იმერეთის მიტროპოლიტი გიორგი ალადაშვილი
იმერეთის მიტროპოლიტი გიორგი ალადაშვილი
შესაძლოა ბევრისთვის უცნობია იმერეთის მიტროპოლიტის გიორგი ალადაშვილის ცხოვრება და მოღვაწეობა. თეოლოგიის მაგისტრი, ისტორიის დოქტორანტი ირაკლი ლორთქიფანიძე მიტროპოლიტი გიორგის შესახებ გვიამობობს:

-დავით ალადაშვილი 1850 წლის 8 დეკემბერს ქიზიყში, სიღნაღის მაზრის სოფელ არბოშიკში დაიბადა. დავითის პაპა ადამ ალადაშვილიც მღვდელი ყოფილა.
1905 წელს წმინდა სინოდმა მღვდელმთავრად გამოარჩია. 1905 წლის 25 სექტემბერს სიონის საპატრიარქო ტაძარში ეპისკოპოსად დაასხეს ხელი და გურია-სამეგრელოს ეპარქიის მმართველად განამწესეს. 1908 წელს ეპისკოპოსი გიორგი იმერეთის კათედრაზე გადაიყვანეს, რომელსაც 1917 წლამდე განაგებდა.

ნაყოფიერი იყო მისი მოღვაწეობა იმერეთის ეპარქიაში, კერძოდ ქუთაისში სადაც იმყოფებოდა იმერეთის ეპისკოპოსის კათედრა.

მეუფე გიორგი, სამღვდელმთავრო ღვთისმსახურებას აღასრულებდა ქუთაისის წმინდა ალექსანდრე ნეველის სახელობის კათედრალში, ქუთაისის სობოროში 1908-1917 წლებში.
1912 წელს ქუთაისში დაარსდა საისტორიო-საეთნოგრაფიო საზოგადოება. აღნიშნული საზოგადოების მიზანი იყოს მუზეუმის დაარსება. დაიწყეს სამუზეუმო ექსპონატების მოძიება და შეგროვება. თუმცა, ამისათვის სახსრები იყო საჭირო რაც მუზეუმს არ გააჩნდა, მეუფე გიორგიმ, 1916 წლის დეკემბერში, იმერეთის სამღვდელოების ყრილობაზე, ექსპონატების შესაძენად 554 მანეთი გამოუყო.

ქუთაისის საკათედრო ტაძარში (სობოროში) ინახებოდა მიტროპოლიტ დავით წერეთლის სამღვდელმთავრო შესამოსელი და პირადი ნივთები. ისინი ეკლესიის საკუთრებას წარმოადგენდა და ეპარქიის მმართველმა 1913 წელს ისტორიული მნიშვნელობის მქონე ნივთები მუზეუმისთვის გადასცა საისტორიო-საეთნოგრაფიო საზოგადოებას.

თუ გავითვალისწინებთ მომავალ ანტირელიგიურ კამპანიას საქართველოში და კერძოდ იმერეთის ეპარქიაში, როდესაც მრავალი სიწმინდე და საეკლესიო ნივთი განადგურდა, ამით მღვდელმთავარმა სიწმინდეები გადაარჩინა.
1918-1919 წლებში ეპისკოპოსი წილკნის ეპარქიის მმართველად, ხოლო 1920 წელს ჭყონდიდისა და ბათუმ-შემოქმედის ეპარქიის მმართველად გადაიყვანეს და მიტროპოლიტის წოდება მიანიჭეს.
1921 წლის 20 სექტემბერს, თავისი თხოვნის საფუძველზე, მეუფე გიორგი გათავისუფლდა ეპარქიის მმართველობიდან.
1922 წელს მიტროპოლიტი, ხირსის წმინდა სტეფანეს სახელობის მამათა მონასტრის წინამძღვრად დაინიშნა. იმავე წელს, სრულიად საქართველოს კათოლიკოს-პატრიარქმა ამბროსიმ (ხელაია) ეკლესიაში ერთგული სამსახურისთვის სკუფიაზე ჯვრის ტარების უფლებით დააჯილდოვა.

პ. კარბელაშვილის ცნობით, როდესაც უწმინდესი ამბროსი (ხელაია) დაპატიმრებული იყო, მიტროპოლიტ გიორგის პატრიარქობა შესთავაზეს, რაზედაც მან სიმდაბლით უარი განაცხადა.
XX საუკუნის 20-იანი წლების საქართველოში, ბოლშევიკურმა საოკუპაციო ხელისუფლებამ საქართველოს ეკლესია კანონგარეშე ორგანიზაციად გამოაცხადა, დაიწყო სასულიერო პირების დევნა. 1924 წელს დაარბიეს ხირსის მონასტერი. მიტროპოლიტი გიორგი იძულებული გახდა თავის სოფელ არბოშიკში ნათესავებთან გადასულიყო.

1925 წლის 28 თებერვალ მეუფე გიორგი ალადაშვილი გარდაიცვალა, დაკრძალეს სოფელ არბოშიკის წმიდნა კვირიკესა და ივლიტას სახელობის ეკლესიის გალავანში, დაკრძალვას მხოლოდ ნათესავები და ახლობლები დაესწრნენ, თბილისიდან ვერავინ ჩავიდა განსვენებული მიტროპოლიტის პატივის მისაგებად. ამ დროს კათოლიკოს-პატრიარქი ამბროსი (ხელაია) და საკათალიკოსო საბჭოს წევრების უმრავლესობა მეტეხის ციხეში ისხდნენ.

KARIBCHE
საფლავის ფოტო მიშა ბიკაშვილის.

ბეჭდვაელფოსტა
კომენტარი არ გაკეთებულა
სხვა სიახლეები
03.03.2017
"დიდი ადამიანები დიდებად იბადებიან და სიკვდილის შემდეგაც დიდებადვე რჩებიან, სხვები უბრალოდ იბადებიან, უკეთეს შემთხვევაში, იზრდებიან და კვდებიან",- ბრძანებდა მიტრიპოლიტი ნაუმი.
20.02.2017
ნიქოზისა და ცხინვალის მიტროპოლიტის, მეუფე ისაიას ამ საუბრის ჩანაწერი სოციალურ ქსელში გავრცელდა. გადავწყვიტეთ თქვენთვისაც გაგვეცნო:
16.02.2017
ცაგერისა და ლენტეხის ეპისკოპოსი სტეფანე (კალაიჯიშვილი):

- დიდი საფრთხის წინაშე დგას საქართველო. ქართველ ხალხს თვალსა და ხელს შუა აცლიან ჭეშმარიტ სარწმუნოებას.
02.12.2016
საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის რექტორი, ისტორიკოსი სერგო ვარდოსანიძე საკუთარ ფეისბუქ-გვერდზე სასიხარულო ინფორმაციას ავრცელებს:
18.11.2016

ჩრდილოეთ ამერიკის ეპარქიის მღვდელმთავარს, მეუფე საბას (ინწკირველი) საქართველოში ყოფნის დროს შევხდი და "კარიბჭისთვის" ინტერვიუ ვთხოვე.

16.03.2016
მეუფე ელისეს შვილი, ლელა ჯოხაძე-გლოველი:
-გონების დაძაბვით ვცდილობთ
29.10.2015
"ეს ჯვარი დიდი საფრთხის წინაშეა. მოუფრთხილდით და შეინახეთ, ყურადღება მიადევნეთ აჭის ეკლესიას და როცა იქ მონასტრული ცხოვრება დაიწყება მხოლოდ მაშინ დააბრუნეთ ჯვარიო",
25.05.2015
საქართველოს მართლმადიდებელი ეკლესიის წმინდა სინოდმა ნიკორწმინდის ეპისკოპოსად არქიმანდრიტი ვახტანგ ლიპარტელიანი დაადგინა.
24.04.2015
მეუფე ელისეს გარდაცვალებიდან 40 დღე გავიდა

24 აპრილს ნიკორწმინდელი მიტროპოლიტის ელისეს (ჯოხაძე) გარდაცვალებიდან 40 დღე გავიდა.
24.11.2014
დედა ეკლესია ამ აბობოქრებულ ზღვაში არის როგორც ხომალდი, რომელსაც ადამაინები ერთი ნაპირიდან მეორეზე გადაჰყავს.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
უფალი ადამიანს გამოარჩევს ხოლმე ღვთისთვის სათნო საქმეების აღსასრულებლად და თითოეულ მათგანს შთაბერავს სულიწმინდის მადლს. მოციქულებმა უფლის შეწევნით მრავალი სასწაული განუცხადეს კაცობრიობას. მათმა მოციქულებრივმა საქმიანობამ კი მრავალი მოაქცია მართალი სარწმუნოებისკენ.
საიტის პარტნიორები