"ალილოს" ხმას რომ გავიგონებ, სიხარულს ვერ ვფარავ
"ალილოს" ხმას რომ გავიგონებ, სიხარულს ვერ ვფარავ
ქრისტიანული სამყარო განსაკუთრებულად ემზადება შობის დღესასწაულისთვის. ყოველი წელი, ყოველი განვლილი დღე გვაახლოებს მარადიულობას. ყოველი შობა შეგვახსენებს, ამაოების მიღმა წარუვალი ღირებულებები დავინახოთ და უფალთან მიახლოების გზები ვეძებოთ. იესო ქრისტე ბეთლემში იშვა, მაგრამ თუ იგი ჩვენს გულებში არ დაივანებს, ამის გაცნობიერება გაგვიჭირდება...

ელენე (57 წლის): კარგად იცით, რამხელა სიხარული მოჰქონდა შობას ჩვენში. თუმცა კომუნისტების დრო იყო, ბავშვებს "ალილოზე" სიარულს ვერავინ გვიშლიდა. ულამაზესი იმერული ოდა-სახლები, ორღობეები თოვლით გადაქათქათდებოდა, შორიდან და ახლოდანაც ძაღლების ყეფა ისმოდა, ყველა ოჯახში ცეცხლი ენთო და საშობაო სუფრა მზადდებოდა. ჩვენ, შობის მახარებლები, მივადგებოდით რომელიმე სახლს, ფეხებს დავიბერტყავდით და სიმღერას შემოვძახებდით. მასპინძელი გამოგვეგებებოდა ტკბილეულით, ჩურჩხელებით, ხურდა ფულით. პატარა ტომსიკები რომ აივსებოდა, სახლებს მივაშურებდით და ვიყავით ერთ თვლასა და ხორხოცში. ეკლესია ჩვენ არ გვქონდა და ლოცვა მოხუცების მეტს არავის ახსოვდა, მაგრამ უფლის შობით გამოწვეული სიხარული ცას სწვდებოდა. ახლა, "ალილოს" ხმას რომ გავიგონებ, სიხარულს ვერ ვფარავ. ეკლესიიდან გამოსულ მეალილოეებს ჩემდა უნებურად ვუერთდები. ხომ არის რაღაც, რაც სიგიჟემდე გენატრება და ამ დღეს უფლის შობის დღესასწაულთან ერთად ბავშვობა მიბრუნდება.

დავითი (42 წლის): შობა კაცობრიობის უდიდესი დღესასწაულია. ამ დღეს მთელი ქრისტიანული სამყარო ეფერება ახალშობილ იესოს, იხსენებს იმ ლამაზ ამბავს, რომელიც ოცი საუკუნის წინათ წმინდა მიწაზე მოხდა. ქრისტე თავადაა მზე სიმართლისა. ამიტომ უფლის დაბადების დღესასწაულს სულიერად ამაღლებულნი უნდა შევხვდეთ. მხოლოდ მარხვის დაცვა არ კმარა სულის განსაწმენდად, თუმცა ესეც აუცილებელია. როცა ერთი ვნების დათრგუნვას ისწავლი, ნელ-ნელა სხვაც მიჰყვება, მაგრამ ამას ძლიერი ნებისყოფა და სულის სისავსე სჭირდება.

ნინუცა (60 წლის): ჯვარი ბოროტების წინააღმდეგ მიმართული იარაღია, ჯვრით დაითრგუნა სიკვდილი და აღმოცენდა უკვდავება კაცისა, მაგრამ მანამდე იყო შობა. ღმერთის ადამიანად ყოფნა გახდა საჭირო ცოდვილი კაცობრიობისთვის, რათა გვეგრძნო, რით შეგვეძლო ეშმაკზე გამარჯვება. ადამიანი ხორციელად დედის მუცლიდან იშვება, რომელიც ყველაზე მყუდრო და დაცული ადგილია მთელი შენი არსებობის განმავლობაში. სულიერი შობა კი ნათლისღებაა და ამას დიდი მოფრთხილება სჭირდება - ნათლისღებით განწმენდილი სული არ უნდა დაიბინძურო. "ალილო" უპირველესი საგალობელია, რადგან ამით გვეხარება აღსრულება იმ დიდი მისტერიისა, რომელსაც ქრისტეს ხორციელად შობა ჰქვია. სასიხარულოა, რომ კომუნისტების შავბნელი ეპოქის შემდეგ ისევ აღდგა ტრადიცია ამ მარადიული საგალობლით სოფელ-სოფელ შემოვლისა.

ოთარი (37 წლის): რომ გითხრათ, ეკლესიური ვარ-მეთქი, მოგატყუებთ. ეკლესიაში დავდივარ, როგორ არა, მაგრამ ეს არ მიმაჩნია საკმარისად. ვერ ვმარხულობ, მიჭირს თავშეკავება, სიგარეტს ვერ დავანებე თავი, თუმცა ბევრჯერ ვცადე... ძალიან იშვიათად ვეზიარები, ალბათ წელიწადში ერთი-ორჯერ...

შობა ჩემთვის უდიდესი დღესასწაულია - უფალი იშვა და ჩვენ, ადამიანებს, სასუფევლის სიხარული მოგვიტანა. შობისგან დაედო სათავე აღდგომას. ძალიან მომწონს სარკმელთან სანთლის დადგმის ტრადიცია, თუმცა არ ვიცი, ეს ძველის გახსენებაა თუ ჩვენმა პატრიარქმა დაადგინა. უფლის შობა იმდენად დამაფიქრებელია და საიდუმლოთი სავსე, რომ როცა შევიცნობთ, რატომ მოვიდა უფალი, რატომ დაიმდაბლა თავი, ამაოებაზე ფიქრს სულიერი ცხოვრების გზა უნდა ვამჯობინოთ. აღდგომა კიდევ ერთი დადასტურებაა იმისა, რომ უფალმა ყველა ამსოფლიური ტანჯვა თავის თავზე იწვნია.

საშობაო ზეიმი ჩვენზე უკეთესი იციან ევროპის ქვეყნებში, მაგრამ იმ ზეიმს სული ვერ აჰყვება. მე ნორვეგიაში ვცხოვრობდი და ვიცი, როგორ ზეიმობენ... ვერ ვიტყვი, არ უხარიათ-მეთქი, სხვისი განკითხვაც არ მინდა, მაგრამ მე ჩემი მირჩევნია. იქ საჩუქრებით ამავსებდნენ ხოლმე. აქ ამის შეძლება არავის აქვს, მაგრამ მაინც მეზეიმება - ყურადღება საჩუქრებზე კი არა, სულიერ მარხვაზეა გადატანილი და სწორედ ამაშია ღმერთთან სიახლოვით გამოწვეული სიხარულის მადლი.
ბეჭდვაელფოსტა
კომენტარი არ გაკეთებულა
სხვა სიახლეები
23.05.2018
როცა ხანცთისკენ მიმავალ ციცაბო გზაზე ავდიოდით ჩემს გულში სამი სახე მესახებოდა: ერთ მხარეს კლდე (ქრისტე), შუაში გზა (ადამიანის ღვაწლი) და მეორე მხარეს გადასავარდნი (სიკვდილის ტოლფასი დაცემა - უნანელობა).
23.09.2017
ჩვენი ჟურნალისა და ვებ-გვერდის მკითხველმა მოგვწერა წერილი და გვთხოვა გამოგექვეყნებინა. ვასრულებთ მის თხოვნას. მადლობა მას და მადლობა თითოეულ თქვენგანს,
30.05.2016
დათო ხვედელიძე სოციალურ ქსელში იხსენებს:
2008 წლის ადრიანი ზაფხული იქნებოდა, აღარ მახსოვს სად მივდიოდი...
04.01.2016
იმერელი მუსიკოსი ევროპაში - ემიგრანტის დღიურიდან

თეა კეკუა გერმანიაში, მიუნხენის ქართული ემიგრაციის ნაწილია. ნიჭიერი ახალგაზრდა საკუთარ სათქმელს მცირე ჩანახატით გადმოგვცემს:
27.12.2015
რა არის ქრისტიანობა? როდის ვხდებით ჭეშმარიტი ქრისტიანები? მხოლოდ ეკლესიაში სიარული და გასაჭირში ლოცვის კითხვა მაქცევს უფლის შვილად?
12.04.2012
წარმოუდგენელია, როგორ არსებობდა კაცობრიობა აღდგომის მადლის გარეშე. ეს დღე სხვაგვარად თენდება, საყოველთაო სიხარულია მორწმუნეთა შორის
29.03.2012
ათასგვარი ნაკლი გვაქვს ადამიანებს, მაგრამ მათ შორის უარესი ამპარტავნება და მისგან შობილი მრისხანებაა.
15.03.2012
მოგესალმებით, მე გახლავართ ქართული ენისა და ლიტერატურის პედაგოგი ეკატერინე ბუხაიძე.
01.03.2012
"ნუ ტირი, თუ მართლა გიყვარვარ"
ჟურნალი "კარიბჭე" ჩვენი სულიერი ცხოვრების წინამძღოლი გახდა. ბევრი შეგვძინა და გვასწავლა ჟურნალის დარიგებებმა.
01.03.2012
სამი სიხარული
ამ პატარა სამადლობელ წერილს საქართველოს ონკოლოგიის ნაციონალური ცენტრის ბავშვთა განყოფილების პაციენტი ბავშვები და მათი მშობლები ვწერთ.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
ჟურნალი
ჟურნალის ბოლო ნომრები:
მე მინდა, რომ ჩვენ ყველამ ერთად ვიგალობოთ ”ღირს არს ჭეშმარიტად”