ანგარება ადამიანის ბუნებრივი მდგომარეობა ხდება
ანგარება ადამიანის ბუნებრივი მდგომარეობა ხდება
გვესაუბრება სვეტიცხოვლის ტაძრის დეკანოზი სერაფიმე დანელია:
-ანგარების ვნება დღეს მთელს საზოგადოებას კეთრივით აქვს მოდებული და რაც დრო გადის უფროდაუფრო ძლიერი ხდება მისი გავლენა სახელმწიფოებზე და ხალხებზე. ის წარმართავს პოლიტიკას და განსაზღვრავს ეკონომიკას. ის წარმოადგენს ადამიანის თითქმის ყველა აქტივობის ფარულ მოტივაციას და ფლობს თვითგამართლების არგუმენტაციათა ფართო სპექტრს. ის იწყება მაშინ, როდესაც ადამიანი ღირებულებების შკალაზე თვითგადარჩენის ინსტინქტიდან გამომდინარე მის ამქვეყნიურ კეთილდღეობას პრიორიტეტულ ადგილზე აყენებს, ხოლო ყველაფერ სხვას მას უმორჩილებს... ამ დროს ანგარება ადამიანის ბუნებრივი მდგომარეობა ხდება და როგორც წესი მას შემდეგ ის ვეღარ ,,ამჩნევს" მას. ერთი ბერი მიყვებოდა თუ როგორ უთხრა მას პირად საუბარში სასულიერო პირმა: ,, - მხოლოდ ერთი რამ მჭირს: - რა ვქნა ფული მიყვარს." ,, - დალოცვილო, ამ ცოდვამ გააყიდინა თავისი მოძღვარი იუდას და შენ როგორ ამბობ მიყვარს და რა ვქნაო," - თქვა მაშინ ბერმა. ასეა, როცა ადამიანი ნელნელა უშინაურდება ამ ვნებას და ეჩვევა ამ ჭრილში სამყაროს აღქმას, მაშინ მის ყველა ქცევას უკვე ანგარება განსაზღვრავს და ყველგან სარგებელი და ფული ელანდება. ამასთან ერთად, თუმცა კი იცის რომ ეს ცუდია, სერიოზულად მაინც არ წუხს ამაზე. ხედავს რომ ყველა მის მსგავსად ფიქრობს და თვლის რომ საბოლოო ანგარიშით, ეს ასეც უნდა იყოს... ანგარება მხოლოდ ფულის და კეთილდღეობის სიყვარულში არ გამოიხატება. არსებობენ ადამიანები, რომლებიც მზად არიან მოითმინონ უფულობა, უჭმელობა, ათენონ ღამეები, იშრომონ, აშენონ, აკეთონ კეთილი საქმეები, მაგრამ ფარულად სახელი და დიდი ამბიცია აწუხებდეს... საინტერესო ისაა, თუ როგორ თანაარსებობენ საზოგადოებაში ასეთი ადამიანები. ისინი გამოხატავენ სიყვარულს, გულწრფელობას, თანაგრძნობას, შეუძლიათ ტირილი სხვისი უბედურების გამო და თანხის გაღებაც გასაჭირის ჟამს, თუმცა ამ ყველაფერს მაინც სულის სიღრმეებში მიმდინარე დინებები განსაზღვრავენ და ანაყოფიერებენ... ანუ აქედანაც სარგებლობას იღებენ: - ერთის მხრივ, საკუთარი თავით გამოწვეულ თვითკმაყოფილებას, მეორეს მხრივ, ყოველთვის საჭირო ნდობასა და კეთილგანწყობას ადამიანთა მხრიდან... ამის გამო მათი სიკეთე შეიძლება ითქვას რომ მხოლოდ ადამიანური ,,განხურვების" შედეგია და არაფერი აქვს საერთო ღვთის მადლთან, რომელიც ყოველთვის თავისუფალია ყოველგვარი ფარული ქვეტექსტისგან და სავსეა სინათლით... შეიძლება შეგვეპასუხონ; - კი მაგრამ, სიკეთე ხომ აღსრულდა, განა ეს საღვთო საქმე არაა,განა უფალი არ შიწირავს მისგან თუნდაც ადამიანურ თანაგრძნობას და ქველმოქმედებებს? რა შეიძლება ამაზე ვუპასუხოთ? - დიახ, სიკეთე აღსრულდა, ადამიანმა ადამიანს უთანაგრძნო, გვერდზე დაუდგა, ანუგეშა, რაღაც გაკეთდა, რაღაც აშენდა, მაგრამ თუკი მის ასეთ ქმედებას უანგარობა არ ახლავს თან, არამედ შებღალულია ფარული ზრახვებით, მაშინ ასეთ ქველმოქმედებას არ მოაქვს მადლი მისი ავტორისთვის და არ ემსახურება არც მის და არც სხვის სულიერ განწმედას და ზრდას... ამიტომ ძმანო და დანო, გამოვიცადოთ და გამოვიკვლიოთ საკუთარი სულის სიღრმეები. გამოვიძიოთ რამდენად სუფთანი ვართ საკუთარ ზრახვებსა და ფიქრებში, რამდენად უანგაროა ჩვენი ქმედება, გულჩვილობა ან სიკეთე, რათა ჩვენი შრომა არ იყოს ამაო და რათა უფალმა ,,მოგაგოს შენ სასყიდელი სიმართლისა და გზათა შენთა შენ თანა იყოს ნათელი." (იობ.22.28)
ბეჭდვაელფოსტა
კომენტარი არ გაკეთებულა
სხვა სიახლეები
26.06.2020
გვესაუბრება დიდი სამების ლავრის მღვდელმსახური, არქიმანდრიტი ილია (თოლორაია):
17.04.2020
იღუმენი გიორგი (ედილაშვილი):

- ზიარება უდიდესი საიდუმლოებაა. საიდუმლო სერობის დროს უფალმა პური ხორცად გარდააქცია და ღვინო სისხლად.
25.01.2020
სერბ მოძღვარს, მამა ფადეი (თადეოზი) ვოტოვინცელს ჰკითხეს, - რა არის დეპრესია?-
17.09.2019
გვესაუბრება მცხეთის წმინდა იოანე-თორნიკე მთაწმინდელის სახელობის დედათა მონასტრის იღუმენია ეფემია (ჩირგაძე):
31.08.2019
-მიტროპოლიტმა ზინობმა (მაჟუგა) უთხრა ბერს, რომელმაც ჰკითხა, როგორ ვცხონდეო:
19.04.2019
გვესაუბრება სოფელი გლდანის წმინდა გრიგოლ ღვთისმეტყველის სახელობის მამათა მონასტრის წინამძღვარი, მამა თადეოზი (თანდაშვილი):
19.04.2019
რუის-ურბნისი ეპარქიის მღვდელმსახური, სანებლის წმინდა ნიკოლოზის მამათა მონასტრის წინამძღვარი, მამა თეოდოსი (ხაჩიძე):
16.02.2019
წმინდა ეკლესია, მეზვერე და ფარისევლის კვირის დაწყებით, კიდევ ერთხელ შეგვახსენეს, რომ სინანული ეს არის განსაწმენდელი სულისა,
22.08.2018
გვესაუბრება მცხეთის წმინდა იოანე-თორნიკეს სახელობის დედათა მონასტრის წინამძღვარი, იღუმენია ეფემია (ჩირგაძე):
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები:
მიუხედავად მრავალი დამცირებისა, შეურაცხყოფისა და დევნისა, სახარება მთელ ქვეყანას მოჰფინეს
წმინდა მახარებელი ლუკა თორმეტი მოციქულის გამორჩევის ამბის თხრობისას ამბობს, რომ გამორჩევამდე მაცხოვარმა მთელი ღამე გაატარა მამა ღმერთის მიმართ თხოვნა-ვედრებაში