თითოეულ ჩვენგანში ზის ეს ფარისეველი და დროდადრო იღვიძებს
თითოეულ ჩვენგანში ზის ეს ფარისეველი და დროდადრო იღვიძებს
წალენჯიხის მაცხოვრის ფერისცვალების ტაძრის დეკანოზი ანდრია კემულარია:

-ვერ მოიპოვება ქრისტიანი, რომელიც ფარისევლად წოდებას არ მიიღებს შეურაცხყოფად. ფარისეველს ვუწოდებთ ადამიანს, რომელსაც ახასიათებს ორპირობასთან, ვეცხლისმოყვარეობასა და ქედმაღლობასთან შეერთებული მოჩვენებითი ღმრთისმოსაობა. მაცხოვარი ასე ახასიათებს ფარისევლებს: "თქან და არა ყვიან... და ყოველსა საქმესა მათსა იქმან საჩუენებელად კაცთა- უყუარს ზემოჯდომა" სერსა ზედა და პირველდაჯდომა- შესაკრებელთა შორის და მოკითხვა" უბანთა ზედა, და რაითა ხადოდიან კაცნი: რაბი, რაბი!" (მთ.23:2-7). ფარისეველთა უდიდესი ნაწილი ასეთმა ცნობიერებამ სულიერ დაღუპვამდე მიიყვანა. თანამედროვე თალმუდიზმი დიდწილად მათი სწავლების გაგრძელება და განვითარებაა.

ლოცვაში ყველაზე უკეთ ჩანს ადამიანი და ფარისეველთა შინაგანი მდგომარეობაც ნათლად წარმოჩინდა მათ ლოცვაში. ფარისევლებს უყვარდათ, როცა მლოცველად ხედავდა ხალხი. უფალი ასე ამხელს მათ: "ვაი თქუენდა, მწიგნობარნო და ფარისეველნო ორგულნო, რამეთუ შესჭამთ სახლებსა ქურივთასა და მიზეზით განგრძობილად ილოცვიდით. ამისთვს მიიღოთ უმეტესი სასჯელი." (მთ. 23:13). მაგრამ ჩვენთვის ყველაზე მნიშვნელოვანი და საგულისხმო არის ის სახე ფარისეველისა, რომელსაც ვხედავთ იგავში ფარისეველსა და მეზვერეზე, სახე ადამიანისა, რომელიც არა ხალხის, არამედ თვით ღმერთის წინაშე დგას. დგას და ქედმაღლობს!

"თქუა ვიეთამე მიმართ იგავი ესე, რომელნი ესვენ თავთა თვსთა, ვითარმედ მართალ არიან, და შეურაცხ-ჰყოფენ სხუათა, ვითარმედ: ორნი კაცნი აღვიდოდეს ლოცვად ტაძარსა მას: ერთი ფარისეველი და ერთი მეზუერე. ფარისეველი იგი წარდგა და ამას ილოცვიდა თვისაგან: ღმერთო, გმადლობ შენ, რამეთუ არა ვარ, ვითარცა სხუანი კაცნი, მტაცებელ, ცრუ და მემრუშე, გინა ვითარცა ესე მეზუერე, ვიმარხავ ორ-გზის შაბათსა შინა და ათეულსა შევსწირავ ყოვლისაგან მონაგებისა ჩემისა. ხოლო მეზუერე იგი შორს დგა და არა იკადრებდა თუალთაცა ზე ახილვად, არამედ იცემდა მკერდსა და იტყოდა: ღმერთო, მილხინე ცოდვილსა ამას. Gეტყვი თქუენ: გარდამოვიდა ესე განმართლებული სახედ თვისა, ვიდრე ფარისეველი იგი, რამეთუ ყოველმან რომელმან აღიმაღლოს თავი თვისი, იგი დამდაბლდეს; და რომელმან დაიმდაბლოს თავი თვისი, იგი ამაღლდეს." (ლკ. 18:9-14).

ამ იგავით უფალი არ გვასწავლის ლოცვის ხერხს, არ გვთავაზობს სიტყვებს, რომლითაც უნდა მიმართოს მლოცველმა ღმერთს. მაცხოვარი გვაჩვენებს, როგორი შინაგანი მდგომარეობა უნდა ჰქონდეს ადამიანს, რომელიც სალოცავად წარდგება ღმრთის წინაშე. შინაგანი მდგომარეობა ცხოვრების წესით მოიხვეჭება და ეს იგავი ცხოვრებას გვასწავლის. არ უნდა ვიფიქროთ, თითქოს მხოლოდ ფარისევლის უკეთურებაზე საუბრობს უფალი. თითოეულ ჩვენგანში ზის ეს ფარისეველი და დროდადრო იღვიძებს. ეს იგავი ჩვენს ნაკლოვანებებს ამხელს.
ბეჭდვაელფოსტა
02.07. 2018
ნინო
ჩემი საყვარელი მამაო!
სხვა სიახლეები
17.09.2019
გვესაუბრება მცხეთის წმინდა იოანე-თორნიკე მთაწმინდელის სახელობის დედათა მონასტრის იღუმენია ეფემია (ჩირგაძე):
31.08.2019
-მიტროპოლიტმა ზინობმა (მაჟუგა) უთხრა ბერს, რომელმაც ჰკითხა, როგორ ვცხონდეო:
19.04.2019
გვესაუბრება სოფელი გლდანის წმინდა გრიგოლ ღვთისმეტყველის სახელობის მამათა მონასტრის წინამძღვარი, მამა თადეოზი (თანდაშვილი):
19.04.2019
რუის-ურბნისი ეპარქიის მღვდელმსახური, სანებლის წმინდა ნიკოლოზის მამათა მონასტრის წინამძღვარი, მამა თეოდოსი (ხაჩიძე):
16.02.2019
წმინდა ეკლესია, მეზვერე და ფარისევლის კვირის დაწყებით, კიდევ ერთხელ შეგვახსენეს, რომ სინანული ეს არის განსაწმენდელი სულისა,
22.08.2018
გვესაუბრება მცხეთის წმინდა იოანე-თორნიკეს სახელობის დედათა მონასტრის წინამძღვარი, იღუმენია ეფემია (ჩირგაძე):
08.06.2018
მესტიის მაცხოვრის აღდგომის სახელობის საკათედრო ტაძრის წინამძღვარი, დეკანოზი ლუკა ბუცხრიკიძე:
21.05.2018
მთაწმინდის მამა დავითის ტაძრის წინამძღვარი, არქიმანდრიტი იოანე (კიკვაძე): -მამაო,რა არის თანამედროვე ადამიანის პრობლემა?

- უფალი გვაფრთხილებს,
12.05.2018
ათონის მთის, ვათოპედის მონასტრის წინამძღვარი, არქიმანდრიტი ეფრემი საქართველოში ყოფნის დროს საპატრიარქოს წმიდა ანდრია პირველწოდებულის სახელობის ქართულ უნივერსიტეტს ესტუმრა.
12.05.2018
ათონის მთაზე მდებარე წმინდა პანტელეიმონის მონასტერში მოღვაწე ჩვენი თანამემამულე ბერი ეროლაოსი (ჭეჟია) როგორც ადრე მოგახსენეთ წმინდა მთაზე ერთ-ერთ სენაკში განმარტოვებულად ცხოვრობს.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
წმინდა იოანე ნათლისმცემლის თავისკვეთის შემდეგ მისი ცხედარი მოწაფეებმა პატივით დაკრძალეს სამარიის ქალაქ სებასტიაში, წმინდა თავი კი უსჯულო ჰეროდიადამ უპატიო ადგილას დაფლა.