პანორმიტის მთავარანგელოზ მიქაელის სასწაულმოქმედი ხატის მაკურნებელი ძალა
პანორმიტის მთავარანგელოზ მიქაელის სასწაულმოქმედი ხატის მაკურნებელი ძალა
"კარიბჭის" ვებ გვერდის საშუალებით მკითხველმა შეიტყო პანორმიტის მთავარანგელოზ მიქაელის სასწაულმოქმედი ხატის შესახებ. შეგახსენებთ, რომ მისი საქართველოში ჩამობრძანება უწმინდესის ლოცვა-კურთხევით და საბერძნეთში, ათენის წმინდა პანტელეიმონ მკურნალის ტაძარში დროებით მოღვაწე არქიმანდრიტ მამა აბიბოსის (ტარიადისი) ძალისხმევით, მისი მრევლის შემოწირულობებით, ასევე ბერძენი მოსახლეობის შემწეობით მოხდა. ათონის მთაზე წმინდა ქსენოფონტეს მონასტერში მამა ლუკას მიერ დაიწერა კუნძულ სიმის პანორმიტის მონასტრის მთავარანგელოზ მიქაელის სასწაულმოქმედი ხატის ასლი, რომელიც შემოსილია მოოქროვილი ვერცხლის პერანგით. ხატი დაბრძანებულია ყოვლადწმინდა სამების ტაძარში და მსურველებს საშუალება აქვთ მთავარანგელოზ მიქაელის სასწაულმოქმედ მსწრაფლშემსმენელი ხატისგან მადლი და წყალობა მიიღონ. პანორმიტის მთავარანგელოზ მიქაელის სასწაულმოქმედ ხატს მრავალი სასწაული მოუხდენია, მრავალი სნეული განუკურნავს. ამის შესახებ გვიამბობს მამა აბიბოსის მრევლი, ათენში მცხოვრები ქართველი ემიგრანტი ეკა ღონიაშვილი

ექიმებმა დაგვარწმუნეს, რომ სიმსივნე დაძლეულ იქნა და საშიშროებამ ჩაიარა

2007 წელს დედას აღმოაჩნდა ავთვისებიანი სიმსივნე მკერდში. მისი მდგომარეობა ყოველდღიურად უარესდებობდა. ათენში გავუკეთეთ ოპერაცია, რასაც მოჰყვა ქიმიოთერაპია და სხვა პროცესები, რაც რვა თვე გაგრძელდა. ექიმებმა დაგვარწმუნეს, რომ სიმსივნე დაძლეულ იქნა და საშიშროებამ ჩაიარა. სახლში დავბრუნდით, მაგრამ გარკვეული ხნის შემდეგ დედას მდგომარეობა ისევ გაუარესდა და კვლავ საავადმყოფოში დავაწვინეთ. გამოკვლევებმა აჩვენა, რომ მეტასტაზები მთელ ორგანიზმში იყო გასული. მას სიცოცხლის მხოლოდ ორი თვე მისცეს.
ჩემი უმცროსი და წავიდა პანორმიტის მონასტერში და მთავარანგელოზს დედის გადარჩენას შეევედრა. იმედიანი გამოვიდა მონასტრიდან და თან წამოიღო ფიტილი და ზეთი მისი კანდელიდან. დედა დიდი იმედით ყოველდღე ისვამდა ფიტილით კანდელის ზეთს. გარკვეული დროის შემდეგ კომპიუტერული ტომოგრაფია გადაუღეს, რომელმაც აჩვენა რომ ყველაფერი ცუდი ორგანიზმიდან გამქრალიყო და დედა ღმერთისა და მთავარანგელოზის დახმარებით გამოჯანმრთელდა.
გარდა ამისა, როდესაც დედას ქიმიოთერაპიას უკეთებდნენ, რაღაც მნიშვნელოვანი მოხდა: ჩვენს აგარაკზე ჩვენი არყოფნის დროს გაჩნდა ხანძარი. გაიგეს თუ არა ამის შესახებ, მაშინვე გაემართნენ - იქნებ რამე გადავარჩინოთო. მისულებს სახლთან მეხანძრეები დახვდათ, საბედნიეროდ დროზე მისულიყვნენ და ხანძარი ჩაექროთ ვიდრე ცეცხლი იმ ოთახამდე მივიდოდა, სადაც გაზის ბალონი და კიდევ სხვა ადვილად წვადი და საჭირო ნივთები ელაგა. ასე გადაარჩინა მთავარანგელოზმა ჩვენი სახლი ბოლომდე განადგურებას და სხვა სახლებიც დაიცვა, რომ ცეცხლი მათზეც არ გადასულიყო. მთავარანგელოზის ხანძარში მონაწილეობაში დაგვარწმუნა სახლში ნაპოვნმა წიგნის ორმა ფურცელმა, რომელიც სასწაულად გადარჩენოდა ხანძარს. მათზე იყო პანორმიტის მთავარანგელოზის სასწაულები სათაურებით: "მთავარანგელოზი მიქაელი დასახმარებლად გაემართა", და "შენ თუ გესმის ჩემი მომეცი ნიშანი". ამ სათაურებმა იმასაც მიგვახვედრა, რომ მას ესმოდა ჩვენი ლოცვა და დედას გადაგვირჩენდა.
მომხდარის შემდეგ და მანამდე, სანამ ამის ძალა მექნება ყოველთვის მოვალ მონასტერში, რათა ვემსახურო ჩემ დიდებულ მფარველს და გადამრჩენს.

მოხდა სასწაულების სასწაული და რამდენიმე დღეში დავფეხმძიმდი

ძვირფასო იეროფეი, მოგიყვებით ჩემს ისტორიას, რომელიც დაკავშირებულია ჩვენი პანორმიტის სასწაულთან. 4 წელია გათხოვილი ვარ და ამ ხნის განმავლობაში ჩემს მეუღლე კოსტასომთან ერთად ვცდილობთ ვიყოლიოთ შვილები, მაგრამ უშედეგოდ. გავიდა დრო და დავიწყეთ ანალიზების და ჩემთვის ძალიან მტკივნეული ოპერაციების კეთება.
ბოლოს და ბოლოს ექიმები იმ დასკვნამდე მივიდნენ, რომ ერთადერთი გამოსავალი ხელოვნური განაყოფიერება იყო. მეოთხე ცდაზე დავფეხმძიმდი, მაგრამ სამწუხაროდ მომეშალა ნაყოფი და ისე ცუდად ვიყავი, რომ ჩემი სიცოცხლე საფრთხეში იყო. მაშინ მივმართე დახმარებისთვის ჩვენი პანორმიტის სასწაულმოქმედ ხატს და აღვუთქვი, თუ ყველაფერი კარგად დამთავრდებოდა, მოვილოცავდი პანორმიტის მონასტერს.
მისი წყალობით და დახმარებით სირთულეების გადალახვის შემდეგ 2008 წლის აგვისტოში მოვედი მონასტერში. მაშინ თქვენ აღსარებაზე მიმიღეთ და მომეცით მთავარანგელოზი მიქაელის ხატის კანდელის ზეთი, რომელსაც მუცელზე ვისვამდი. მოხდა სასწაულების სასწაული და რამდენიმე დღეში დავფეხმძიმდი.
ჩემი ექიმიც ლაპარაკობს ამ სასწაულზე, რადგან ჩემი ფეხმძიმობის მეცნიერული ახსნა არ არსებობს. გარშემომყოფები ამბობენ, რომ აღსარების შემდეგ ჩემი სიხარული გამოუთქმელი, აუღწერელი იყო და მე დიდ მადლობას გიხდით ცოდვების მიტევების ღვთიური საჩუქრისთვის, რომელიც მე მომეცით.
ასევე მინდა გითხრათ, რომ როდესაც ღმრთის შეწევნით ჩვენი ბავშვი დაიბადება, მთავარანგელოზის სახელს დავარქმევთ და პანორმიტის მონასტერში მოვნათლავთ. გთხოვთ, ილოცოთ ჩემი ფეხმძიმობის მშვიდობიანად დასრულებისთვის და მინდა დარწმუნებით განვაცხადო, რომ ეს პანორმიტის ხატის მორიგი სასწაულია.

ბეჭდვაელფოსტა
21.11. 2016
ანი
დიდება უფალს
09.05. 2016
591662247
DIDEBA SEHDA
25.03. 2016
ირმა
თუ არ ვცდები პანორმიტის მთავარ ანგელოზი სამებაშია დაბრძანებული ისევ
21.11. 2015
ketevani
მეგობრებო, სტატია 16 თებერვლით თარიღდება, ეხლაც არის ხატი სამების საკათედრო ტაძარში დასვენებული?
20.11. 2015
მარიტა
სასიამოვნო და საინტერესოა მისი ძალავთხოვოთ უფალს წმინდა ანგელოზი გვფარავდეს და გვიცავდეს ! მადლობა და თქვენის ნებართვით გავაზიარებ.
სხვა სიახლეები
13.01.2020
1994 წლის ნოემბერში, გიორგობის დღესასწაულისთვის, ღვთის ნებით გავემგზავრეთ ქართველთა უძველეს სამშობლოში – ანატოლიის კაბადუკიაში წმინდა სავანეთა მოსალოცად. ნანახმა გაგონილს გადააჭარბა:
08.10.2019
ივერიის მიწაზე სტუმრად მყოფი ათონელი ბერებისთვის საქართველოს კათოლიკოს-პატრიარქს ილია მეორეს თხოვნით მიუმართავს, რათა საქარველოსთვის გადაეღოთ ასლი კარიბჭის ხატიდან.
17.09.2019
მოზდოკის ივერიის ღვთისმშობლის ხატი წმიდა მეფე თამარს ეკუთვნოდა და ცნობილია, როგორც კავკასიელ მთიელებს შორის ქრისტიანობის გამავრცელებელი.
13.12.2018
აწყურის ღვთისმშობლის ხატი ყოვლადწმიდა ღვთისმშობლის პირველი გამოსახულებაა, რომელიც შემობრძანდა და დაემკვიდრა საქართველოში.
22.11.2018
გიორგობას სარკის წმიდა გიორგის ტაძარში უამრავი მომლოცველი მიდის. ზოგი მათგანი კლდოვან გზას ფეხშიშველა მიუყვება.
11.12.2017
წმინდა ლუკა მას სიცოცხლის ბოლომდე გულმკერდზე დაკიდულს ატარებდა
პანაგია სუმელა"-ს სასწაულმოქმედი ხატი ერთ-ერთი იმ სამოცდათორმეტ ხატთაგანია წმინდა ლუკა მახარებელმა რომ დაწერა.
23.09.2017
კიკოსის ღვთისმშობლის ხატი ჯერ კიდევ დედა ღვთისმშობლის სიცოცხლეშივე მოციქულმა ეგვიპტელი ქრისტიანებისთვის შეასრულა.
16.08.2017
ეს ხატი ბრძანდება ათონზე, კარაიას კელიასთან მდებარე ეკლესიაში, რომელიც მონასტერს ეკუთვნის.
18.04.2017
ბრწყინვალე შვიდეულის სამშაბათს ივერიის ღვთისმშობლის ხატის დღესასწაულია.
- ივერონის მონასტერს იმდენი მომლოცველი სტუმრობდა, მსგავსი არასად მინახავს
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები: