წმინდა პეტრე მოციქულის ჯაჭვები
წმინდა პეტრე მოციქულის ჯაჭვები
წმინდა მოციქული პეტრე ჰეროდეს ბრძანებით საპყრობილეში ჩასვეს და რკინის ორი ჯაჭვით შებოჭეს. ჰეროდე ანტიპა იყო პირველი შვილიშვილი ჰეროდე დიდისა. იგი მართავდა იუდეას რომაელი იმპერატორის კალიგულას (37-41) და კლავდიუსის (41-54) დროს. მოკვდა მძიმე სენით, ანგელოზისაგან დამარცხებული, მას შემდეგ, რაც წმინდა მოციქული პეტრე უცნაურად გათავისუფლდა საპყრობილიდან.

ღამით, როცა წმინდა პეტრეს ორ მეომარს შორის ეძინა, უფლის ანგელოზი შემოვიდა საკანში და გააღვიძა იგი. "ჯაჭვები მყისვე დასცვივდა ხელებიდან" (საქ. 12,7).

ცნობა პეტრეს უცნაური განთავისუფლების შესახებ მთელ იერუსალიმს მოედო. ზოგიერთმა მორწმუნემ ჩუმად აიღო ჯაჭვები და შეინახა რათა მის მაცქერალს მუდამ თვალწინ ჰყოლოდა ამ ჯაჭვების მატარებელი წმინდა პეტრე, რომელიც საპყრობილიდან გამოსვლისთანავე სახარების საქადაგებლად სხვა ქვეყნებში გაემგზავრა და იერუსალიმში არ დაბრუნებულა. ჯაჭვებმა, რომლითაც შებოჭილი იყო წმინდა პეტრეს სხეული, სამკურნალო ძალა მიიღოს. ცნობილია, რომ წმინდა მოციქულ პეტრეს ოფლით გაჟღენთილი თავზე შემოსაკრავი და თავშალი ავადმყოფებს კურნავდა (საქ. 19,15). ასეთივე ძალა შეიძინეს წმინდა ჯაჭვებმაც, რომლებიც ოდესღაც მჭიდროდ ეკვროდნენ მოციქულის სხეულს. მორწმუნენი თაყვანს სცემდნენ ამ ჯაჭვებს, თაობიდან თაობას გადასცემდნენ მათ; მშობლები - შვილებს, შვილები კიდევ თავიანთ შვილებს უხსნიდნენ მათ მნიშვნელობას, ეუბნებოდნენ, თუ როგორი დიდი ტყვე იყო შებოჭილი ამით, როგორი დიდი მოციქულის სხეულს ეხებოდა ისინი. წმინდა პეტრეს სხეულის მიერ იყო ნაკურთხი ამ ჯაჭვების ძალა. ასე გადავიდა იგი მემკვიდრეობით იერუსალიმის უწმინდესი პატრიარქის იუბენალის ხელში (420-450).

როცა მეფე თეოდოსი უმცროსის მეუღლე ევდოკია იერუსალიმიდან დედაქალაქში ბრუნდებოდა, პატრიარქმა იუბენალმა მისი კეთილი საქმეებისა და წმინდანთა სიყვარულისათვის მას მრავალი სულიერი განძი აჩუქა, რომელთა შორის იყო წმინდა პეტრეს პატიოსანი და სასწაულთმოქმედი ჯაჭვები. ეს ჯაჭვები იერუსალიმში ინახებოდა 439 წლამდე. ამ დროს მიიღო დედოფალმა ევდოკიამ ისინი საჩუქრად.

დედაქალაქში დაბრუნებისას ევდოკიამ ერთი ჯაჭვი საჩუქრად გადასცა წმინდა პეტრეს სახელობის ტაძარს, რომელიც მოთავსებული იყო სოფიის დიდი ტაძრის შიგნით.

აქ იგულისხმება კონსტანტინე დიდის მიერ აგებული კონსტანტინოპოლის მთავარი ტაძარი. ეს ტაძარი იუსტინიანე დიდის დროს კიდევ უფრო განახლდა, გაფართოვდა. ტაძარი აგებული იყო ღვთის სიბრძნის, სოფიის პატივსაცემად.

1453 წელს კონსტანტინოპოლი თურქებმა დაიპყრეს და ტაძარი მეჩეთად გადააქციეს. იუსტინიანეს დროინდელი წმინდა სოფიის ტაძარი ამჟამადაც წარმოადგენს ბიზანტიური სტილის ქრისტიანული არქიტექტურის შესანიშნავ ძეგლს.

მეორე ჯაჭვი რომში თავის ქალიშვილ ევდოკიას, მეფე ვალენტინიან მესამის მეუღლეს გაუგზავნა.

თავის დედასავით ღვთისმოსავმა ევდოკიამ სიყვარულით მიიღო ეს ძვირფასი საჩუქარი და ევსკვილიის მთაზე წმინდა მოციქულ პეტრეს სახელზე ააგო ტაძარი, რომელშიც დააბრძანა ეს ჯაჭვი. ამ ტაძარში ჯაჭვთან ერთად მან მოათავსა წმინდა პეტრეს მეორე ჯაჭვიც, რომელიც ნაპოვნი იქნა რომში და რომლითაც შებოჭილი იყო იგი ნერონის მიერ წამების დროს.

ჯაჭვები, რომლითაც შებოჭილი იყო წმინდა პეტრე, რომში მოიპოვეს II საუკუნეში.

ამის შემდეგ ამ პატიოსანი ჯაჭვების პატივსაცემად 16 იანვარს დაწესდა დღესასწაული.

ჯაჭვების რომაული დღესასწაული არსებობდა II საუკუნის დასაწყისიდან, პაპ ალექსანდრეს დროიდან (109-119). იგი ეძღვნებოდა წმინდა პეტრეს რომის საპყრობილეში ყოფნას. ამ დღესასწაულის შემდეგ განახლდა იერუსალიმიდან გამოგზავნილი ჯაჭვების თაყვანისცემისადმი მიძღვნილი დღესასწაული. ეს ზეიმი რომის ეკლესიებში სრულდება 1-ელ აგვისტოს.

ჯაჭვთაყვანისცემის დღესასწაული ეძღვნება წმინდა მოციქულ პეტრეს ხსოვნას და მიმდინარეობს უფლისა ჩვენისა იესო ქრისტეს სადიდებლად. წმინდა პეტრეს ჯაჭვების სახელზე თბილისში აგებულია ტაძარი ავჭალაში, მთაზე.
ბეჭდვაელფოსტა
კომენტარი არ გაკეთებულა
სხვა სიახლეები
07.04.2017
1. ავად იყო ვინმე ლაზარე, ბეთანიელი, მარიამისა და მისი დის - მართას სოფლელი.
02.09.2015
წმიდა მოციქული თადეოზი ტომით ებრაელი იყო, იგი სირიის ქალაქ ედესაში დაიბადა. იერუსალიმში დღესასწაულზე ჩასულმა მოისმინა იოანე ნათლისმცემლის ქადაგება, მისი ხელით მიიღო სინანულის ნათლობა მდინარე იორდანეში და პალესტინაში დარჩა.
04.02.2015
წმიდა მოციქული ტიმოთე მცირე აზიის ქალაქ ლუსტრაში დაიბადა. ის ქრისტიანობაზე წმიდა მოციქულმა პავლემ (+67; ხს. 29 ივნისს) მოაქცია 52 წელს.
27.11.2014

გალილეის ქალაქ ბეთსაიდის მკვიდრი წმინდა მოციქული ფილიპე წმინდა წერილში ღრმად იყო განსწავლული.

05.11.2014
წმიდა მოციქული იაკობი, ხორციელი ძმა უფლისა მართალი იოსების (ხს. 26 დეკემბერს) ძე იყო. გადმოცემით, წმიდანი თან ახლდა ყოვლადწმიდა ღვთისმშობელს, როცა იგი ჰეროდეს რისხვას განერიდა და ყრმა იესოსთან და იოსებთან ერთად ეგვიპტეში გაიქცა.
31.10.2014
წმინდა ლუკა მახარებელი დაიბადა სირიის ქალაქ ანტიოქიაში.
18.10.2014
წმიდა მოციქული თომა გალილეის ქალაქ პანეადაში დაიბადა, რომელსაც კესარია ეწოდა.
11.07.2014
"მობაძავ ჩემდა იყვენით, ვითარცა მე ქრისტესა", - გვეუბნება წმინდა მოციქული პავლე. მაგალითი და საქმე უფრო მოქმედებს ადამიანებზე, ვიდრე შეგონება და დარიგება.
11.07.2014
გეთსიმანიის გზაზე უთხრა იესომ მოწაფეებს, რომ ამ ღამეს მის მიმართ ყველანი დაბრკოლდებოდნენ. ამასთან, აღუთქვა, რომ აღდგომის შემდეგ წარუძღვებოდა მათ გალილეისკენ.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
მხოლოდ განწმენდილ ადამიანს შეუძლია, ნათელი მისცეს სხვას
ამ ძალზე საგულისხმო წერილის ავტორი ახალგაზრდა რუმინელი ბერი ალექსი ცირდეაა, რომელიც რამდენჯერმე საქართველოსაც ესტუმრა.