ამაღლდი დიდებით, ქრისტე ღმერთო ჩვენო!
ამაღლდი დიდებით, ქრისტე ღმერთო ჩვენო!
"ამაღლდი დიდებით, ქრისტე ღმერთო ჩვენო, და მხიარულ ჰყვენ მოწაფენი აღთქმითა მით სულისა წმიდისათა, განამტკიცენ რა იგინი კურთხევითა მით, რამეთუ შენ ხარ ძე ღმრთისა, მხსნელი სოფლისა. ფრთეთა ქერუბინთასა მჯდომარე ხარ, ამაღლდი ღრუბლითა ცად აღმოსავალით და მოწაფეთა შენთა ეტყოდე, მაცხოვარ: არა დაგიტევნე თქუენ ობლად, მოვიდე სულითა თქუენ შორის და ვიყო მე განუშორებელ თქუენგან, რომელმან მოანიჭე სოფელსა დიდი წყალობა".

აღდგომიდან 40 დღის შემდეგ უფალი იესო ქრისტე ზეცად ამაღლდა. ამაღლდა მოციქულების თანდასწრებით, ელეონის მთიდან. გაოგნებული მოციქულები შეჰყურებდნენ უფალს მანამ, სანამ ღრუბლებს არ მიეფარა... და სწორედ ამ დროს დაინახეს ორი ანგელოზი ნათლით მოსილ ჭაბუკთა სახით, რომელთაც აუწყეს: "კაცნო, რას უყურებთ ცაში? უფალი იესო როგორც ამაღლდა ზეცად, ისევე დაბრუნდება დიდებით". გახარებული მოწაფეები იერუსალიმში დაბრუნდნენ, იმ სახლში, სადაც ქრისტემ პირველად აზიარა ისინი.

...ამაღლებამდე კი აღდგომიდან 40 დღის განმავლობაში ეცხადებოდა უფალი მოციქულებს და ასწავლიდა ღვთიურ საიდუმლოებათა შესახებ, რომლებიც მაცხოვრის აღდგომამდე მათთვის გაუგებარი და მიუწვდომელი იყო.

უფლის ამაღლების დროს ელეონის მთაზე იმყოფებოდა ყოვლადწმინდა ღვთისმშობელიც, რომელმაც თავისი ძისა და უფლის ამაღლების ხილვისას კაცობრიობის გამოხსნის საქმის აღსრულებით გაიხარა.

მაცხოვარი ამაღლდა. ამაღლდა, რათა მოევლინა სული ნუგეშინისმცემელი... ამაღლდა, რათა მართალთათვის გაეკვალა გზა სასუფევლისა... იგი კვლავაც დაბრუნდება. მის დიდებით მოსვლამდე კი, მოციქულთა მსგავსად, ეკლესიური ცხოვრება გვმართებს, რათა უფლის მთელი მისი დიდებითა და ბრწყინვალებით მოახლოების ჟამს ამ დიდების გარეშე არ დავრჩეთ!

თუ ჩვენს გულში არ სუფევს სიხარული და სასოება, რწმენა და სიყვარული ღვთისა და მოყვასისა, ამაში თავადვე ვართ დამნაშავე. ვეცადოთ საღმრთო მაცხოვნებელ და მხსნელ მცნებათა აღსრულებით ღმერთთან დაახლოებას, რათა ყველანი ერთად ვადიდებდეთ მამასა და ძესა და წმიდასა სულსა უკუნითი უკუნისამდე, ამინ!

მოამზადა
დემეტრე ტლაშაძემ
ბეჭდვაელფოსტა
კომენტარი არ გაკეთებულა
სხვა სიახლეები
07.01.2019
ვანისა და ბაღდათის ეპარქიის, სოფელ დიდველის წმინდა ანდრია პირველწოდებულის ტაძარის წინამძღვარი,
03.12.2018
როგორც ვიცით, იოაკიმესა და ანნას აღთქმა ჰქონდათ დადებული, თუ შვილი მიეცემოდათ უფლისათვის შეეწირათ იგი, როცა მარიამს სამი წელი შეუსრულდა,
12.11.2018
მართლმადიდებლური ეკლესია 13 ნოემბერს ასი ათასი მოწამის ხსენების დღეს აღნიშნავს.
14.10.2018
"საქართველოს სამოციქულო ეკლესიის ისტორია," ტომი II -ში ვკითხულობთ: ქართული წყაროების მიხედვით, ქართული ეკლესია V საუკუნეშივე აკურთხებდა მირონს.
19.08.2018
ამბროლაურის რაიონის სოფელ წესში მდებარე ბარაკონის მადლიან ტაძარში განსაკუთრებული ხალხმრავლობა ზაფხულში იგრძნობა ხოლმე.
20.04.2018
დღესასწაულთან ერთად აღდგა ამ გზაზე ლოცვითი მსვლელობის წესი
10.04.2018
ბრწყინვალე შვიდეულში ყველა საეკლესიო წესს განსაკუთრებული ელფერი აქვს;
07.04.2018
"გიხაროდენ, მიმადლებულო, უფალი შენ თანა"
07.01.2018
ბათუმის წმინდა ბარბარეს სახელობის ტაძრის წინამძღვარი, დეკანოზი შიო პაიჭაძე:
22.11.2017
უძველესი დროიდან იცოდნენ ,,ქადაგად დაცემა"
საინტერესოა უცხოელ მოგზაურთა ჩანაწერები სამეგრელოს სამთავროს შესახებ.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28
2019 წლის 31 იანვრიდან 2 თებერვლის ჩათვლით, საქართველოს საგანგებო და სრულუფლებიანი ელჩი ზურაბ პატარაძე ვიზიტით იმყოფებოდა აზერბაიჯანის რესპუბლიკის კახის, ზაქათალისა და ბელაქნის რაიონებში.