დუხობორების მოძღვრებით, მართლმადიდებლები კაენის შვილები არიან
დუხობორების მოძღვრებით, მართლმადიდებლები კაენის შვილები არიან
დუხობორების სექტა XVIII საუკუნის 60-იან წლებში რუსეთში, ვორონეჟის გუბერნიაში შეიქმნა. სექტის სახელწოდება წარმოსდგება სიტყვისგან "დუხობორეც", რაც სულისთვის მებრძოლს ნიშნავს. მისი დამაარსებლები არიან გლეხი სილუენ კოლესნიკოვი და ვაჭარი ილარიონ პობიროხინი. 1775 წელს ილარიონ პობიროხინმა თავი მესიად გამოაცხადა, აირჩია 12 მოწაფე და საზეიმოდ შევიდა ქალაქ ტამბოვში მოსახლეობის "სახსნელად", მაგრამ დააპატიმრეს და გააციმბირეს. მიუხედავად ამისა, დუხობორობა ტამბოვის მოსახლეობის ერთ ნაწილში მაინც გავრცელდა.

დუხობორები უარყოფენ მართლმადიდებელ ეკლესიას, სამღვდელოებას, საღვთო ლიტურგიას, ჯვარს, ხატს, წმინდანებს, მარხვას, პირველქმნილ ცოდვას, სინანულს, ზიარებას, სხვა საეკლესიო საიდუმლოებებს... დუხობორებმა უარყვეს ბიბლიაც და იგი შეცვალეს "სიცოცხლის წიგნით". ეს წიგნი შედგება თქმულებებისგან, დუხობორთა სექტის ისტორიისგან და თაობიდან თაობას ზეპირად გადაეცემა. დუხობორები თავისებურად განმარტავენ ღმერთსაც. ისინი არ ცნობენ ყოვლადწმინდა სამებას და აცხადებენ, რომ ღმერთი მსოფლიო სიყვარული, სიბრძნე და მარადიული სიკეთეა. მათი აზრით, იესო ქრისტე ძე ღვთისა კი არ არის, არამედ უბრალო ადამიანი, რომელშიც შემდგომ ჩასახლდა ღვთის გონება. ღმერთი დღესაც "სახლდება" მართლმორწმუნე, რჩეულ ადამიანებში, რომლებსაც ღვთის მსგავსი პატივი უნდა მივაგოთ. დუხობორები ასეთ რჩეულებად სექტის ხელმძღვანელებს მიიჩნევენ. სექტანტების აზრით, ყოველი ქალი "ღვთისმშობელია". ამიტომ დუხობორი მამაკაცი ვალდებულია, თავის დაკვრით მიესალმოს ქალს, რითაც სიმბოლურად ღვთისმშობლის მიმართ "პატივისცემას" გამოხატავს. დუხობორები ადამიანს ღვთის მიერ შექმნილ ცოცხალ ეკლესიად მიიჩნევენ. სექტის მოძღვრებით, ეკლესია კაენის შთამომავლობამ შექმნა, სადაც ყველაფერი იყიდება და მახინჯდება. აბელის მემკვიდრეებად დუხობორები ითვლებიან. მათ დევნიან კაენის შვილები ანუ მართლმადიდებელი ქრისტიანები. საბოლოოდ, აბელის მემკვიდრეები "დაამარცხებენ" კაენის მემკვიდრეებს.

დუხობორები სამი მიმართულებისანი არიან: ვერიგინელები, ლუკერიანელები და დამოუკიდებლები.

დუხობორები მკვეთრად უპირისპირდებოდნენ ეკლესიას, სახელმწიფოს, რის გამოც ისინი იმპერატორის მანიფესტით ტავრიის გუბერნიაში ჩაასახლეს. მოგვიანებით, 1839 წელს, რუსეთის ხელისუფლებამ რამდენიმე ათასი დუხობორი საქართველოში, კერძოდ, ჯავახეთში გადმოასახლა. დუხობორების დასახლებები გაჩნდა ნინოწმინდის (ყოფილი ბოგდანოვკის) რაიონში. გადმოსახლების შემდეგ გარდაიცვალა მათი ლიდერი ილარიონ კალმიკოვი, რამაც დააბნია ახალმოსახლენი. გადაწყვიტეს, გამოზამთრების შემდეგ სხვაგან გადაბარგებულიყვნენ, თუმცა თანდათანობით შეეგუენ აქაურობას და წასვლა გადაიფიქრეს. რუსეთისგან განსხვავებით, საქართველოში დუხობორებმა პროზელიტიზმი შეწყვიტეს და იზოლირებულად დაიწყეს ცხოვრება (თანაც ისინი მხოლოდ ერთმორწმუნეებზე ქორწინდებოდნენ).

1894 წელს დუხობორთა შორის განხეთქილება მოხდა - ერთ ნაწილს სათავეში ჩაუდგა ილარიონ კალმიკოვის რძალი - ლუკერია ვასილევნა, ხოლო მეორის ლიდერი პეტრე ვერიგინი გახდა.

1895 წელს დუხობორებმა უარი განაცხადეს ჯარში სამსახურზე და დაწვეს საბრძოლო იარაღი, როგორც ძალმომრეობის სიმბოლო. ამის გამო ხელისუფლებამ ბევრი დუხობორი დააპატიმრა.

1899 წელს დუხობორთა ნაწილი (7,5 ათასი კაცი) პეტრე ვერიგინის მეთაურობით საქართველოდან კანადაში გაემგზავრა.

გასული საუკუნის 80-90-იან წლებში დუხობორთა უმრავლესობა რუსეთში გადასახლდა, მათი მიტოვებული სახლების დიდი ნაწილი კი ადგილობრივმა სომხებმა დაიკავეს (ეს პროცესი დღესაც მიმდინარეობს, რაც დანარჩენ დუხობორთა შეშფოთებას იწვევს).

ამჟამად დუხობორები ცხოვრობენ რაიონულ ცენტრ ნინოწმინდაში და სოფლებში: გორელოვკაში, ორლოვკაში, ეფრემოვკაში, სპასოვკაში, კალინინოში, როდიონოვკასა და ტამბოვკაში. საქართველოს დუხობორთა თემის თავმჯდომარეა ტატიანა კალმიკოვა. დღეისთვის საქართველოში 500 დუხობორია დარჩენილი.
ბეჭდვაელფოსტა
კომენტარი არ გაკეთებულა
სხვა სიახლეები
07.07.2020
ბოლო დროს ფეისბუქში ვრცელდება ე.წ. "სიცოცხლის სიტყვის" ნეოორმოცდაათიანული სექტის ლიდერის - მამუკა ძებისაშვილის ვიდეო მიმართვა.
19.07.2012
9. სტრუქტურა. განვიხილოთ მორმონთა ეკლესიის ორგანიზაცია. ეს მკაცრი და ძალზე ეფექტიანი სტრუქტურაა.
05.07.2012
თავი 8.
მორმონები დასავლეთისკენ უაზროდ მიდიოდნენ. ჯგუფის თავში 148 ლტოლვილი იდგა
21.06.2012
(გაგრძელება)
თავი 6
უთუოდ უნდა გიამბოთ ამბავი, რომელიც 1835 წელს მოხდა, როცა მორმონები ჯერ კიდევ კორტლანდში (ოჰაიოს შტატი) ცხოვრობდნენ.
07.06.2012
ალექსანდრე დვორკინი, "სექტოლოგია"
(გაგრძელება)
4. "მორმონის წიგნის" წარმოშობაზე რამდენიმე მოსაზრებაა. ერთ მათგანში საუბარია ნაკლებად ცნობილ ამერიკელ მწერალზე
24.05.2012
ნიცშეს ანტიმორალური ათეიზმი
მოკლე ბიოგრაფია
ფრიდრიხ ნიცშე (1844-1900) დაიბადა პროტესტანტი მღვდლის ოჯახში
10.05.2012
ალექსანდრე დვორკინი, "სექტოლოგია"
გაგრძელება
3. მორმონთა წიგნი. სმიტის თანახმად, მის მიერ გადათარგმნილი წიგნის უმეტესი ნაწილი
26.04.2012
ალექსანდრე დვორკინი, "სექტოლოგია"
გაგრძელება
2. ზოგიერთი მკვლევარი საუბრობს ჯოზეფ სმიტის ანდამატიზმზე
12.04.2012
ალექსანდრე დვორკინი, "სექტოლოგია"
გაგრძელება
1823 წელს, როცა ჯოზეფი 18 წლის გახდა, ჰქონდა მეორე ხილვა.
29.03.2012
ალექსანდრე დვორკინი, "სექტოლოგია"
მორმონები წარმართული სექტაა და არა პროტესტანტიზმი
ახლა ჩვენ ვისაუბრებთ ახალ სექტათაგან "უძველესზე"
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები:
მიუხედავად მრავალი დამცირებისა, შეურაცხყოფისა და დევნისა, სახარება მთელ ქვეყანას მოჰფინეს
წმინდა მახარებელი ლუკა თორმეტი მოციქულის გამორჩევის ამბის თხრობისას ამბობს, რომ გამორჩევამდე მაცხოვარმა მთელი ღამე გაატარა მამა ღმერთის მიმართ თხოვნა-ვედრებაში