ადამიანს ცუდი ამბავი არ უნდა მიახალო.

ქურდებისაგან დასაცავად დედა ანტონია ურჩევდა, სახლისთვის (ან ეზოსთვის, მამულისთვის) შემოევლოთ "მრწამსისა" და "აღსდეგინ ღმერთის" ლოცვით.

ურჩევდა, ყველა სახლში ყოფილიყო პატარა ზარი "ზარის წკრიალი შენობაში წმენდს ჰაერს, ანათებს გონებას, აუმჯობესებს სულიერ მდგომარეობას".

"თუ რაიმე დაგეკარგათ და ვერ პოულობთ, უნდა წაიკითხოთ "მრწამსი" სამჯერ. თუ რაღაც მნიშვნელოვანს ვერ პოულობთ, "მრწამსი" წაიკითხეთ 12-ჯერ".

"თუ ადამიანს აქვს დიდი განსაცდელი და ან თავს ესხმის მტერი, უნდა შეუკვეთოს წირვა სამ ტაძარში ერთდროულად და ერთ-ერთში დადგეთ და ილოცოთ".

მძიმე სიტუაციებისას ურჩევდა ლოცვის შეკვეთას მხსნელისადმი, დედა ღვთისასადმი, წმინდანებისამი (ყველაზე ხშირად - ნიკოლოზ სასწაულმოქმედისა და წმინდა დიდმოწამე გიორგისადმი), წაეკითხათ მათი დაუჯდომლები.

დედა ანტონია ბევრს აკურთხებდა, ყოველდღე წაეკითხათ იოანეს სახარების მე-15 თავი: "მე ვარ ვენახი ჭეშმარიტი, და მამა ჩემი - მევენახე..." წაკითხვის წინ და შემდეგ წაეკითხათ ლოცვა: "ღმერთო, მიხსენი და შემიწყალე მონა ღვთისა" (სახელი) წმინდა სახარების სიტყვებით, მონა ღვთისა მკითხველის გადასარჩენად. მომიტევე, ღმერთო, მე ყოველი შეცოდებანი, დაე, დაემკვიდროს ჩემში შენი მადლი, განმწმენდელი და განმანათლებელი ადამიანისა. სახელითა მამისათა და ძისათა და სულისა წმინდისათა. ამინ!

"თუ მოგეძალათ არაწმინდა ფიქრები, სევდა, ნაღველი, გულგატეხილობა - ბევრჯერ წაიკითხეთ ლოცვა "ღვთისმშობელო ქალწულო - გიხაროდენ", ღმერთი დედა ღვთისას ლოცვის გამო აუცილებლად მოგცემთ სულის სიმშვიდეს".

"არ მიაქციოთ ყურადღება, რომ ეკლესიაში რაღაცას არასწორად აკეთებენ, შეიძინე მოთმინება.

იპოვე სულიერი მამა, რომელიც შენ გაგიგებს, ეს მაშინვე შეიმჩნევა, მაშინვე იგრძნობ, ის შენ როგორ გისმენს, როგორ კითხვებს გაძლევს, აღსარებას როგორ იღებს. სულიერ მამას შეიძლება აღსარებაზე მოუყვეთ ყველაფერი დაწვრილებით".

"დამუწე პირი კარგად, შვიდი საკეტით, როგორც ამბობენ წმინდა მამები, იცოდე შენი საქმე: ძერწე იესოს ლოცვა, რამდენი სიკეთე მოაქვს მას ცხოვრებაში. მდუმარება - ეს ანგელოზებრივი ლოცვაა. ის არ შეედრება ჩვენს ადამიანურ ლოცვას. იმდუმარე ბევრი და ყური მიუგდე მეტად, რადგან მისგან (ანგელოზებრივი ლოცვისგან) ყველაფერში დახმარებაა! ენა ჩემი - მტერი ჩემი, ეს ასეცაა. რამდენი ბოროტება და წყენა მოაქვს მას ცხოვრებაში".

"თუ ჩვენ განვიკითხავთ ახლობელს რაიმე ცოდვაში, ე.ი. ეს ცოდვა ჩვენში ისევ არის. თუ ადამიანი არ განიკითხავს, ე.ი. ეს ცოდვა მას არ ეხება. როცა სული სუფთაა, ის არასოდეს არ განიკითხავს. "არ განიკითხოთ და არ განიკითხებით".

"რომ არ იყოს სიამაყე და ხიბლი მართლმადიდებელ ხალხში, საჭიროა ურთიერთობა, ლაპარაკი ერთმანეთში. ერთმანეთისგან ისწავლეთ. ხალხში ხდება პატარა მიწისძვრა. "სადაც ორი ან სამი შეიკრიბა ჩემი სახელით, მე ვარ მათ შორის", - ამბობს უფალი. ხიბლი და სიამაყე უკან იხევს".

"ღვთის სიტყვა არის საკვები სულისა და სხეულისთვის. ქრისტიანის მოვალეობაშია: არ დაიძინოს, თუ არ წაიკითხა ერთი თავი სახარება, ორი თავი სამოციქულო, იოანე ღვთისმეტყველის განცხადებით დამთავრებული, რამდენიმე ფსალმუნი. ასე თანდათან წაიკითხება მთელი ახალი აღქმა და ფსალმუნები, ეს აუცილებელია.

როცა ვლოცულობთ - ღმერთს ვესაუბრებით და როცა სახარებას ვკითხულობთ, მაშინ ღმერთი გვესაუბრება ჩვენ, გვიცხადებს თავის ნებას...