გევედრებით, იწამეთ ღმერთი, შვილი საოპერაციო მაგიდაზე მიწევს, ექიმი ფულს მთხოვს და იქნებ დამეხმაროთ
გევედრებით, იწამეთ ღმერთი, შვილი საოპერაციო მაგიდაზე მიწევს, ექიმი ფულს მთხოვს და იქნებ დამეხმაროთ
სათნოება ცოდვისაგან განკურნების წამალია, უფალმა ცოდვების წილ, რომელთაც ბოროტი ძალა ჩაუნერგავს ადამიანს, მისგან განკურნების გზებიც დაგვისახა.

იმ შვიდ ცოდვათაგან, რომლებიც მომაკვდინებლად ითვლება, თავის დახსნის საშუალება ის შვიდი სათნოებაა, ამ ცოდვებს რომ უნდა დავუპირისპიროთ. და მაინც, ვიცით კი, რა გავაკეთოთ, როცა ცოდვის ჭაობში ჩავეფლობით? ვიცით კი, როგორ დავთრგუნოთ ამპარტავნება, ანგარება, ხორცის აღძვრა და სხვა სულის გამხრწნელი საქმენი? ამაში ისევ და ისევ რწმენა გვეხმარება და ნელ-ნელა ისე იწმინდება ჩვენი სული, როგორც მღვრიე მდინარე.

თემური (56 წლის): - ჩემი ცხოვრებისა და სიხარულის წყარო ლამაზ ქალებთან ურთიერთობა იყო. ქალის ღირსებას კი არ ვაქცევდი ყურადღებას, არამედ ვფიქრობდი, როგორ დამეხვია მისთვის თავბრუ. უმეტესწილად მიზანს ვაღწევდი და ამით თავი მომწონდა. სხვების თვალშიც პატივცემული კაცი ვიყავი. არც ტრაბახი და ზოგჯერ ტყუილი იყო ჩემთვის უცხო. ბოლოს იქამდე მივედი, ჩემთვის ყველა ქალი მრუში და უღირსებო იყო. მეტიც, ღვიძლ დას და ბიძაშვილ-მამიდაშვილებსაც ეჭვით დავუწყე ყურება - ყველა ქალი ერთნაირია და არც ესენი იქნებიან წმინდა წყლისანი-მეთქი. მამიდა მყავდა საოცარი ქალი - მორწმუნე და ღვთისმოსავი. როგორც ჩანს, ძალზე აწუხებდა ჩემი ასეთი დაცემა და ისიც, რომ ქალებზე გულაცრუებული უცოლოდ ვბერდებოდი. ერთი ჩვენი სოფლელი ქალიშვილის გარიგება დამიპირა, მასხრად ავიგდე. მაინც გამაცნო... ჩემსას, რასაკვირველია, ვერ მოვიშლიდი და საოცარმა სურვილმა ამიტანა - შემემოწმებინა მისი უმანკოება. ვითომ მიყვარდა, ბევრი ვუტრიალე, სოფელშიც ჩავაკითხე, ცოლობასაც ვპირდებოდი, მაგრამ სალ კლდესავით იდგა. ამ გომბიოს როგორ დავნებდე-მეთქი და მოვიტაცე. მისმა პატიოსნებამ და სიმტკიცემ გამაოგნა. ცოლად არ გამომყვა - ჩემს შვილებს შენ მიერ ჩადენილ ცოდვებს ვერ ავკიდებო. თითქოს ცივი წყალი გადამასხესო - გამოვფხიზლდი. მას შემდეგ ქალის დანახვაზე თავს ჩავღუნავდი ხოლმე. მერე ცოლი შევირთე, ძალზე ჭკვიანი და წესიერი ქალიშვილი, გოგონები მყავს და ღმერთს ვევედრები, ჩემნაირი კაცი არ შეახვედროს ბედმა.

თეონა (39 წლის): - ჩემი ყველაზე თვალსაჩინო ცოდვა მრისხანება იყო. თუმცა ვერ გეტყვით, რომ მოთმინება მღალატობდა, დიდხანს შემეძლო მეთმინა, მაგრამ, რომ იტყვიან, როცა ამომასხამდა, მერე ვეღარ ვჩერდებოდი. უფალი ნებისმიერი ცოდვისგან გასათავისუფლებლად რაღაც განსაცდელს მოგვივლენს და ამით საკუთარ სულში ჩაგვახედებს. სიყვარულით გავთხოვდი და ბედს არც მერე ვემდუროდი. ჩემი მეუღლე ღირსეული კაცი იყო. ეტყობა, სამსახურში რაღაც უსამართლობა ვერ აიტანა. ამან, ცოტა არ იყოს, ხასიათი გაუფუჭა, სულ გაღიზიანებული იყო, ნერვიულობდა. ჰოდა, აქ მიღალატა ნერვებმა მეც და ერთ დღეს საშინლად მოვექეცი - გავლანძღე, ყველაფერი გავუხსენე, ყველა მცდარ ნაბიჯზე, უნებური იყო ეს თუ ნებსითი, პასუხი ვაგებინე. ჯერ მისმინა, მერე წელმოწყვეტილივით ადგა, გარეთ გავიდა და მას შემდეგ კარგა ხანს არ გამოჩენილა. მაშინ შვილი არ გვყავდა და არც გავკიდებივარ, თუმცა მერე მივხვდი, რომ ცოლქმრობას მარტო შვილის ყოლა-არყოლა არ განსაზღვრავს, ცოლ-ქმარს უსიტყვოდ უნდა ესმოდეს ერთმანეთის და მხარში უნდა ედგნენ ერთმანეთს... მოვძებნე და ბოდიში მოვუხადე. ეს მას შემდეგ მოხდა, რაც მოძღვარმა მირჩია, წამეკითხა პავლე მოციქულის ეპისტოლე "ცოლქმრობისათვის". მითხრა, ადამიანს, მით უფრო ქალს, ასეთი მრისხანება არ ეკადრებაო. საბედნიეროდ, ყველაფერი მშვიდობით დამთავრდა. ვერ ვიტყვი, რომ ახლა არ შემომიტევს მრისხანება, მაგრამ ვცდილობ, მას მისი მკურნალი სიმშვიდე შევაგებო. ეს იოლი არ გეგონოთ, მაგრამ სულის წარწყმედას, რა თქმა უნდა, სჯობს.

გიორგი (67 წლის): - ერთ მშვენიერ დღეს ჩვენი სასახლეებისა და სიმდიდრის დატოვება რომ მოგვიწევს, ამას გვიან, მაგრამ მაინც მივხვდი. ექიმი ვარ. წლების წინ ეს შემოსავლიანი პროფესია იყო. თუ სინდისზე ხელს აიღებდი, შენი შემოსავალი ათმაგად გაიზრდებოდა. ჰოდა, თავიდან მუშაობა ენთუზიაზმითა და ხალხის დახმარების სურვილით დავიწყე, სახელიც მოვიხვეჭე, მაგრამ მერე, ხელფასი რომ არ მეყო, შემოთავაზებულ "პატივისცემაზე" უარს არ ვამბობდი, თუმცა არც იმას ვაკლებდი არაფერს, ვინც ფულს არ მომცემდა. მადა ჭამაში მოდისო და უკვე იმ ხალხსაც ვთხოვდი ფულს, ვისაც ამის საშუალება არ ჰქონდა. ყველა მიცნობდა და ჩემი "ტაქსაც" ცნობილი იყო.

დაბნელებული გონება ერთმა შემთხვევამ გამინათა: ბრმა ნაწლავის მძიმე ფორმით მერცხალივით ბიჭუნა მოიყვანეს. ეტყობოდა, ღარიბი ოჯახის შვილი იყო, გასაცოდავებული დედ-მამა უხმოდ ტიროდა. ჩვეულებისამებრ, მამა შევიყვანე და იმ ოპერაციისთვის შესაბამის თანხაზე დავუწყე ლაპარაკი. შემევედრა, ოღონდ შვილს ნუ მომიკლავთ, ვიმათხოვრებ და ისე მოვუყრი თავსო. ინტელიგენტი კაცი ჩანდა... თავჩაქინდრული გავიდა, გამოვყევი. უხმოდ მიუყვებოდა კიბეს.

ოპერაცია კარგად დამთავრდა, მაგრამ მცირედი დაყოვნება შესაძლოა საბედისწერო გამხდარიყო. თქვენ წარმოიდგინეთ, იმწუთას მხოლოდ ბავშვის სიცოცხლეზე ვფიქრობდი, ე.ი. სულ წამხდარი არ ვიყავი. გვიან საღამოს გამოვედი საავადმყოფოდან, ქუჩა გადავჭერი - იქვე ვცხოვრობდი. უცებ სიბნელეს კაცი გამოეყო და აკანკალებული ხმით მითხრა, - გევედრებით, იწამეთ ღმერთი, შვილი საოპერაციო მაგიდაზე მიწევს, ექიმი ფულს მთხოვს და იქნებ დამეხმაროთო. სიკვდილი მერჩია ამის გაგონებას. ხმა მეც ამიკანკალდა - ნუ გეშინიათ, თქვენი ბიჭი კარგადაა და იმ ექიმს თქვენი არაფერი უნდა-მეთქი. გაშეშდა, ადგილიდან ფეხი ვერ მოიცვალა, მერე წამომეწია და ხელები დამიკოცნა...
ბეჭდვაელფოსტა
კომენტარი არ გაკეთებულა
სხვა სიახლეები
23.05.2018
როცა ხანცთისკენ მიმავალ ციცაბო გზაზე ავდიოდით ჩემს გულში სამი სახე მესახებოდა: ერთ მხარეს კლდე (ქრისტე), შუაში გზა (ადამიანის ღვაწლი) და მეორე მხარეს გადასავარდნი (სიკვდილის ტოლფასი დაცემა - უნანელობა).
23.09.2017
ჩვენი ჟურნალისა და ვებ-გვერდის მკითხველმა მოგვწერა წერილი და გვთხოვა გამოგექვეყნებინა. ვასრულებთ მის თხოვნას. მადლობა მას და მადლობა თითოეულ თქვენგანს,
30.05.2016
დათო ხვედელიძე სოციალურ ქსელში იხსენებს:
2008 წლის ადრიანი ზაფხული იქნებოდა, აღარ მახსოვს სად მივდიოდი...
04.01.2016
იმერელი მუსიკოსი ევროპაში - ემიგრანტის დღიურიდან

თეა კეკუა გერმანიაში, მიუნხენის ქართული ემიგრაციის ნაწილია. ნიჭიერი ახალგაზრდა საკუთარ სათქმელს მცირე ჩანახატით გადმოგვცემს:
27.12.2015
რა არის ქრისტიანობა? როდის ვხდებით ჭეშმარიტი ქრისტიანები? მხოლოდ ეკლესიაში სიარული და გასაჭირში ლოცვის კითხვა მაქცევს უფლის შვილად?
11.04.2013
"ცოდვა ტკბილია, მერე კი შხამი და სამსალა", - ბრძანებს სულხან-საბა. მართლაც, როდი ვაანალიზებთ გულისთქმას აყოლილნი, რომ შესაძლოა, გონსმოსული, საკუთარმა თავმა დაგტანჯოს.
11.04.2013
მამა დავითის (ნიჟარაძე) წამლის მაკურნებელი ძალა
როდესაც ჯანმრთელობას კარგავ, მაშინ უფრო ახლოს მიდიხარ უფალთან და იქ ეძებ სულის შვებას.
28.03.2013
მღვიძარება ქრისტიანისთვის მარადიული გულისხმიერებაა - უყურადღებობით და უდებებით იქნებ ისეთი რამ გამოეპაროს, ვერც მიხვდეს, რომ ცოდვას სჩადის.
28.03.2013
მასიკო ზეინალიშვილი ალაზანგაღმელი ქართველია, ჰერი. კახის რაიონის სოფელ მეშაბაში (ტყისთავი) მთავარანგელოზ მიქაელის სახელობის ტაძრის მრევლი, გულალალი, გულმტკივნეული მამულიშვილი.
28.02.2013
19 თებერვალს მამა სოკრატე 80 წლის გახდა. ჟურნალის მრავალრიცხოვანი მკითხველის სახელით სულითა და გულით ვულოცავთ
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
ჟურნალი
ჟურნალის ბოლო ნომრები:
მზე ქრისტიანობისა
"ეჰა, მეომარნო ქრისტესანო! თუ ღვთის რჯულის დასაცავად თავდადებით ვიბრძოლებთ, არათუ ეშმაკის ურიცხვ მიმდევართ, არამედ თვით ეშმაკებსაც იოლად დავამარცხებთ...

istanbul evden eve nakliyat fabrika taşımacılığı eşya depolama ofis taşıma bostancı nakliyat skdar nakliyat ehirler aras nakliyat ehirler aras nakliyat cretleri ehirler aras nakliyat transfernakliyat.com.tr eya depolama sex shop

restbet restbet tv restbet giriş restbet restbet güncel restbet giriş restbet restbet giriş restizle betpas betpas giriş pasizle betpas betpas giriş pasizle iskambil oyunları rulet nasıl oynanır blackjack nasıl oynanır guvencehd.org heceder.org trke casino 30 tl deneme bonusu tahincioglunakliyat.com.tr aviator oyunu betexper Deneme bonusu veren siteler heceder.org pdf indir casino siteleri casino siteleri deneme bonusu veren siteler deneme bonusu slot siteleri konya escort