"უკანასკნელი დღეების წმინდანთა იესო ქრისტეს ეკლესია"
"უკანასკნელი დღეების წმინდანთა იესო ქრისტეს ეკლესია"
თავი 8.
მორმონები დასავლეთისკენ უაზროდ მიდიოდნენ. ჯგუფის თავში 148 ლტოლვილი იდგა , რომლებიც მიუძღვებოდნენ დიდ ქარავანს, რომელიც შედგებოდა 73 ურმის, ერთი ნავის, ერთი ქვემეხის, 93 ცხენის, 52 ჯორის, 66 ვირის და 19 ძროხისგან. მათ მიჰყვა ლტოლვილთა ახალ-ახალი ქარავნები. ეს რთული და მტანჯველი მოგზაურობა მშრალი ტბის ნაპირთან დასრულდა, სადაც დაარსდა ქალაქი, რომელსაც დღეს სოლტ-ლეიკ-სიტი ჰქვია. მორმონთა ისტორიის ეს ეპიზოდი აღწერილი აქვს კონან დოილს მოთხრობაში "მეწამული ეტიუდი". იქ აღწერილია ის ტირანია, დამბეზღებლობა და ტერორი, რომელიც მეფობდა მორმონთა ადრინდელ მოსახლეთა შორის.

ბრიგამ იანგი ნიჭიერი ორგანიზატორი და ხელმძღვანელი აღმოჩნდა და მორმონთა ეკლესია უპირველესად მას უნდა უმადლოდეს თავის არსებობას. მორმონთა ადრინდელ ისტორიას თან სდევდა სკანდალთა სერიები. ერთ-ერთი მათგანი გახლდათ აშშ-ის მთავრობის მიერ მორმონთა წინააღმდეგ გამოცხადებული ომი. მორმონები ერიდებოდნენ ჯარებთან შეტაკებებს, იშვიათად ტყვიის სროლით პასუხობდნენ, გადასახლდებოდნენ ახალ ადგილას, მერე კი ძველს უბრუნდებოდნენ. 1857 წელს მორმონებმა ჩაიდინეს დიდი დანაშაული, რომელმაც შეაძრწუნა ამერიკა: მათ ტერიტორიაზე ლტოლვილი მოკლეს. მორმონები ცდილობდნენ ეს ინდიელებისთვის დაებრალებინათ, მაგრამ ვერ მოახერხეს. ბრიგამ იანგმა შეძლო პასუხისმგებლობას გაქცეოდა: სასამართლოზე ვერ შეძლო დამტკიცება, რომ ეს მისი ბრძანებით არ იყო ჩადენილი. მის უახლოეს თანაშემწეს ბრალი დასდეს და ჩამოახრჩვეს.

იანგმა 1877 წლამდე იცოცხლა. მას 70 ცოლი და 56 შვილი ჰყავდა. იმპოზანტური გარეგნობა ჰქონდა, უყვარდა, თავი ძველაღთქმისეულ პატრიარქად წარმოედგინა. ბევრი ცნობილი ამერიკელი, მაგალითად, რალფ უოლდო, ემერსონი და მარკ ტვენი, მის შესახედად და გასაცნობად დადიოდნენ. თავისი წინამორბედივით იანგი ძალზე მაღალი წარმოდგენისა იყო საკუთარ თავზე. შემდეგი მნიშვნელოვანი მოვლენა მორმონთა ცოხვრებაში - მრვალცოლიანობის გაუქმება იყო. 1852 წელს მრავალქორწინება აღიარებულ იქნა მორმონთა რელიგიის განუყოფელ ნაწილად. იანგსაც არაერთხელ ჰქონდა გამოცხადება, რომ მრავალცოლიანობის მოწინააღმდეგე ანდა ვინც თავის გრძნობებს განიკითხავდა, აღიხოცებოდა პირისაგან მიწისა, არ ცხონდებოდა და საუკუნოდ დაწყევლილი იქნებოდა. ეს გახლდათ აშკარა და არაორაზროვანი გამოცხადება: მრავალცოლიანობა ძირითადი დოგმატია ჩვენი რწმენისა და ყოველი, ვინც მას წინ აღუდგება, სიცოცხლის ღირსი არ არის.

"მონოგამია, ანუ ერთი მეუღლით კანონმდებლობრივი შეზღუდვა, არ ეხება მამაკაცთა ზეციურ სტრუქტურას. რატომ გვწამს პოლიგამია და ცხოვრებაში ვატარებთ? უფალმა უბოძა ეს თავის მსახურებს ჯოზეფ სმიტისადმი მიცემული გამოცხადების მიერ და მას უფლის მსახურები ყოველთვის პრაქტიკაში იყენებდნენ. ჩვენ გვეკითხებიან: "არის თუ არა ამნაირი რელიგია ზეცაში პოპულარული?" ეს ერთადერთი რელიგიაა, რომელიც იქ არის პოპულარული, რამეთუ ეს აბრაამის რელიგიაა".

1865 წლის ოქტომბერში კი "წინასწარმეტყველმა" განაცხადა მორმონებსა და მრავალცოლიანობაზე: პოლიგამიის უარყოფა იგივეა, რომ უარი თქვა საკუთარ რწმენაზე, მღვდლობა სიცრუედ გამოაცხადო... უარი თქვა იმაზე, რისთვისაც იტანჯებოდნენ, ცხოვრობდნენ, სისხლს ღვრიდნენ. გასული საუკუნის მორმონთა ოფიციალურ განცხადებებში ასევე თანდათანობით გამოითქმებოდა აზრი, რომ მრავალქორწინების პრინციპი არსებითი წინაპირობა იყო ადამიანის ცხონებისა და ამაღლებისთვის. ამან ამერიკის ხელისუფლებასთან სერიოზული პრობლემები გამოიწვია: იუტას შტატის სტატუსი უნდა მიეღო და მორმონებს შესაძლებლობა მიეცათ აერჩიათ ან არჩეული ყოფილიყვნენ, მაგრამ აშშ-ის კანონმდებლობით, მრავალცოლიანობა აკრძალული იყო მორმონებს უნდა აერჩიათ: "საღვთო გამოცხადება" ანდა არალეგალური მდგომარეობა, რომელშიც შესაძლოა აღმოჩენილიყვნენ. 1890 წელს მორმონთა მაშინდელ მეთაურს, როგორც ყოველთვის, დროულად ჰქონდა გამოცხადება, რომ მრავალცოლიანობა უნდა გაუქმებულიყო. მორმონებს მოუწიათ ახალი გამოცხადების მიღება, მაგრამ რამდენიმე ჯგუფი გამოეყო ძირითად ეკლესიას. დღემდე არსებობს ათიათასობით მორმონი, რომლებიც აღიარებენ მრავალცოლიანობას. ამგვარ "გამოყოფილ" მორმონებში ერთ ახალგაზრდა მორმონს ოთხი ცოლი ჰყავდა, ერთი მათგანი დედა იყო, ორი - მისი ქალიშვილები, ხოლო მეოთხე - მათი ბიძაშვილი. ერთ-ერთმა სიამაყით თქვა, რომ სჯობს გქონდეს 25% 100%-იანი მამაკაცისა, ვიდრე 100% 25%-იანი მამაკაცისაო. ისინი ერთმანეთს "დებ-ცოლებს" ეძახდნენ.

მორმონთა ძირითადმა ნაწილმა მიიღო გამოცხადება, ხოლო მრავალცოლიანობა გაუქმებულ იქნა. პირველი ცოლი ერთადერთად გამოცხადდა, დანარჩენს უსახსროდ სახლებიდან ყრიდნენ.

თუმცა მრავალცოლიანობა ოფიციალურად გაუქმდა, ის მაინც მორმონთა რწმენის ქვაკუთხედად დარჩა. მორმონები თვლიან, რომ ათასწლოვან სასუფეველში მრავალცოლიანობა აუცილებლად აღდგება. ამასთან, ბევრ "წმინდანს" არ სურს ასე დიდხანს იცადოს: როგორც გვაუწყებენ დასავლური პუბლიკაციები, "უკანასკნელი დღეების წმინდანთა იესო ქრისტეს ეკლესიის" ბევრ წევრს ჩუმად ბევრი ცოლი ჰყავს. ამბობენ, ხელმძღვანელობა ამჯობინებს, არ შეამჩნიოს ასეთი შემთხვევები. როგორც გვაუწყებს პრესა, დღევანდელ დღეს არანაკლებ 70000 "ფუნდამენტალისტი მორმონი" ცხოვრობს პოლიგამიურ ქორწინებაში. მაგრამ თუ თითოეულ "სწორ" თანამედროვე მორმონს მხოლოდ ერთი ოფიციალური ცოლი ჰყავს, ფაქტობრივად, ისინი მრავალცოლიანად რჩებიან. თუ როგორ, ამაზე შემდგომში ვისაუბრებთ.
ბეჭდვაელფოსტა
კომენტარი არ გაკეთებულა
სხვა სიახლეები
21.06.2012
(გაგრძელება)
თავი 6
უთუოდ უნდა გიამბოთ ამბავი, რომელიც 1835 წელს მოხდა, როცა მორმონები ჯერ კიდევ კორტლანდში (ოჰაიოს შტატი) ცხოვრობდნენ.
07.06.2012
ალექსანდრე დვორკინი, "სექტოლოგია"
(გაგრძელება)
4. "მორმონის წიგნის" წარმოშობაზე რამდენიმე მოსაზრებაა. ერთ მათგანში საუბარია ნაკლებად ცნობილ ამერიკელ მწერალზე
24.05.2012
ნიცშეს ანტიმორალური ათეიზმი
მოკლე ბიოგრაფია
ფრიდრიხ ნიცშე (1844-1900) დაიბადა პროტესტანტი მღვდლის ოჯახში
10.05.2012
ალექსანდრე დვორკინი, "სექტოლოგია"
გაგრძელება
3. მორმონთა წიგნი. სმიტის თანახმად, მის მიერ გადათარგმნილი წიგნის უმეტესი ნაწილი
26.04.2012
ალექსანდრე დვორკინი, "სექტოლოგია"
გაგრძელება
2. ზოგიერთი მკვლევარი საუბრობს ჯოზეფ სმიტის ანდამატიზმზე
12.04.2012
ალექსანდრე დვორკინი, "სექტოლოგია"
გაგრძელება
1823 წელს, როცა ჯოზეფი 18 წლის გახდა, ჰქონდა მეორე ხილვა.
29.03.2012
ალექსანდრე დვორკინი, "სექტოლოგია"
მორმონები წარმართული სექტაა და არა პროტესტანტიზმი
ახლა ჩვენ ვისაუბრებთ ახალ სექტათაგან "უძველესზე"
15.03.2012
ალექსანდრე დვორკინი, "სექტოლოგია"
სიცრუე გადაბირებისას. ჩვეულებისამებრ პირველი კითხვა, რომელსაც მისვამენ, ასეთია: როგორ ვიცნოთ ტოტალიტარული სექტა?
19.01.2012
ნაწილი I. თავი I
5. "ზეციური კარიბჭე"
გაუგონარი სექტანტური თვითმკვლელობა მოხდა 1997 წლის გაზაფხულზე.
05.01.2012
"დავითის რტო". 1993 წელს ტეხასის პატარა ქალაქ უეიკოში ადვენტისტური სექტის "დავითის რტოს" ლიდერმა დევიდ კორეშმა (მისი ნამდვილი სახელი გახლდათ ვერნონ უეინ ჰაუელი) თავისი შტაბბინა ააფეთქა და თავის მიმდევრებთან ერთად თავი მოიკლა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ჟურნალი
ჟურნალის ბოლო ნომრები:
100 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.