ბევრჯერ შევვედრებივარ იერემიას, საგოდებლად არ გაეხადა ჩვენთვის ჩვენი ქვეყანა
 ბევრჯერ შევვედრებივარ იერემიას, საგოდებლად არ გაეხადა ჩვენთვის ჩვენი ქვეყანა
"ცათა სასუფეველი დედამიწაზე არ არის, ცაშია, მაგრამ მასში ეკლესიის გზით შედიან", - წერდა დოსტოევსკი. ეკლესიის როლი და მნიშვნელობა უდიდესია და მის დაფუძნებას უძველესი დროიდან ცდილობდნენ უფალთან ერთად ღვთით განბრძნობილნი კაცნი, წინასწარმეტყველნი. ძალზე ძნელია, ჩვეულებრივმა ადამიანმა სწორად და შეუმცდარად გაიგოს მისი სწავლება, მაგრამ აქ ისევ ეკლესია გვეხმარება. თუ ყურს დავუგდებთ მოძღვართ ქადაგებებს, მივხვდებით და გავიაზრებთ, რა ელის კაცობრიობას თავისი ცოდვებისთვის.

ნინო (50 წლის): - წინასწარმეტყველთა შესახებ ბევრი არაფერი ვიცი, მაგრამ ის ვიცი, რომ "დავითნი" წყაროა სიცოცხლისა. ამ წიგნის შესავალში წერია კიდეც: "ეკლესიის კურთხევით თითოეული ქრისტიანი ყოველდღიურად უნდა კითხულობდეს "ფსალმუნს", რათა სულიერად გაძლიერდეს მოძალებული განსაცდელის ჟამს". სანამ ამას გავიგებდი და საერთოდ "უკეთესი მორწმუნე" გავხდებოდი, ვიდრე ვიყავი, დიდად არ მეხალისებოდა ფსალმუნების კითხვა. მეტიც, მხოლოდ დილის და საღამოს ლოცვებში შემავალ ფსალმუნებს ვკითხულობდი. უფალი ხედავს ჩვენს გულს და ერთხელაც, მესიზმრა-მეთქი, ვერ ვიტყვი, უფრო მეჩვენა, რომ სადღაც, ტაძარში შევედი. საკურთხეველს მივუახლოვდი და ჩემს წინ უზარმაზარი ასოებით გამოისახა: "დავით, წყარო ცხოვრებისა". რომ გითხრათ, დიდად დამაფიქრა ამან-მეთქი, ვიცრუებ. ადრე ფერისცვალების ეკლესიის მრევლის წევრი ვიყავი. ერთხელაც გადავწყვიტე, წირვას იქ დავსწრებოდი. გზა ამებნა, სულ სხვანაირად მომეჩვენა ის ქუჩები, სადაც წლების განმავლობაში დავდიოდი და ერთ პატარა საყდარს მივადექი. კი მივხვდი, რომ ფერისცვალების ეკლესია არ იყო, მაგრამ მაინც შევედი. ვიკითხე, ვისი სახელობისაა-მეთქი. დავით წინასწარმეტყველისო, რომ მითხრეს, ყველაფერი ერთად გამახსენდა. მას შემდეგ თითქოს ფსალმუნებსაც სხვაგვარად ვიგებდი. ის ადგილები რომ ვნახე, სადაც მაცხოვრის მოსვლა და ჯვარცმაა ნაწინასწარმეტყველები, ლამის გული გამიჩერდა.

ილია (60 წლის): - ადამიანის ცხოვრება რამდენიმე ეტაპისგან რომ შედგება, უცხო არავისთვისაა. რწმენაც ალბათ უფრო მაშინ მოდის, როცა სული ითხოვს ამას. მორწმუნე დედ-მამა მყავდა, სახელიც წინასწარმეტყველის დამარქვეს. ბაბუას ერქვა, უფრო სწორად, იმას დაარქვეს მშობლებმა. ილია წინასწარმეტყველი უყვარდათ საქართველოში და მას შესთხოვდნენ, როცა ტაროსი ვერ იყო ისეთი, მოსავალს რომ სჭირდებოდა. როცა ეკლესიაში დავიწყე სიარული, არ ვიცი, რატომ, მოძღვარმა მირჩია, ეკლესიასტე წაიკითხეო. თუმცა როგორ არ ვიცი, მე ხომ საკმაოზე მეტად მდიდარი ვიყავი იმ დროისათვის და ფულისა და კარგი ცხოვრების სიყვარულიც მეტყობოდა. დამეზარა, მაგრამ ცოლმა მირჩია, მოძღვრის ურჩობა არ ვარგა და რასაც გეტყვის, ის უნდა გააკეთოო. დავიწყე კითხვა. მოგეხსენებათ, როგორი ღრმა და ლამაზხმოვანია. ეკლესიასტე, მეფის ძე, რომელმაც ყველა ამქვეყნიური სიამე იგემა, ამაოებას რომ დაარქმევს ყოველივეს, აბა, ჩვენ ვინ ვართ და რა უნდა ვიფიქროთ? მაშინ მივხვდი, მართლა რა წარმავალია წუთისოფელი, ოღონდ ეგ არის, სიკეთე არ არის ამაო, სიკეთე თან მიგყვება, როგორც გურამიშვილი ბრძანებდა: "კაცს მიუძღვის აქ ნაქმარი, ავსა ავი, კარგსა კარგი".

ანდრია (34 წლის): - წინასწარმეტყველი ბევრია და სახელებიც ვიცი ზოგიერთისა. თუმცა ვერ დავიჩემებ, რომ მათ ცხოვრებასა და ქადაგებებს ვიცნობდე. აბიტურიენტი რომ ვიყავი, ჩემმა მასწავლებელმა ცრემლნარევი სიტყვებით აგვიხსნა მელქისედეკ კათალიკოსის საუბარი ზვიად სპასალართან. იქ არის სწორედ ნახსენები იერემია წინასწარმეტყველი - ვაი მას, ვისაც იერემიასებრი გოდება ხვდა წილადო. დანგრეული სამშობლოსათვის გოდებს იერემია და მელქისედეკსაც არ სურს დაინგრეს და განადგურდეს საქართველო. ჩემი ქვეყანა ჩემთვის ყველაფერია და დავინტერესდი, რა იყო იერმიას გოდების მიზეზი. მაშინ ისიც გავიგე, რომ იერუსალიმის დამანგრეველთა შორის ერთ-ერთი იბერიული ტომიც ერია. ახლა სახელი არ მახსოვს იმ ტომისა, მაგრამ კარგად მახსოვს ის განცდა, რომელიც მაშინ დამეუფლა. ჩვენი შორეული წინაპრებიც ხომ არ მონაწილეობდნენ უფლის ქალაქის დანგრევაში-მეთქი. მე პირადად ბევრჯერ შევვედრებივარ იერემიას, საგოდებლად არ გაეხადა ჩვენთვის ჩვენი ქვეყანა...
ბეჭდვაელფოსტა
კომენტარი არ გაკეთებულა
სხვა სიახლეები
23.05.2018
როცა ხანცთისკენ მიმავალ ციცაბო გზაზე ავდიოდით ჩემს გულში სამი სახე მესახებოდა: ერთ მხარეს კლდე (ქრისტე), შუაში გზა (ადამიანის ღვაწლი) და მეორე მხარეს გადასავარდნი (სიკვდილის ტოლფასი დაცემა - უნანელობა).
23.09.2017
ჩვენი ჟურნალისა და ვებ-გვერდის მკითხველმა მოგვწერა წერილი და გვთხოვა გამოგექვეყნებინა. ვასრულებთ მის თხოვნას. მადლობა მას და მადლობა თითოეულ თქვენგანს,
30.05.2016
დათო ხვედელიძე სოციალურ ქსელში იხსენებს:
2008 წლის ადრიანი ზაფხული იქნებოდა, აღარ მახსოვს სად მივდიოდი...
04.01.2016
იმერელი მუსიკოსი ევროპაში - ემიგრანტის დღიურიდან

თეა კეკუა გერმანიაში, მიუნხენის ქართული ემიგრაციის ნაწილია. ნიჭიერი ახალგაზრდა საკუთარ სათქმელს მცირე ჩანახატით გადმოგვცემს:
27.12.2015
რა არის ქრისტიანობა? როდის ვხდებით ჭეშმარიტი ქრისტიანები? მხოლოდ ეკლესიაში სიარული და გასაჭირში ლოცვის კითხვა მაქცევს უფლის შვილად?
24.11.2011
უფლის მონობას ადამიანი სიკეთის, სიყვარულის, სამართლიანობის გზით მიჰყავს, ხოლო კაცთა მონობას - პირიქით.
27.10.2011
ხშირად მიფიქრია, ილიამ, რომელმაც მოწამებრივი ცხოვრებით იცხოვრა, რატომ დაგმო განდევნილი ბერის უდიდესი ღვაწლი, რატომ დაამარცხა იგი
13.10.2011
საქართველო ყოველთვის იყო გეზის მიმცემი კავკასიის ხალხისა, ეს მით უფრო მართლმადიდებლობას შეეხება, რომლისთვისაც საქართველოს, როგორც სახელმწიფოს, არასოდეს უღალატია.
29.09.2011
ყველა ადამიანი ღვთის ძეა. ყოველგვარი ფარისევლობის გარეშე შემიძლია ვთქვა, "ცოდვა ჩემი წინაშე ჩემსა არს მარადის", მხოლოდ მე ვიცი, რომ ვცოდავ, და კიდევ - ღმერთმა
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
გარდაცვალება ყოველი ადამიანის ხვედრია, რომელსაც ვერავინ გაექცევა. "ვინ არს კაცი, რომელი ცხონდეს და არა იხილოს სიკვდილი" (ფს. 88,48), თუმცა დაფარულია, როდის დაგვიდგება ამ ქვეყნიდან გასვლის ჟამი.