წერილები რედაქციას
წერილები რედაქციას
ჩანახატი სასაფლაოზე
"ოფლითა შენითა მოიპოვე საზრდელი შენი".
მიცვალებულთა მოხსენიების დღე იყო - საფლავთა კურთხევა. წვიმდა. ზეციდან გაბზარული ხმა მოისმოდა: მოიხსენე, უფალო, სულნი გარდაცვალებულთა მონათა შენთა და ყოველთა ნათესავთა ჩვენთა...

წელიწადზე მეტია, რაც მამა ზოსიმე წაღვერის წმინდა ნინოს ეკლესიის მოძღვარია, მაგრამ თავისი მსახურებით უკვე დაიმსახურა მრევლის სიყვარული და პატივისცემა.

რომ არა მამა ზოსიმეს ღვაწლი, ჩვენი მიცვალებულების საფლავთა კურთხევას ვერ მოვახერხებდით...

წაღვერის სასაფლაო რამდენიმე საუკუნისაა. დიდია, მაგრამ მოუვლელი. ვეებერთელა გატოტვილი ხეები საფლავებთან მისვლას გვიშლის. მიუხედავად ამისა, მამა ზოსიმეს არც ერთი საფლავი არ დაუტოვებია უკურთხებელი. ისიც კი, რომელიც ოდნავღა ჩანდა. შიგადაშიგ შეჩერდებოდა და იტყოდა: აქ საფლავი უნდა იყოს, წვიმასა და რეშს საფლავის ქვისთვის მიწა მიუყრია, ფრთხილად, ფეხი არ დავადგათ!

მამა ზოსიმე აუყვებოდა სასაფლაოს და ჩამოუყვებოდა. აკურთხებდა და ხმადაბლა ამბობდა: "მიუტევენ მათ ყოველნივე შეცოდებანი მათნი და მიეც მათ საუკუნო ხსენება..."

უწმინდესსა და უნეტარესს, პატრიარქ ილია II-ს თავის ეპისტოლეში ნათქვამი აქვს: "ღვთივმოსილად უნდა დაიბადო, მაგრამ უმჯობესია, განათლებაც გქონდესო". ორივე ეს ღირსება მამა ზოსიმეს არსებაში ისე კარგად ჩანს, როგორც ანთებული სანთელი ხატთან!..

დაბინდებისას მამა ზოსიმემ სასაფლაოს კარი გამოიხურა... ოფლით და წვიმით იყო სველი. შიმშილს სიხარული ახშობდა. დაღლას ვერ გრძნობდა, სახეზე კმაყოფილება ემჩნეოდა.

"ყოველივე უფალი იესოს სახელით აკეთე და ამრიგად ყოველი შენი საქმე ღვთივსათნო იქნება"...

ჩვენს საყვარელ მამა ზოსიმეს არ მოჰკლებოდეს მადლი ღვთისა. გაძლიერებულიყოს ღვთითკურთხეული საქართველო და მისი მრევლი.
წაღვერის წმინდა ნინოს სახელობის ეკლესიის მრევლი

საშინელი ბავშვი ვიყავი, ჩაკეტილი, შურიანი, უკარება, ცივი, ყველას ვეჯიბრებოდი. მეგონა, თუ ძლიერი არ ვიქნებოდი, სხვა მაჯობებდა. ვერ ვიტანდი, როცა ვინმეს ვეცოდებოდი, ყალბი გამოხედვით რომ ჩაილაპარაკებდნენ, რა ცოდოა, შვილო, დედა არა ჰყავსო, მერე ყველაფერს დაწვრილებით გამომკითხავდნენ და დღედაღამ ჭორაობდნენ.

გადავწყვიტე, არავისთვის არაფერი მომეყოლა და თუკი რამეს გამიბედავდნენ, მკვახე პასუხი გამეცა. ასეც ვიქცეოდი, თუმცა შინაგანად სუსტი ვიყავი, არსება, რომელსაც სითბო სჭირდებოდა და ვერსად ხედავდა. დეპრესია დამეუფლა, ხშირად ვფიქრობდი თავის მოკვლაზე, ყველა და ყველაფერი მაღიზიანებდა. მამასთანაც გამიჭირდა ურთიერთობა. მეგონა, ეს ჯოჯოხეთი არასოდეს დამთავრდებოდა. იმედი დავკარგე. ყოველ ღამეს ტირილში ვათენებდი.

ერთხელ კი ჩემი მოძღვარი გამოჩნდა. ერთადერთი ადამიანი, ვინც ჩემი პრობლემები სხვა კუთხით დამანახა. ახლაც ჩამესმის მისი პირველი დარიგება: "ადამიანი ბუმბულივით მსუბუქი უნდა იყოსო". თუმცა ჯერ კიდევ ბევრი მაკლია ამ მდგომარეობამდე, მაგრამ მან ჩემი აზროვნება შეცვალა. დიდხანს ვერ ვსაუბრობთ, მაგრამ მისი რამდენიმე სიტყვაც საკმარისია. მინდა, მოკრძალებით მივუძღვნა ჩემი ლექსი ჩემს სულიერ მოძღვარს, მამა გიორგი თეთრუაშვილს.

როცა ვკარგავდი ყველაზე მთავარს,
როცა ცოდვებში ვიძირებოდი,
როცა ამქვეყნად არაფრის მწამდა
და აღარც არვის ვედარდებოდი,
მე თქვენი თავი მაჩუქა ღმერთმა,
არ მიმატოვა იმ ერთადერთმა,
კვლავ დამიბრუნდა რწმენა, იმედი,
ეკლესიამდე ცრემლით მივედი
და როგორც მამას, განდეთ ფიქრები...
ერთსა გთხოვთ მხოლოდ: არ მიმატოვოთ
და თქვენი შვილი მუდამ ვიქნები.
ნ. ხიჯაკაძე
ბეჭდვაელფოსტა
კომენტარი არ გაკეთებულა
სხვა სიახლეები
23.05.2018
როცა ხანცთისკენ მიმავალ ციცაბო გზაზე ავდიოდით ჩემს გულში სამი სახე მესახებოდა: ერთ მხარეს კლდე (ქრისტე), შუაში გზა (ადამიანის ღვაწლი) და მეორე მხარეს გადასავარდნი (სიკვდილის ტოლფასი დაცემა - უნანელობა).
23.09.2017
ჩვენი ჟურნალისა და ვებ-გვერდის მკითხველმა მოგვწერა წერილი და გვთხოვა გამოგექვეყნებინა. ვასრულებთ მის თხოვნას. მადლობა მას და მადლობა თითოეულ თქვენგანს,
30.05.2016
დათო ხვედელიძე სოციალურ ქსელში იხსენებს:
2008 წლის ადრიანი ზაფხული იქნებოდა, აღარ მახსოვს სად მივდიოდი...
04.01.2016
იმერელი მუსიკოსი ევროპაში - ემიგრანტის დღიურიდან

თეა კეკუა გერმანიაში, მიუნხენის ქართული ემიგრაციის ნაწილია. ნიჭიერი ახალგაზრდა საკუთარ სათქმელს მცირე ჩანახატით გადმოგვცემს:
27.12.2015
რა არის ქრისტიანობა? როდის ვხდებით ჭეშმარიტი ქრისტიანები? მხოლოდ ეკლესიაში სიარული და გასაჭირში ლოცვის კითხვა მაქცევს უფლის შვილად?
07.06.2012
ჩემი იდეალი ყაზბეგის ელეონორა იყო და მასავით ვიქცეოდი
ხიბლი ყველას გვჭირს. საკუთარი ჭკუით, გვარიშვილობით, ღვთისმოსაობითაც კი მოხიბვლა ცოდვა და ღვთის გარეგანი საქმე ყოფილა.
24.05.2012
ღმერთთან სიახლოვე რომ შეიგრძნო, ბევრი რამ უნდა დათმო - პატივმოყვარეობა, სიზარმაცე, უდებება...
24.05.2012
იესო ქრისტე, ძე ღვთისა, კაცობრიობის გადასარჩენად მოევლინა ამ წუთისოფელს, ხალხს და მოწაფეებს ხშირად ელაპარაკებოდა ადამიანის შეცოდებებზე
10.05.2012
ხშირად ვფიქრობთ, რომ ჭეშმარიტი სიხარული ამქვეყნიური ცხოვრებით ტკბობას მოაქვს - ფულს, სიმდიდრეს.
12.04.2012
წარმოუდგენელია, როგორ არსებობდა კაცობრიობა აღდგომის მადლის გარეშე. ეს დღე სხვაგვარად თენდება, საყოველთაო სიხარულია მორწმუნეთა შორის
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29
ჟურნალი
ჟურნალის ბოლო ნომრები:
"მივდერკ ჭენებით დაცემად და უფალმა ხელი აღმიპყრა მე"
მხოლოდ ამ განსაცდელთა გავლით მოვა სინანულში ქართველი და ჩვენც გამოგვიჩენს უფალი ახალ მოშურნე ილიას!
არ არსებობს სული, რომელმაც სცოდა, სინანული განიცადა და საკუთარ თავში უძღები შვილი ვერ ამოიცნო.