწორედ ამ თვისებით ვლინდება მასში ღვთის სახება და ხატება. ის რაც სხვებისთვის დავთესავთ, რაოდენ მცირეც არ უნდა იყოს, მრავალ ნაყოფს გამოიღებს, ხოლო ის რასაც ჩვნთვის მოვწყვეტთ ჩვენი აურაცხელი სურვილების და მისწრაფებების ლაბირინთებში გახმება.

სიყვარულის მთავარი იარაღი ორი სასწაულმოქმედი სიტყვაა-"მაპატიე" და "მადლობა", არაფერი არ ასულდგმულებს ამ გრძნობას როგორც მიტევება და მადლიერება.

ბედნიერებისათვის ადამიანს ცოდნასთან ერთად სჭირდება ღვთისადმი მტკიცე რწმენა. ურწმუნო ადამიანს, როგორი განათლებული და მაღალი მორალის მატარებელიც არ უნდა იყოს, პირველ რიგში უყვარს საკუთარი თავი. ასეთ ეგოისტურ სიყვარულს კი არ შეუძლია ჭეშმარიტი ბედნიერების მოტანა. მხოლოდ თავდადებული ქრისტიანული სიყვარული, რომელიც შესწევს მხოლოდ მორწმუნე ადამიანს, არის მისი ბედნიერების გარანტი.

მართალია უფლის მადლის მოსაზიდად სულიერი მოღვაწეობის ხანგრძლივი, დაძაბული, გულმოდგინე შრომაა საჭირო, მაგრამ თავგანწირული სიყვარულისთვის ან თუნდაც ასეთი სიყვარულისკენ მისწრაფებისთვის უფალი ასეთი შრომის გარეშეც ჩუქნის ადამიანს თავის მაცოცხლებელ მადლს. თუ პიროვნება შეძლებს ამაღლდეს საკუთარ თავზე, უარს იტყვის თავის ეგოისტურ მისწრაფებებზე და ღვთის და ადამიანების სამსახურს მიუძღვნის თავს, უფალი დაუყონებლივ მიმადლის მას. საკუთარ თავზე უარის თქმა "უფლისკენ მიმავალი ყველაზე მოკლე და ჭეშმარიტი, მაგრამ ამასთან უაღრესად ძნელი გზაა. სანთლად დავიწვათ სიყვარულში და ჩვენი სული უკვე აქ, ამქვეყნად ნეტარების სიდიადეს ეზიარება. უფალი ხომ შეგვპირდა: `ვინც თავის სულს ჩემთვის კარგავს, ჰპოვებს მას (მათე 10:34)".
ბეჭდვაელფოსტა
03.04. 2019
...
მქონია ბედნიერება მამაოსთან გასაუბრებისა,ათონის მთაზე მისი მოღვაწეობით უდიდეს საქმეს აკეთებს,გააძლიეროს და უფალმა დალოცოს!
სხვა სიახლეები
17.09.2019
გვესაუბრება მცხეთის წმინდა იოანე-თორნიკე მთაწმინდელის სახელობის დედათა მონასტრის იღუმენია ეფემია (ჩირგაძე):
31.08.2019
-მიტროპოლიტმა ზინობმა (მაჟუგა) უთხრა ბერს, რომელმაც ჰკითხა, როგორ ვცხონდეო:
19.04.2019
გვესაუბრება სოფელი გლდანის წმინდა გრიგოლ ღვთისმეტყველის სახელობის მამათა მონასტრის წინამძღვარი, მამა თადეოზი (თანდაშვილი):
19.04.2019
რუის-ურბნისი ეპარქიის მღვდელმსახური, სანებლის წმინდა ნიკოლოზის მამათა მონასტრის წინამძღვარი, მამა თეოდოსი (ხაჩიძე):
16.02.2019
წმინდა ეკლესია, მეზვერე და ფარისევლის კვირის დაწყებით, კიდევ ერთხელ შეგვახსენეს, რომ სინანული ეს არის განსაწმენდელი სულისა,
22.08.2018
გვესაუბრება მცხეთის წმინდა იოანე-თორნიკეს სახელობის დედათა მონასტრის წინამძღვარი, იღუმენია ეფემია (ჩირგაძე):
08.06.2018
მესტიის მაცხოვრის აღდგომის სახელობის საკათედრო ტაძრის წინამძღვარი, დეკანოზი ლუკა ბუცხრიკიძე:
21.05.2018
მთაწმინდის მამა დავითის ტაძრის წინამძღვარი, არქიმანდრიტი იოანე (კიკვაძე): -მამაო,რა არის თანამედროვე ადამიანის პრობლემა?

- უფალი გვაფრთხილებს,
12.05.2018
ათონის მთის, ვათოპედის მონასტრის წინამძღვარი, არქიმანდრიტი ეფრემი საქართველოში ყოფნის დროს საპატრიარქოს წმიდა ანდრია პირველწოდებულის სახელობის ქართულ უნივერსიტეტს ესტუმრა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
ჟურნალი
ჟურნალის ბოლო ნომრები:
მე მინდა, რომ ჩვენ ყველამ ერთად ვიგალობოთ ”ღირს არს ჭეშმარიტად”