წერილები რედაქციას
წერილები რედაქციას
მოგესალმებით. მადლობა უფალს, რომ საქართველოში იბეჭდება მართლმადიდებლური ჟურნალი "კარიბჭე". მადლობა იმისთვის, რომ მრავალ საინტერესო კითხვას პასუხობთ და მრავალი მოძღვარი გაგვაცანით.

ჟურნალ "კარიბჭის" რამდენიმე ეგზემპლარს გამოსვლისთანავე ვიძენ, ვჩუქნი ახლობლებს და ვუგზავნი საზღვარგარეთ მყოფ მეუღლეს. როცა ჟურნალს საზღვარგარეთ ვაგზავნი, ვფირობ, ეს მცდელობაა, იქ მყოფმა ქართველობამ კიდევ უფრო მძაფრად იგრძნოს ქართული სიტყვა მართლმადიდებელი სარწმუნოებისა და ქართველ მღვდელ-დიაკონთა, ბერ-მონაზონთა რწმენის სიმტკიცე, სიძლიერე და აღმასვლა, რადგან "სიყვარული ღვთისა და მოყვასისა - ეს ის მცნებებია, რომლებიც ყოველთვის უნდა ახსოვდეს ქრისტიანს და რომლებიც საფუძველია ყოველი სიკეთისა. სწორედ ამ ორი სათნოებით იქმნება მიმართება, რომელიც ქმნის უხილავ ჯვარს და სწორედ ამ ორი მცნების (სიყვარული და სიკეთის ქმნა) თანხვედრა უნდა მოხდეს ყოველი ქრისტიანის გულში".

უფლის სიყვარული და საეკლესიო მცნებების დაცვა რომ არა, ბევრი ცხოვრებისეული საკითხის დადებითად გადაწყვეტა გამიჭირდებოდა...

სულ ახლახან საბერძნეთიდან მეუღლის წერილი მივიღე, რომელსაც შემოკლებით გიგზავნით.
რეზო

...ათი წლის მკურნალობისა და ოპერაციის შემდეგ იძულებული გავხდი, საზღვარგარეთ წავსულიყავი. ჩემი გულის ნაწილი შვილებთან დავტოვე, სულისა კი იმ ეკლესიაში, მრევლში და მოძღვართან, რომელსაც წლების განმავლობაში აღსარებას ვაბარებდი...

საზღვარგარეთ ია-ვარდით დაფენილი გზა როდი დამხვდა...

ყოველ დილით უფალს ჩემსა და ჩემი მოსავლელის ჯანმრთელობას ვევედრები, შემდეგ საკუთარ ოჯახსა და შვილებს ვავედრებ ღვთისმშობელს. რამდენიმე წელია სიზმრად ვხედავ ჩემს ქალაქს, სახლს, შვილებს, მოძღვარს...

დასვენების საათებში მათ წერილებს ვწერ, ზოგჯერ ტელეფონით ვესაუბრები მოძღვარს, მაგრამ ვერ ვივსებ იმ გრძნობას, რასაც უფლისმიერი სიყვარული, მონატრება ჰქვია.

ზოგჯერ ქალური სისუსტე მძლევს, მე ხომ შორს მყოფმა დავიტირე მშობელი მამა, მე ხომ შვილის ბედნიერებას და ახალი სიცოცხლის - შვილიშვილის დაბადებას ვერ დავესწარი. თან სისტემატურად ვერ ვლოცულობ... აბა, ამის უფლებას ვინ დამრთავს, მე ხომ მოსამსახურე, მომვლელი მქვია.

დასვენების დღესაც ეკლესიაში ვხვდები. უფალს მადლობას ვწირავ ყოველი დღის გათენებისთვის, გასული წლებისთვის. მხოლოდ იქ ვგრძნობ შვებას, სინანულის ცრემლებით ვასველებ წმინდანთა გამოსახულებებს, ვეფერები და ვეამბორები. მოსავლელთან კი უფრო დამშვიდებული ვბრუნდები, ვბრუნდები იმ გრძნობით, თითქოს ახლობლებს, შვილებს მოვეფერე.

როცა ჟურალ "კარიბჭის" რამდენიმე ნომერი მივიღე, ღამეები გავათენე. მადლობა, ძვირფასებო, იმ სულიერი დარიგებისთვის, რომელსაც თქვენი ჟურნალი აქვეყნებს; ჟურნალი "კარიბჭე", როგორც ნათელი სხივი, იმედი, ისე შემოიჭრა ჩემს სულიერებაში, ჩემს ცხოვრებაში.

..აცხოვნე, უფალო, და შეიწყალე დიდი მეუფე ჩვენი უწმინდესი და უნეტარესი, სრულიად საქართველოს კათოლიკოს-პატრიარქი, მამაი ჩვენი ილია, ყოვლად სამღვდელონი მიტროპოლიტნი, მთავარეპისკოპოსნი და ეპისკოპოსნი, პატიოსანნი მღვდელნი, ქრისტეს მიერ დიაკონნი, ყოველი სამონაზვნო წესნი ზიარნი ეკლესიისანი... და ლოცვითა მათითა ჩვენცა, ცოდვილნი, შეგვიწყალენ და გვაცხოვნე...

უფლის შემწეობით როდისმე დავუბრუნდები საკუთარ სახლს, ვნახავ ჩემთვის უცნობ ოჯახის ახალ წევრს, ჯერ უნახავ შვილიშვილებს, ახლობლებს, სულიერ მოძღვარს, და ვიცი, შინ დამხვდება ჟურნალ "კარიბჭის" ყველა ნომერი, რომელთა კითხვაში გამითენდება მომავალი წლები.

კიდევ ერთხელ დიდი მადლობა ჟურნალის მთავარ რედაქტორს, მამა თეოდორეს, დამფუძნებლებს, ჟურნალისტებს - ყველა თანამშრომელს...

მიყვარხართ და გეფერებით!

ჯულიეტა
საბერძნეთი, ათენი
ბეჭდვაელფოსტა
კომენტარი არ გაკეთებულა
სხვა სიახლეები
23.05.2018
როცა ხანცთისკენ მიმავალ ციცაბო გზაზე ავდიოდით ჩემს გულში სამი სახე მესახებოდა: ერთ მხარეს კლდე (ქრისტე), შუაში გზა (ადამიანის ღვაწლი) და მეორე მხარეს გადასავარდნი (სიკვდილის ტოლფასი დაცემა - უნანელობა).
23.09.2017
ჩვენი ჟურნალისა და ვებ-გვერდის მკითხველმა მოგვწერა წერილი და გვთხოვა გამოგექვეყნებინა. ვასრულებთ მის თხოვნას. მადლობა მას და მადლობა თითოეულ თქვენგანს,
30.05.2016
დათო ხვედელიძე სოციალურ ქსელში იხსენებს:
2008 წლის ადრიანი ზაფხული იქნებოდა, აღარ მახსოვს სად მივდიოდი...
04.01.2016
იმერელი მუსიკოსი ევროპაში - ემიგრანტის დღიურიდან

თეა კეკუა გერმანიაში, მიუნხენის ქართული ემიგრაციის ნაწილია. ნიჭიერი ახალგაზრდა საკუთარ სათქმელს მცირე ჩანახატით გადმოგვცემს:
27.12.2015
რა არის ქრისტიანობა? როდის ვხდებით ჭეშმარიტი ქრისტიანები? მხოლოდ ეკლესიაში სიარული და გასაჭირში ლოცვის კითხვა მაქცევს უფლის შვილად?
12.04.2012
წარმოუდგენელია, როგორ არსებობდა კაცობრიობა აღდგომის მადლის გარეშე. ეს დღე სხვაგვარად თენდება, საყოველთაო სიხარულია მორწმუნეთა შორის
29.03.2012
ათასგვარი ნაკლი გვაქვს ადამიანებს, მაგრამ მათ შორის უარესი ამპარტავნება და მისგან შობილი მრისხანებაა.
15.03.2012
მოგესალმებით, მე გახლავართ ქართული ენისა და ლიტერატურის პედაგოგი ეკატერინე ბუხაიძე.
01.03.2012
"ნუ ტირი, თუ მართლა გიყვარვარ"
ჟურნალი "კარიბჭე" ჩვენი სულიერი ცხოვრების წინამძღოლი გახდა. ბევრი შეგვძინა და გვასწავლა ჟურნალის დარიგებებმა.
01.03.2012
სამი სიხარული
ამ პატარა სამადლობელ წერილს საქართველოს ონკოლოგიის ნაციონალური ცენტრის ბავშვთა განყოფილების პაციენტი ბავშვები და მათი მშობლები ვწერთ.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
ჟურნალი
ჟურნალის ბოლო ნომრები:
მე მინდა, რომ ჩვენ ყველამ ერთად ვიგალობოთ ”ღირს არს ჭეშმარიტად”