მამა - ვარლამ არტემის ძე კეთილაძე (13.03.1933-18.10.1995) ყოველთვის ამაყობდა ამ დიდი ეროვნული საქმით. მამას პირადი და საგამოძიებო-ოპერატიული ჯგუფის თითოეული წევრის უდიდესი ძალისხმევით 1981 წელს ქვეყნის საგანძურს დაუბრუნდა უკლებლივ ყველა სიწმინდე:,,წმინდა თევდორე"-ს ხატი (იგი ამოღებული იქნა შვეიცარიის სახელმწიფო მუზეუმიდან), მაცხოვრის 3 ხატი, წმინდა გიორგის 3 ხატი, წყვილი მეომრის ხატი, იტალიური ჯვარი და სხვა სიწმინდეები სულ 16 ერთეული.

1980 წლის დასაწყისში საბჭოთა კავშირის კომუნისტური პარტიის ცენტრალური კომიტეტის გენერალურმა მდივანმა, საბჭოთა კავშირის უმაღლესი საბჭოს პრეზიდიუმის თავმჯდომარემ ლეონიდ ილიას ძე ბრეჟნევმა, საბჭოთა კავშირის კომუნისტური პარტიის ცენტრალური კომიტეტის პოლიტბიუროს წევრობის კანდიდატს, საქართველოს საბჭოთა სოციალისტური რესპუბლიკის კომუნისტური პარტიის ცენტრალური კომიტეტის პირველ მდივანს ედუარდ ამბროსის ძე შევარდნაძეს დაავალა 1969 და 1978 წლებში მესტიის რაიონის სოფ. ლატალის ეკლესიიდან გატაცებული სიწმინდების უმოკლეს დროში გამოძიება და ქვეყნის საგანძურში დაბრუნება. ქ. მოსკოვიდან ჩამოსულმა ე.ა. შევარდნაძემ პარტიის ცენტრალურ კომიტეტში გამოიძახა საქართველოს საბჭოთა სოციალისტური რესპუბლიკის შინაგან საქმეთა მინისტრი, მილიციის გენერალ-მაიორი გურამ გვეტაძე და მოთხოვა დაუყონებლივ დაეწყოთ აღნიშნული საქმის გამოძიება და შედეგები უსწრაფესად დაედოთ. შინაგან საქმეთა მინისტრმა პირველი რაც გააკეთა იყო ის, რომ ჩაატარა ოპერატიული თათბირი და მის მოადგილეს კადრების ხაზით მოთხოვა მასთან მიეტანათ რესპუბლიკის მასშტაბით მომუშავე ხუთი გამოცდილი მოსამსახურის პირადი საქმე, რომლებსაც ქონდათ ოპერატიული და საგამოძიებო საქმიანობის სერიოზული გამოცდილება. მახსოვს ღამით სახლში მოგვიტანეს ტელეგრამა, სადაც ეწერა, რომ მამას ვარლამ არტემის ძე კეთილაძეს მეორე დღეს იბარებდა შინაგან საქმეთა მინისტრი. ძალიან გაუკვირდა, თუ რით იყო გამოწვეული მისთვის ესოდენ მაღალი პატივი, იგი პირადად არ იცნობდა შინაგან საქმეთა მინისტრს და იმ პერიოდში მას შინაგან საქმეთა სამინისტროს წყალტუბოს საქალაქო განყოფილებაში ეკავა არც თუ ისე მაღალი თანამდებობა (იმ დროს მამა იყო 48 წლის). მამა იმავე დღეს მატარებლით გაემგზავრა ქ. თბილისში. შინაგან საქმეთა მინისტრმა მიიღო ვ.ა. კეთილაძე და მას განუმარტა საქმის არსი მთელი სიგრძე-სიგანით, რომ საქმე უსწრაფესად უნდა გახსნილიყო და ყველა სიწმინდე უკლებლივ უნდა დაბრუნებოდა რესპუბლიკის საგანძურს. შინაგან საქმეთა მინისტრმა ვ.ა. კეთილაძეს შეთავაზა სათავეში ჩადგომოდა საგამოძიებო-ოპერატიულ ჯგუფს, რომელიც შეიქმნებოდა შინაგან საქმეთა სამინისტროში და მასში შევიდოდნენ სამინისტროს საგამოძიებო, აგრეთვე, ვანის, ბაღდათის და მესტიის შინაგან საქმეთა რაიონული განყოფილების უფროსის მოადგილეები და კონკრეტულად ამ საქმეზე იმუშავებდნენ. მიიღო რა თანხმობა მეორე დღეს შინაგან საქმეთა მინისტრი და ვ.ა. კეთილაძე პირადად მიიღო ე.ა. შევარდნაძემ, რომელმაც თავის მხრივ მადლობა გადაუხადა მამას თანხმობისათვის და დაავალა ძალ-ღონე არ დაეშურა ამ საქმის სწრაფი, სრულფასოვანი გახსნისათვის და ყველა სიწმინდის უკლებლივ დაბრუნებისათვის. მამას არაერთხელ უთქვამს, რომ ამ საქმის გახსნაში საგამოძიებო-ოპერატიულ ჯგუფს ტექნიკური და პრაქტიკული დახმარება გაუწიეს სახელმწიფო უშიშროების ორგანოებმა და საგარეო საქმეთა სამინისტრომ. ვ.ა. კეთილაძეს და საგამოძიებო-ოპერატიულ ჯგუფის სხვა თანამშრომლებს ხანგრძლივი დროით უწევდათ მესტიაში, მურმანსკში, არხანგელსკში, დონის როსტოვში და ლენინგრადში (სანკტ-პეტერბურგი) მივლინებაში ყოფნა. აღნიშნული საქმე გაიხსნა 1981 წელს, დაკავებული იქნენ საქმის ორგანიზატორი და შემსრულებლები, რომელიც გაასამართლეს საქართველოს სსრ-ის კანონმდებლობით. უკლებლივ ყველა ხატი (,,წმინდა თევდორე"-ს ხატი ამოიღეს შვეიცარიის სახელმწიფო მუზეუმიდან), ჯვრები და სხვა სიწმინდეები (სულ 16 ერთეული) დაუბრუნდა ქვეყნის საგანძურს, რის შესახებაც საკავშირო (,,იზვესტია“, ,,პრავდა“, ,,სელსკი ჟიზნ“) და რესპუბლიკურ (,,კომუნისტი“, ,,თბილისი“, ,,ეჩერნი თბილისი“) გაზეთებში დაიბეჭდა სათანადო სტატიები, აგრეთვე, გამოიცა ვლადიმერ ლარიონოვის წიგნი - ,,обратнъй путь". საბჭოთა კავშირის კომუნისტური პარტიის ცენტრალური კომიტეტის 1981 წლის აპრილის პლენუმზე გენერალურმა მდივანმა, საბჭოთა კავშირის უმაღლესი საბჭოს პრეზიდიუმის თავმჯდომარემ ლეონიდ ილიას ძე ბრეჟნევმა მადლობა გადაუხადა საბჭოთა კავშირის კომუნისტური პარტიის ცენტრალური კომიტეტის პოლიტბიუროს წევრობის კანდიდატს, საქართველოს საბჭოთა სოციალისტური რესპუბლიკის კომუნისტური პარტიის ცენტრალური კომიტეტის პირველ მდივანს ედუარდ ამბროსის ძე შევარდნაძეს, შინაგან საქმეთა და საგარეო საქმეთა სამინისტროებს და გამოსვლაში მაღალი შეფასება მისცა ამ საქმის უშუალო ხელმძღვანელებს და შემსრულებლებს (მან აღნიშნა ,,...ქართველმა ჩეკისტებმა გვეტაძემ, ხაზალიამ, ჯაფარიძემ, ნანეიშვილმა, კეთილაძემ გახსნეს ეს საქმე, დიდი მადლობა მათ...“). მამას მეორე დღეს ქ. ლენინგრადიდან ტელეფონით დაურეკა პროკურატურისა და შინაგან საქმეთა ორგანოების დახელოვნების ინსტიტუტის რექტორმა იური დეევმა და მიულოცა ეს დიდი წარმატება (მამამ აღნიშნული სასწავლებელი დაამთავრა ორჯერ 1972 და 1983 წლებში, მანამდე კი დამთავრებული ჰქონდა თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით). გასავლელ გზას ყოველთვის მინათებს შენი სახელი - განვლილი ცხოვრებითა და ნაღვაწი საქმით გამოწრთობილი. მამა, მე ვამაყობ შენით! თამაზ კეთილაძე 19.12.2018წ.

საქართველოს სსრ შინაგან საქმეთა მინისტრის, შინაგანი სამსახურის გენერალ-ლეიტენანტის გურამ გვეტაძის გადაწყვეტილებით 1980 წელს შექმნილი იქნა საგამოძიებო-ოპერატიული ჯგუფი ვარლამ არტემის ძე კეთილაძის ხელმძღვანელობით, აღნიშნული საქმე გაიხსნა 1981 წელს და უკლებლივ ყველა სიწმინდე მაცხოვრის სამი ხატი, წმინდა გიორგის სამი ხატი, წმინდა თევდორეს ხატი (ეს უკანასკნელი ჩამოიტანეს შვეიცარიის სახელმწიფო მუზეუმიდან), საწინამძღვრო ჯვრები და იტალიური ჯვარი (სულ 16 ერთეული), დაუბრუნდა ქვეყნის საგანძურს. აღნიშნულ საქმესთან დაკავშირებით ვლადიმერ ლარიონოვის მიერ გამოიცა წიგნი ,,Обратный путь", საკავშირო და რესპუბლიკურ გაზეთებში (,,პრავდა", ,,იზვესტია", ,,კომუნისტი", ,,ახალგაზრდა კომუნისტი", ,,ვეჩერნი თბილისი") დაიბეჭდა სტატიები (,,დაბრუნებული განძი", ,,წმინდა თევდორეს ხატის დაბრუნება" ,,რესპუბლიკის საგანძური" და სხვა). 1981 წლის აპრილის პლენუმზე საბჭოთა კავშირის კომუნისტური პარტიის ცენტრალური კომიტეტის გენერალურმა მდივანმა, საბჭოთა კავშირის უმაღლესი საბჭოს პრეზიდიუმის თავმჯდომარემ, საბჭოთა კავშირის თავდაცვის სახელმწიფო საბჭოს თავმჯდომარემ, საბჭოთა კავშირის მარშალმა ლეონიდ ილიას ძე ბრეჟნევმა მაღალი შეფასება მისცა აღნიშნულ საქმეს და მოხსენებაში მადლობა გადაუხადა ამ საქმის ხელმძღვანელებს და შემსრულებლებს, კერძოდ მან აღნიშნა: ,,...ქართველმა საბჭოთა ჩეკისტებმა გვეტაძის,ხაზალიას, ნანეიშვილის, ჯაფარიძის, კეთილაძის ხელმძღვანელობით და უშუალო მონაწილეობით გახსნეს ეს საქმე, დიდი მადლობა მათ...) მამა მე ვამაყობ შენით! თამაზ კეთილაძე 19.12.2018წ.