არსებობს მშვენიერი უთანხმოებაც და არსებობს დამღუპველი ერთსულოვნებაც
არსებობს მშვენიერი უთანხმოებაც და არსებობს დამღუპველი ერთსულოვნებაც
მშვიდობა - მადლია ღვთისა. თითქმის ყველა ლოცვაში მშვიდობას გამოვითხოვთ უფლისგან. ყოველი დიდი კვერექსი - წირვაზეც, მწუხრზეც და ცისკარზეც ამ სიტყვებით იწყება:

* "მშვიდობით უფლისა მიმართ ვილოცოთ".

* "ზეგარდამო მშვიდობისა და ცხოვრებისათვის სულთა ჩუენთასა, უფლისა მიმართ ვილოცოთ".

* "მშვიდობისათვის ყოველისა სოფლისა, კეთილად დგომისათვის წმიდათა ღმრთისა ეკლესიათა, და ყოველთა ერთობისათვის, უფლისა მიმართ ვილოცოთ".

ამის გამო დიდ კვერექსს ხშირად მშვიდობიანსაც უწოდებენ. მისგან განსხვავებით "მცირე კვერექსი" სულ 2 ან 3 მცირე ლოცვისაგან შედგება, თუმცა მშვიდობისაკენ ისიც დასაწყისშივე მოგვიწოდებს: "მერმე და მერმე მშვიდობით უფლისა მიმართ ვილოცოთ".

ცისკრის ლოცვის დაწყებისთანავე იკითხება საგალობელი, რომელიც ანგელოზებმა ქრისტეს დაბადებისთანავე გვიგალობეს: "დიდება მაღალთა შინა ღმერთსა, ქვეყანასა ზედა მშვიდობა და კაცთა შორის სათნოება". ეს ნიშნავს, რომ ყოველთვის ჩვენ, ადამიანებს შორის მშვიდობა უნდა იყოს. მაცხოვარი ქვეყნად იმიტომ მოვიდა, რომ ადამის მოდგმა ღმერთთან შეერიგებინა. იესო ქრისტემ ღმერთსა და კაცს შორის მშვიდობა დაამყარა.

დღეს ხშირია ადამიანთა შორის გაუცხოება, გულითადი კავშირების გაწყვეტა, ურთიერთნდობისა და გულწრფელი კეთილგანწყობის დაკარგვა. თვით ოჯახის წევრებს შორისაც კი შეიმჩვევა განცალკევების, გამიჯვნის, საკუთარი კუთხის ქონის სურვილი. ეს იმიტომ ხდება, რომ ოჯახის თითოეულ წევრს არ მოეპოვება შინაგანი ჰარმონია, რათა ამ შინაგანი მშვიდობის საფუძველზე ეძიოს და აშენოს სამყარო თავის ახლობლებთან და, საერთოდ, სხვა ადამიანებთან ერთად.

წმინდა გრიგოლ ღვთისმეტყველი წერს, რომ ყოველნაირი მშვიდობა როდია საღმრთო მშვიდობა! რამეთუ არსებობს მშვენიერი უთანხმოებაც და არსებობს დამღუპველი ერთსულოვნებაც, წარმწყმედელი ერთიანობა. უნდა გვიყვარდეს მხოლოდ ჭეშმარიტი მშვიდობა და ჭეშმარიტი ერთიანობა, კეთილმიზანდასახული და ღმერთთან მიმყვანებელი. რადგან როცა საქმე აშკარა უკეთურებასთან გვაქვს, მაშინ ცეცხლში შესვლასაც არ უნდა მოვერიდოთ....

მხოლოდ მაშინ აღდგება გულში შინაგანი მშვიდობა, როდესაც ადამიანები იესო ქრისტეში გაერთიანდებიან.

მაცხოვარმა უთხრა თავის მოწაფეებს: "მშვიდობასა ჩემსა მოგცემ თქვენ" (იონ. 14,27). ჩვენც სწორედ ეს, ქრისტესმიერი მშვიდობა უნდა გამოვითხოვოთ უფლისაგან.
ბეჭდვაელფოსტა
კომენტარი არ გაკეთებულა
სხვა სიახლეები
31.07.2019
გამარჯობა, ჩვენო მამაო. მთელი ფერეიდნელ ქართველებისგან მოგესალმებით და გიკითხავთ.
12.04.2019
დედა იოანა (სამანიშვილი) მეუფე ანტონის ყოფილი მეუღლეა. გთავაზობთ წერილს, რომელიც მან რუსთავი 2-ის ცილსმწამებლური სიუჟეტის საპასუხოდ დაწერა:
25.02.2019
ბერი ერმოლაოსი (ჭეჟია):

ათონზე ბერული ცხოვრების ორი ფორმაა, ბერთა ნაწილი მონასტრებში ცხოვრობს,
06.06.2018
მე მამას ვგავარ. ზუსტად მისნაირი თვალები მაქვს.
ერთხელ ვსეირნობდით. ქუჩაში ნაცნობი შეხვდა, მომეფერა და თქვა, - წვერები რომ ჰქონდეს, შენ იქნებოდიო.
18.05.2018
მოდიან, მოედინებიან უწყვეტ ნაკადად, მოაქვთ ჩემი ქვეყნის დიდება, პატივი, სიწმინდე და სიყვარული! მოდიან ამაყად უფლის ერთგული ჯარისკაცები, სამშობლოს დამცველი რაინდები!
27.04.2018
ამ წერილის ავტორი პოლკოვნიკი შალვა ჩუბინიძეა:

მეოცე საუკუნის ოთხმოციანი წლების ბოლოს საქართველოში
26.02.2018
დაუფარავად გაუხსენი გული მოძღვარს, ნურაფრის შეგრცხვება, ღმერთმა ისედაც იცის შენი ნებისმიერი გულისთქმა და საქციელი
28.12.2017
ათონის მთაზე, წმინდა პანტელეიმონის მოანსტერში მოღვაწე ჩვენი თანამემამულს ბერი ერმოლაოსი (ჭეჟია) "კარიბჭის" მკხთხველს წლების განმავლობაში ანუგეშებდა თავისი წერილებით, მიძღნილი მშობლებისადმი თუ შვილებისადმი.
17.11.2017
გალაკტიონის დღიურიდან:
"ისევ ავად ვარ და ახალ წელს ვხვდები ჯიბეგაფხეკილი. დავდივარ უფეხსაცმლოდ.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
ჟურნალი
ჟურნალის ბოლო ნომრები:
უფალმა იესო ქრისტემ ზეცად ამაღლების შემდგომ წარმოგზავნა 12 მოციქული, რათა ყოველი მისი სიტყვა ხალხისთვის გადაეცათ. უფლის მოციქულები სხვადასხვა ქვეყანაში გაემართნენ საქადაგებლად.