ბარაკონის ღვთისმშობლის მიძინების სახელობის ტაძრის წინამძღვარი, დეკანოზი დავით გეგეშიძე:
- გილოცავთ სულთმოფენობის ბრწყინვალე დღესასწაულს, მრავალს დაგასწროთ ღმერთმა, სულიწმინდა ყოფილიყოს თქვენს გულებში, თქვენს სულებში, თქვენს ოჯახებში, ჩვენს საზოგადოებაში, ჩვენს ერში და ჩვენს ბერში და ამით გადავრჩებით.
დღეიდან, ჩვენ უნდა მოვიდრიკოთ მუხლი არამარტო ფიზიკურად, არამედ გულში. ჩვენ უნდა განვეშოროთ ყველანაირ ცოდვას - ფიქრით, აზრით, გონებით, წარმოსახვით, სიტყვით, საქმით და მთელი ცხოვრებით. აი, მაშინ დაიმკვიდრებს ჩვენს გულში სულიწმინდის მადლი. სადაც სულიწმინდაა, იქ სამებაა. ამიტომ უნდა ვიცოდეთ, რომ სამება ჩვენთან განუშორებლად უნდა იყოს. სულიწმინდა კი თავის მოვალეობას ასრულებს, რომ საღმრთოთა მადლი გააძლიეროს, აღამაღლოს და განამტკიცოს. ღმერთმა ასე ერთობით მრავალ სულთმოფენობას დაგვასწროს. . ჩვენთან არს ღმერთი.