მესხეთის გვარიშვილთა კავშირის მიმართვა ზედგინიძეთა გვარს
მესხეთის გვარიშვილთა კავშირის მიმართვა ზედგინიძეთა გვარს
12 ნოემბერი სამშობლო ქვეყნის ინტერესებისთვის თავშეწირული მესხის იოთამ ზედგინიძის ხსენების დღეა. ერთი იოთამის სახელი მთელი გვარის სახელად, ღირსებად და სიამაყედ იქცა, რაც ყველას სიყვარულითა და პატივისცემით განგვაწყობს ზედგინიძეთა სახელოვანი მოდგმის მიმართ.

ზედგინიძეებს შორის ყოველთვის დიდი ინტერესით ვკითხულობ იოთამის სახელის მქონეს და ჯერ ვერ აღმოვაჩინე. არადა ძალიან მინდა, იოთამი ბევრ ზედგინიძეს ერქვას, რათა სამშობლოს ჩვენსას ბევრი იოთამ ზედგინიძე ჰყავდეს, როგორც ცოცხალი ხსოვნა წმინდა იოთამ ზედგინიძისა. ეს სახელი სამშობლოს სიყვარულზე დაგვაფიქრებს და ამ სიყვარულის სიდიადეს შთაგვაგონებს. სამშობლოს სიყვარული ჩვენთვის თანდაყოლილი გრძნობაა, მაგრამ მას დღენიადაგ სულის ბერვა სჭირდება, რომ არ ჩაქრეს და ჩანაცრდეს ცეცხლი მამულიშვილური გულმხურვალებისა. სამშობლოს მხოლოდ მტკნარი სიყვარული არ კმარა და მას იოთამისებური ცეცხლი სჭირდება გულში. იოთამი შემთხვევის მსხვერპლი არ ყოფილა, მან შეგნებულად გაწირა თავი და სწორედ ამ თავგანწირვით აიკუწა სამშობლოსთვის.

გულგანგმირული იოთამი მთელი ღამე სისხლისგან იცლებოდა, მაგრამ არ დაიცალა, არ დასრულდა და არ დამთავრდა. სამშობლოსთვის დაღვრილი მისი სისხლი იმ მარადიულ მდინარედ იქცა, რომლის წყალიც ყველას სწვდება, ყველას ესხმება და სამშობლოს ნათელს ყველას ანათლებს. იოთამმა მოგვცა მაგალითი სამშობლოს სიყვარულისა და ახლა მთავარი ის არის, რამდენად მივიღებთ იოთამისეულ გულმხურვალებას და რა ფორმით გავითავისებთ მას.

იოთამი არა მარტო წარმომავლობით, არამედ თავისი პიროვნული რაობითაც მესხი გახლდათ. მასში სისხლხორცეულად იყო შერწყმული საღმრთოდ გულანთებული მესხისა და ამ გულანთებულობის გამო უღმერთოდ წამებული საქართველოს ისტორიული სახე. ეს იმდენად ბუნებრივი და თავისთავადი სახე იყო იოთამისა, რომ სამშობლოსთვის სიკვდილის რეალობამ იგი ოდნავაც ვერ შეაკრთო და წუთითაც ვერ დააბრკოლა. იოთამი მესხეთივით შეეგება სამშობლოსთვის სიკვდილს და ასევე მესხეთივით უკვდავი დარჩა, რადგან სიკვდილსაც აქვს თავისი განსაკუთრებული სიმაღლე, რომელსაც თავად უკვდავება ეწოდება. საკუთარ სისხლში განბანილი იოთამი სწორედ ასეთი განსაკუთრებული სიკვდილით აღესრულა და ამით გახდა ერთგული შვილი უკვდავებისა.

გილოცავთ იოთამ ზედგინიძის ხსენების დღეს!

სამშობლოსთვის თავდადებული და საკუთარ სისხლში განბანილი იოთამ ზედგინიძე მფარველგეყოთ თქვენ, მისი გვარის ღირსეულ შვილებს, და შეწევნა მისი არასოდეს მოჰკლებოდეთ სამშობლო ქვეყნის ერთგულებითა და სიყვარულით გულაღძრულ ქართველებს!

მესხეთის გვარიშვილთა კავშირის სახელით
მარად თქვენი გოგიტა მელიქიძე
ბეჭდვაელფოსტა
კომენტარი არ გაკეთებულა
სხვა სიახლეები
23.05.2018
როცა ხანცთისკენ მიმავალ ციცაბო გზაზე ავდიოდით ჩემს გულში სამი სახე მესახებოდა: ერთ მხარეს კლდე (ქრისტე), შუაში გზა (ადამიანის ღვაწლი) და მეორე მხარეს გადასავარდნი (სიკვდილის ტოლფასი დაცემა - უნანელობა).
23.09.2017
ჩვენი ჟურნალისა და ვებ-გვერდის მკითხველმა მოგვწერა წერილი და გვთხოვა გამოგექვეყნებინა. ვასრულებთ მის თხოვნას. მადლობა მას და მადლობა თითოეულ თქვენგანს,
30.05.2016
დათო ხვედელიძე სოციალურ ქსელში იხსენებს:
2008 წლის ადრიანი ზაფხული იქნებოდა, აღარ მახსოვს სად მივდიოდი...
04.01.2016
იმერელი მუსიკოსი ევროპაში - ემიგრანტის დღიურიდან

თეა კეკუა გერმანიაში, მიუნხენის ქართული ემიგრაციის ნაწილია. ნიჭიერი ახალგაზრდა საკუთარ სათქმელს მცირე ჩანახატით გადმოგვცემს:
27.12.2015
რა არის ქრისტიანობა? როდის ვხდებით ჭეშმარიტი ქრისტიანები? მხოლოდ ეკლესიაში სიარული და გასაჭირში ლოცვის კითხვა მაქცევს უფლის შვილად?
24.05.2012
ღმერთთან სიახლოვე რომ შეიგრძნო, ბევრი რამ უნდა დათმო - პატივმოყვარეობა, სიზარმაცე, უდებება...
10.05.2012
ხშირად ვფიქრობთ, რომ ჭეშმარიტი სიხარული ამქვეყნიური ცხოვრებით ტკბობას მოაქვს - ფულს, სიმდიდრეს.
12.04.2012
წარმოუდგენელია, როგორ არსებობდა კაცობრიობა აღდგომის მადლის გარეშე. ეს დღე სხვაგვარად თენდება, საყოველთაო სიხარულია მორწმუნეთა შორის
29.03.2012
ათასგვარი ნაკლი გვაქვს ადამიანებს, მაგრამ მათ შორის უარესი ამპარტავნება და მისგან შობილი მრისხანებაა.
15.03.2012
მოგესალმებით, მე გახლავართ ქართული ენისა და ლიტერატურის პედაგოგი ეკატერინე ბუხაიძე.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები: