ბრძენმა ქალწულებმა სხეულებრივი და სულიერი სიწმინდის შენარჩუნებით უდიდესი წყალობაც შეინარჩუნეს
ბრძენმა ქალწულებმა სხეულებრივი და სულიერი სიწმინდის შენარჩუნებით უდიდესი წყალობაც შეინარჩუნეს
"ათი ქალწულის შესახებ" სახარებისეული იგავის განმარტებისათვის - წმინდა მღვდელმთავარი ნიკოლოზ სერბი (ველიმიროვიჩი)

ხუთი ბრძენი ქალწული და ხუთი უგუნური. ბრძენთ ლამპარი და ზეთი მოჰქონდათ, უგუნურთ - მხოლოდ ლამპრები.

ლამპარი სიმბოლურად სხეულს აღნიშნავს, ხოლო ზეთი კი მადლს. აქედან წარმოსდგება სიტყვა "პოლიელეი", ე.ი. მრავალი წყალობა. ის გათენებისას სრულდება, ფსალმუნთა გალობისას, უფლის უდიდესი წყალობისა და რჩეული ერის შესახებ სიტყვათა განმეორებით: (იხ. ფს. 134,135) "უკუნისამდე არს დიდებაჲ მისი, ალილუია!"

ბრძენმა ქალწულებმა სხეულებრივი და სულიერი სიწმინდის შენარჩუნებით უდიდესი წყალობაც შეინარჩუნეს, წყალობა მათ მიმართ, ვინც მათზე სუსტი იყო და ცოდვისაგან ვერ გათავისუფლდა. უგუნურნი მკაცრად იცავდნენ სხეულებრივ სისუფთავეს, სხვებს კი უმოწყალოდ და ცივად შეჰყურებდნენ, ქედმაღლურად გმობდნენ და ზიზღით ზურგს აქცევდნენ მათ, "ისინი სამართლიანად იწოდებიან უგუნურებად, - წერს წმიდა ნილოს სინელი, - რადგანაც მაშინ, როდესაც ესეოდენ რთულ და ძნელადმისაღწევ ქალწულების ღვაწლში წარემატნენ, არაფრად ჩააგდეს მცირე და მსუბუქი". უგულებელსყვეს წყალობა, თანალმობა, მიტევება! სუფთა, მაგრამ ცარიელი და ბნელი ლამპრები! როდესაც სიკვდილი მოვა და სხეული მიწას შეერთვის, ზეთი წყალობისა უნდა წარუძღვეს სულს და გაუნათოს მას გზა მარადიული მამულისაკენ!

ამის გარეშე დარჩენილ ზეთს უკუნი შთანთქავს.

ბჭენი უკუნეთისანი! როგორ განვიდეთ ამ ვიწრო კარში? სული შიშობს და თრთის: მის ირგვლივ საშინელი ლანდები და მოჩვენებანი არიან, კოშმარული სიზმრების მსგავსნი, მძინარე ადამიანს რომ სტანჯავს. ვინ შეიწყალებს? ვინ გაუწვდის სინათლის სხივს? უფალი შეიწყალებს და მოწყალენი შეიწყალებენ, რამეთუ ნათქვამია: "ნეტარ იყვნენ მოწყალენი, რამეთუ იგინი შეიწყალნენ" (მათე 5, 7). მათ, ვინც მოწყალეა ქმნილებისადმი, შემოქმედიც შეიწყალებს. განა ეს ნუგეში და ჭეშმარიტება არ არის? განა მუქარა არ არის უმოწყალოთათვის?

ჩემს მეზობლად ერთი ხნიერი ქალბატონი ცხოვრობდა. ცნობილი იყო, რომ იგი მთელი ცხოვრების განმავლობაში ხორცის სიწმინდეს იცავდა. ეს ღვთისმოსაობა ქების ღირსი იყო, მაგრამ დღიდან დღემდე იგი გესლიან ისრებს აყრიდა ქორწინებაში და "ცოდვაში" მცხოვრებთ. დილიდან საღამომდე ტრაბახობდა თავის ქალწულებით და აძაგებდა მათ, ვინც მისი აზრით არაწმინდა ცხოვრებით ცხოვრობდა. ერთმა მღვდელმა საუბარში მის შესახებ თქვა: "თუკი თქვენ არ იცით, ვინ არის უგუნური ქალწული სახარებისეული იგავიდან, აი - ის!" და ჭეშმარიტად უგუნურება მრავლდება, როცა ადამიანი მხოლოდ ერთ სათნოებას ფლობს, დანარჩენში კი სცოდავს. ასე მგზავრს ღამის სიბნელეში წყვდიადი უფრო სექლი ეჩვენება, როცა ფანრის შუქზე ირგვლივ მიმოიხედავს. დიდი სიბრძნე მხოლოდ ერთ სათნოებაში კი არ მდგომარეობს, არამედ სათნოებათა თაიგულში. ნათქვამია: "სიბრძნემან იშენა თავისა თჳსისა სახლი, და ქუეშე შეუდგნა მას შჳდნი სუეტნი" (იგავ. 9,1). "ის სული გახლავთ ყველაზე ბრძენი, რომელმაც შვიდი ძირითადი სათნოება მოიხვეჭა".

ქრისტეს ამ იგავს ღრმა სულიერი მნიშვნელობაც აქვს. ხუთ უგუნურ ქალწულში ხუთი გარე გრძნობა უნდა ვიგულისხმოთ, ვინც მხოლოდ იმით ცხოვრობს, რასაც ხედავს და გრძნობს, გრძნობებზე კონტროლისა და გონიერების გარეშე მას უგუნური სული აქვს. როცა სიკვდილი ასეთ სულზე თავის ფარდას ჩამოაფარებს, იგი სრულ წყვდიადში დარჩება. ხოლო ხუთ გონიერ ქალწულში ხუთი შინაგანი გრძნობა იგულისხმება, რომლებიც გონივრულად აკონტროლებენ გარე გრძნობებს და ფლობენ მათ. ეს შინაგანი გრძნობები მიწიერი ცხოვრების ჟამს სულს სინათლით ავსებენ, რომელიც მასში რჩება და ანათებს, როცა სიკვდილი გარე გრძნობებს თავის საფარველს გადააფარებს ხოლმე.
ბეჭდვაელფოსტა
კომენტარი არ გაკეთებულა
სხვა სიახლეები
17.11.2017
გალაკტიონის დღიურიდან:
"ისევ ავად ვარ და ახალ წელს ვხვდები ჯიბეგაფხეკილი. დავდივარ უფეხსაცმლოდ.
15.08.2017
იმისათვის, რომ წუთისოფელში ადამიანებმა უფრო მეტად იგრძნონ უფალთან თანამყოფობა, მონასტრულ ცხოვრებას ირჩევენ და უფლის წიაღში, ღვთის სახლში მკვიდრდებიან.
26.03.2017
არავისთვის არის სიახლე, რომ მსოფლიო გლობალიზაციის სენით არის შეპყრობილი: მიმდინარეობს აქტიური პროცესები ერთიანი, საყოველთაო საერო და საეკლესიო მმართველობის დასამკვიდრებლად და ეს ყველაფერი მსოფლიო ერთმმართველობის სამზადისია.
05.08.2016
ათონის მთაზე მდებარე წმინდა პანტელეიმონ მკურნალის სახელობის მონასტერში მოღვაწე ჩვენი თანამემამულე, ბერი ერმოლაოსი (ჭეჟია) დედისადმი გაგზავნილ პირად წერილებში მონასტრის იღუმენის, არქიმანდრიტი იერემიას შესახებ წერს.
12.05.2016
მის უწმიდესობას და უნეტარესობას, სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტ ილია II-ს, საქართველოს ეკლესიის წმიდა სინოდს, ყოვლადუსამღვდელოეს მეუფეებს
28.04.2016
ეს წერილი მიქაელ მთავარანგელოზის ტაძრის მრევლმა მოგვაწოდა:
26.04.2016
გრიგოლ რობაქიძისა და მიხეილ წერეთლის პირადი მიმოწერა


გრიგოლ რობაქიძემ ცხოვრების უმეტესი ნაწილი ემიგრაციაში გაატარა, ამიტომ მწერლის ცხოვრებისა და მოღვაწეობის შესახებ ყოველი ახალი დოკუმენტის გამოვლენა განუზომელ მნიშვნელობას იძენს.
07.02.2016
ჩვენს ეკლესიაში ზოგიერთი მორწმუნე და სასულიერო პირიც კი ქადაგებს საქართველოს მოახლოებულ რელიგიურ "გაბრწყინებას", აქ ქრისტიანთათვის ნათელი დროების დადგომას,
28.04.2014
საყვარელნო ძმანო! მღვდელთა დიდითა პატივითა პატივ ვჰსცემდეთ, რამეთუ დიდ არს პატივი მღვდელთა და მათ აქვთ მადლი სულისა წმიდისა, ვითარცა იტყვის მოციქული: "ვითარმედ დაემორჩილებით წინამძღვართა თქვენთა".
26.05.2011
რამოდენიმე ხნის წინ სრულიად საქართველოს კათოლიკოს-პატრიარქმა უწმინდესმა და უნეტარესმა ილია მეორემ მრევლს მოგვცა დავალება: დაგვეწერა თემა: "მე არ ვარ ის, რაც ვარ".
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
არამეულის შემდეგ მამა სერაფიმემ ქართულად პირველად იგალობა - ლამაზი საგალობელი,