ქრისტიანობა და მსოფლიო რელიგიები
ქრისტიანობა და მსოფლიო რელიგიები
დასაწყისი იხ. #12
3. რელიგია როგორც ზოგადსაკაცობრიო მოვლენა
რა არის რელიგია
რელიგიის ზუსტად განმარტების უამრავი მცდელობა არსებობს , თუმცა ჯერ-ჯერობით ვერავინ მოახერხა მოეძებნა ისეთი ვარიანტი, რომელიც ამ ცნებას სრულად და ამომწურავად ახსნის. რელიგიის არსს თავისებურად განმარტავენ ფსიქოლოგები, სო ციოლოგები, ფილოსოფოსები, ეთნოგრაფები, თეოლოგები... ეს კიდევ ერთხელ მიუთითებს რელიგიის მრავალმხრივობაზე.

ცნობილი მკვლევარი ჰელმუტ გლაზენაპი რელიგიის უმთავრეს თავისებურებად რწმენას მიიჩნევს. რწმენა, "რისკენაც ადამიანი გონების, გრძნობის, სურვილებისა და პრაქტიკის საშუალებით მიდის", იმ ზებუნებრივი პიროვნული და უპიროვნო ძალების მიმართ წარმოიქმნება, რომელთა კეთილგანწყობის მოპოვებისკენაც ისწრაფვის ადამიანი.

სოციოლოგიის თვალსაზრისით, რელიგია - ეს არის აზრებისა და ქმედებების მწყობრი სისტემა, რომელიც შთაგონებულია უმაღლესი არსებისგან და საშუალებას აძლევს ადამიანს ახსნას ცხოვრების ძირითადი საკითხები, არ შეეგუოს სიკვდილს, არ ჩავარდეს სასოწარკვეთილებაში და არ მისცეს ბოროტებას საშუალება, ცხოვრება დაუნგრიოს. ღმერთის შემეცნების პროცესში ადამიანს ეხმარება სურვილი, პასუხი გასცეს იმ უამრავ კითხვას, რომელიც მის ყოველდღიურ ცხოვრებაში იბადება; იპოვოს ცხოვრებისეული საკვანძო პრობლემების: სიკვდილის, ტკივილის, ბოროტების, შიშის, ავადმყოფობის ახსნა. როდესაც ჩნდება უფსკრული რეალურ ცხოვრებასა და იმედს შორის, ადამიანები ცდილობენ, ეს დაბრკოლება "რწმენაში ნახტომით" გადალახონ. ასეთი "ნახტომი" ერთგვარი გამოსავალია ყოველდღიური პრობლემებიდან. ის გვარწმუნებს, რომ ცხოვრება არც ისე რთულია, როგორადაც გვეჩვენება და ჭეშმარიტება არ არის ის რეალობა, რომელშიც ყოველდღიური ცხოვრებით ვცხოვრობთ. რწმენა გვეუბნება: ოდესმე ტკივილიცა და ბოროტებაც დამარცხდება.

რელიგია საყოველთაო და ზოგადსაკაცობრიო ფენომენია. დედამიწაზე არ არსებობს ხალხი, საზოგადოება, რომელსაც არ გააჩნია გარკვეული, თუნდაც პრიმიტიული სარწმუნოება ან რწმენა. იმ შემთხვევაში, თუ საზოგადოებას დეკლარირებული აქვს უღმერთობა, მისი ცალკეული წევრები თავისდაუნებურად მაინც პოულობენ ღმერთის სანაცვლოს. ასეთ შემცვლელებად გვევლინებიან "უცოდველი" და "დიდად პატივცემული" ბელადები, უტოპიური მიზნები და იდეალები, ტრადიციები, რომლებიც იძენენ რიტუალის შინაარსს, სიმბოლოები და კონკრეტული ტერიტორიები, რომლებსაც სცემენ თაყვანს. რელიგიური თავდადება, რომელიც მათში ვლინდება, ნათლად მიუთითებს ადამიანების შინაგან სწრაფვაზე, გახდნენ რაიმე ისეთზე დამოკიდებულნი, რაც მათ ცხოვრებას აზრსა და მიზანს შესძენს.

ყოფითი მოვლენების კურთხევა
ხშირად რელიგიას აღიქვამენ როგორც საშუალებას მხოლოდ ამქვეყნიური კეთილდღეობის მისაღწევად. ადამიანებს სურთ, რომ ღმერთი დაეხმაროს მათ ყოველდღიურობაში (ავადმყოფობის, ტკივილის დაძლევაში, მტრებისგან თავდაცვაში, მატერიალური სიძნელეების გადალახვაში). მეორე მხრივ, ადამიანს აქვს მოთხოვნილება, მის ცხოვრებაში არსებულმა უმთავრესმა მოვლენებმა (დაბადება, ქორწინება, სიკვდილი და ა.შ.) შეიძინონ აღმატებული, მარადიულობასთან ზიარებული აზრი. თუმცა რელიგიის არსი და მისი როლი ამით სულაც არ ამოიწურება. რელიგიას სულ სხვა მიზნები აქვს.

რელიგიის მიზნები
რელიგია თავის მთავარ მიზნად ისახავს ადამიანის გადარჩენას. ტერმინი "გადარჩენა" უარყოფითი თვალსაზრისით იმ ცუდი მდგომარეობიდან თავის დახსნას ნიშნავს, რომელშიც ადამიანი იმყოფება. დადებითი თვალსაზრისით გადარჩენა იმ ნეტარი მდგომარეობის მიღწევაა, რომლისკენაც მორწმუნენი ისწრაფვიან. ზოგიერთი რელიგია "გადარჩენაში" გულისხმობს ამქვეყნიურ კეთილდღეობას, მშვიდობასა და უსაფრთხოებას, ამავე დროს ასეთი რელიგიის მიმდევრები დიდ მნიშვნელობას ანიჭებენ იმ მდგომარეობას, რომელიც მათ საიქიოში წარმოუდგენიათ.

რას ნიშნავს გადარჩენა ეკლესიის თვალსაზრისით
ეკლესიის თვალსაზრისით გადარჩენა არის პიროვნებაში დაკარგული სრულყოფილების აღდგენა, ცოდვებისგან გათავისუფლება, ქრისტესთან შერწყმა. გადარჩენა გულისხმობს ეგოიზმისა და ამპარტავნების გამო ღმერთთან, ადამიანებთან, ზოგადად სამყაროსთან და საკუთარ თავთან დაკარგული ურთიერთობის მოძიებასა და განახლებას. იგი მიიღწევა ქრისტეს რწმენითა და ეკლესიური ცხოვრებით ანუ ღმერთთან თანაზიარებით - ამ ურთიერთობაში ღმერთი ადამიანს თავისი ცხოვრების ნაწილს უწილადებს და ადამიანი იწყებს ღმერთში არსებობს.
ბეჭდვაელფოსტა
კომენტარი არ გაკეთებულა
სხვა სიახლეები
26.02.2018
დაუფარავად გაუხსენი გული მოძღვარს, ნურაფრის შეგრცხვება, ღმერთმა ისედაც იცის შენი ნებისმიერი გულისთქმა და საქციელი
28.12.2017
ათონის მთაზე, წმინდა პანტელეიმონის მოანსტერში მოღვაწე ჩვენი თანამემამულს ბერი ერმოლაოსი (ჭეჟია) "კარიბჭის" მკხთხველს წლების განმავლობაში ანუგეშებდა თავისი წერილებით, მიძღნილი მშობლებისადმი თუ შვილებისადმი.
17.11.2017
გალაკტიონის დღიურიდან:
"ისევ ავად ვარ და ახალ წელს ვხვდები ჯიბეგაფხეკილი. დავდივარ უფეხსაცმლოდ.
15.08.2017
იმისათვის, რომ წუთისოფელში ადამიანებმა უფრო მეტად იგრძნონ უფალთან თანამყოფობა, მონასტრულ ცხოვრებას ირჩევენ და უფლის წიაღში, ღვთის სახლში მკვიდრდებიან.
26.03.2017
არავისთვის არის სიახლე, რომ მსოფლიო გლობალიზაციის სენით არის შეპყრობილი: მიმდინარეობს აქტიური პროცესები ერთიანი, საყოველთაო საერო და საეკლესიო მმართველობის დასამკვიდრებლად და ეს ყველაფერი მსოფლიო ერთმმართველობის სამზადისია.
05.08.2016
ათონის მთაზე მდებარე წმინდა პანტელეიმონ მკურნალის სახელობის მონასტერში მოღვაწე ჩვენი თანამემამულე, ბერი ერმოლაოსი (ჭეჟია) დედისადმი გაგზავნილ პირად წერილებში მონასტრის იღუმენის, არქიმანდრიტი იერემიას შესახებ წერს.
12.05.2016
მის უწმიდესობას და უნეტარესობას, სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტ ილია II-ს, საქართველოს ეკლესიის წმიდა სინოდს, ყოვლადუსამღვდელოეს მეუფეებს
28.04.2016
ეს წერილი მიქაელ მთავარანგელოზის ტაძრის მრევლმა მოგვაწოდა:
26.04.2016
გრიგოლ რობაქიძისა და მიხეილ წერეთლის პირადი მიმოწერა


გრიგოლ რობაქიძემ ცხოვრების უმეტესი ნაწილი ემიგრაციაში გაატარა, ამიტომ მწერლის ცხოვრებისა და მოღვაწეობის შესახებ ყოველი ახალი დოკუმენტის გამოვლენა განუზომელ მნიშვნელობას იძენს.
25.04.2016
"ათი ქალწულის შესახებ" სახარებისეული იგავის განმარტებისათვის - წმინდა მღვდელმთავარი ნიკოლოზ სერბი (ველიმიროვიჩი)

ხუთი ბრძენი ქალწული და ხუთი უგუნური.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
დღესასწაულთან ერთად აღდგა ამ გზაზე ლოცვითი მსვლელობის წესი