"ჯვარი - ცხვრის კისერზე დაკიდული ზარია, რომ განსაცდელისას მწყემსმა მისი ხმა გაიგონოს და შეეწიოს..."
"ჯვარი - ცხვრის კისერზე დაკიდული ზარია, რომ განსაცდელისას მწყემსმა მისი ხმა გაიგონოს და შეეწიოს..."
ბოროტის წინააღმდეგ ყველაზე დიდი იარაღი და მკურნალი ცხოველმყოფელი ჯვარი და ღვთის სიტყვაა. თუ რა ძალმოსილია მისი სიწმინდე, ქვემოთ მოყვანილი ამბებიც ცხადყოფს.

ერთი ქრისტიანი რუსი მეომარი, სახელად ევგენი, ათიოდე წლის წინ ჩეჩნებმა ტყვედ ჩაიგდეს. სამი თვის მანძილზე გამუდმებით სთავაზობდნენ, - ქრისტე უარყავი და ისლამი მიიღეო...

რუს ტუსაღთაგან ევგენი ერთადერთი იყო, რომელიც ჯვარს არასოდეს განიშორებდა, რაც უსჯულოთა განსაკუთრებულ გააფთრებას იწვევდა. როდესაც ჯვრის მოხსნა ვერაფრით აიძულეს, საკუთარ დაბადების დღეს, ამაღლების დღესასწაულზე, სიცოცხლეს წამებით გამოასალმეს, - თავი მოჰკვეთეს...

მასთან ერთად აწამეს კიდევ სამი ქრისტიანი... ევგენის დედამ დიდი ძალისხევის შედეგად ძლივს მოიძია შვილისა და იმ სამი ჯარისკაცის საფლავი და მელიტელ მოწამეთა ხსენების დღეს (შემთხვევითი როდია, რომ ისინიც ქრისტესთვის მომკვდარი მეომრები იყვნენ, რომელთაგან ერთ-ერთს სწორედ ევგენი ერქვა), 1996 წლის 20 ნოემბერს სამშობლომდე ჩამოასვენა.

დედის მოგონებიდან ცხადი ხდება, რომ ევგენი ყრმობიდანვე მორწმუნე იყო. ჯარში წასვლის წინ საკუთარი სურვილით თქვა აღსარება და ეზიარა.

მართლაც, რომ არა უფლის დიდი სიყვარული, როგორ არჩევდა უსახელო და მტანჯველ სიკვდილს ასე ახალგაზრდა კაცი სიცოცხლეს? მათ ხომ არწმუნებდნენ, რომ როგორც დეზერტირებს, თავისიანებმა ზურგი აქციეს და ვეღარავინ იპოვიდათ?! საოცარია და შეუცნობელი უფლის გზები...

როგორც ჩანს, უფალმა ამ ახალგაზრდა ადამიანებს გაუცხადა ჯვრის ნიშანში დაფარული ძალა და სიწმინდე...

ევგენის ჯვარი მის საფლავში, თავმოჭრილ სხეულთან ერთად იპოვეს...

ერთი შეხედვით, იგი თანატოლთაგან თითქოს არაფრით გამოირჩეოდა, დედამისი იგონებდა: - "თერთმეტიოდე წლის იქნებოდა, საზაფხულო არდადეგებიდან ყელზე ჯვრით რომ დაბრუნდა... როდესაც ვკითხე, - ეს რა არის მეთქი, მიპასუხა, - ეს ჯვარია, ბებიასთან ერთად ეკლესიაში ვიყავი, აღსარება ვთქვი, ვეზიარე და ჯვარიც მომცესო.

მკაცრად მოვთხოვე, - ახლავე მოიხსენი-მეთქი, მაგრამ დადუმდა და არც ჯვარი მოუხსნია... ამ დღიდან მას აღარასოდეს განშორებია, - არც ბანაობისას, არც სპორტულ სექციაში ვარჯისისას... ეს ჯვარი და მისი საკიდი სქელი ბაწარი მის თითქმის ყველა ფოტოზე ჩანს...

***
მაინც, რა მნიშვნელობა აქვს გულსაკიდ ჯვარს, რატომ სძულს იგი ასე ეშმაკს და რატომ ცდილობს, ადამიანებმა ან საერთოდ უარი თქვან მასზე ან, ნებსით თუ უნებურად, იმით შეურაცხყონ, რომ სამკაულივით ატარონ იგი?

ლენინის ბავშვობიდან ცნობილია შემთხვევა, როდესაც ტაძარში შესვლას დაჟინებით სთხოვდნენ. სახლიდან გამძვინვარებული გამოვარდა, მკერდიდან ჯვარი მოიგლიჯა და ფეხით გათელა...

გასული საუკუნის სამოციან წლებში ახალგაზრდა ქალი ნათლისღების შემდეგ ეშმაკის ძლიერ თავდასხმებს განიცდიდა, - ღამით, ძილში მას ისეთი სიმძიმე დააწვა, რომ ხელის აწევა და პირჯვრის გამოსახვაც კი არ შეეძლო... ალერსიანმა და მომნუსხველმა ხმამ უბრძანა, რომ მკერდიდან ჯვარი მოეხსნა...

მოსახსნელად ხელი ჯვრისკენ წაიღო, მაგრამ როგორც კი შეეხო, გონს მოეგო, "მამაო ჩვენო" წაიკითხა და აშკარად გაიგონა, თუ რა მძიმე ამოოხვრით განეშორა მას ბოროტი...

ერთ ახალგაზრდა კაცს იმავე წლებში ეშმაკი შთააგონებდა, - რა საჭიროა სხვათა საჩვენებლად ჯვრის ტარება, მთავარია, გულში გქონდეს რწმენაო... და როდესაც ჯვრის მოხსნა დააპირა, უფალმა მას ძილში აუწყა: - "ჯვარი - ცხვრის კისერზე დაკიდული ზარია, რომ განსაცდელისას მწყემსმა მისი ხმა უმალ გაიგოს და დაიფაროსო..." თუმცა, არც ამ ამბის შემდეგ მიჰკედლებია დედაეკლესიას...

ერთ საღამოს, როდესაც მივლინებიდან შინ მობრუნებულმა სააღდგომო მსახურებაზე წასვლაც კი დაიზარა და თავი ძილს მისცა, მოულოდნელად მკერდზე მწველმა ცეცხლმა გამოაღვიძა...

როდესაც იმ ადგილს შეეხო, საიდანაც ეს სიმხურვალე გადმოდიოდა, ხელში საკუთარი გულსაკიდი ჯვარი შერჩა, რომელიც მთელ სხეულს სიხარულისმომგვრელი ცეცხლით ანათებდა...

საათს რომ დახედა, თორმეტი სრულდებოდა, ტაძრებში სააღდგომო ლიტურგია იწყებოდა... სასწრაფოდ შეიმოსა და უახლოესი ტაძრისაკენ გაიქცა...

ამ დღემ მისი ცხოვრება სრულებით შეცვალა...
ბეჭდვაელფოსტა
06.04. 2017
სოფო
ეროვნებას რა მნიშვნელობა აქვს აქ მთავარი არის ვისთვის ეწამა ეს ადამიანი. უფალი ყველას გვაერთიანებს რუსი იქნება თუ ქართველი არ აქვს მნიშვნელობა და თანაც ასეთი ბოღმით ლაპარაკს თუ გაინტერესებთ საიდან მოიტანეს ეს ინფორმაცია შეგიძლიათ გაეცნოთ უცხო ენაზეც http://www.serfes.org/lives/NewMartyredSoldiers.htm. არავის მოგონილი არაა ეს რეალობაა რომელსაც ვერ ვხედავთ სამწუხაროდ
19.04. 2016
მზია*
რუსი ადამიანის მიმართ სიძულვილი, დიდი ვერაფერი მართმადიდებლობაა. სანდროს! განა ჩვენი ბიჭები არ იბრძვიან სხვის მიწა-წყალზე? რას აკეთებენ ქართველი ბიჭები ერაყში?! იაზროვნეთ საღად, სიძულვილის გარეშე!
12.06. 2015
სანდრო
რუსი ჯარისკაცი წმინდანად გამოგყავთ,რომელიც უდანაშაულო ხალხის დასახოცად იყო იქ ჩასული.ჩვენი ყველაზე დიდი მტერია მართალიც რომ იყოს რაც არადამაჯერებელია,ვინ ყვება ამ ამბავს?ალბათ ჩეჩნები :D უფრო დამაჯერებელი იქნებოდა მიგეწერად, რომ იმ ჩეჩნებმა ქრისტიანობა მიიღეს რომელიღაც მონასტერში ბერებად აღიკვეცნენ თავად მოყვნენ ეს ამბავი!!!!!!!! რაც მთავარია,არასოდეს მსმენია თქვენი მხრიდან,იმ ქართველი მართლაც რომ მამულისშვილი ბიჭების სახელები მოგეხსენიებინათ სადმე.დაგიკონკრეტებთ აფხაზეთში რომ იბრძოდნენ,არც სამშობლო გაუყიდიათ და არც ქრისტე!!!!!!!!!!!!!
20.05. 2015
მკიტხველა111
ევგენის გვარი არ ჰქონდა, სურათი არ არსებობს მისი? საიდანაა ეს ინფორმაცია, თუ ყველა დახოცეს? არამგონია თვითონ ჩეჩნებს მოეყოლათ.. მერე მეორე - ნუ აიგივებთ რუს ფაშისტებს, რომლებმაც ათასობით მარტო ბავშვი მოკლეს ჩეჩნეთში, ქრისტესთვის დაღუპულ მეომრებთან. თქვენ ასეთ კონტექსტში გიწერიათ მე-4 აბზაცში!!! " სირცხვილია და გამაოგნებელიც, რომ ქართველები რუს ფაშისტებს ასეთ კონტექსტში მოვიხსენიებთ, მას შემდეგ რაც საკუთარ ტყავზე გამოვცადეთ. აფხაზეთში და ცხინვალში დაღუპული რუსებიც ქრისტესთვის ხოარ დაიღუპნენ??? ამ ფაშისტებმა ჩეჩნეთში 100.000 ზემეტი ადამიანი დახოცეს!!!
31.03. 2015
გული
გული სმაილი
სხვა სიახლეები
17.11.2017
გალაკტიონის დღიურიდან:
"ისევ ავად ვარ და ახალ წელს ვხვდები ჯიბეგაფხეკილი. დავდივარ უფეხსაცმლოდ.
15.08.2017
იმისათვის, რომ წუთისოფელში ადამიანებმა უფრო მეტად იგრძნონ უფალთან თანამყოფობა, მონასტრულ ცხოვრებას ირჩევენ და უფლის წიაღში, ღვთის სახლში მკვიდრდებიან.
26.03.2017
არავისთვის არის სიახლე, რომ მსოფლიო გლობალიზაციის სენით არის შეპყრობილი: მიმდინარეობს აქტიური პროცესები ერთიანი, საყოველთაო საერო და საეკლესიო მმართველობის დასამკვიდრებლად და ეს ყველაფერი მსოფლიო ერთმმართველობის სამზადისია.
05.08.2016
ათონის მთაზე მდებარე წმინდა პანტელეიმონ მკურნალის სახელობის მონასტერში მოღვაწე ჩვენი თანამემამულე, ბერი ერმოლაოსი (ჭეჟია) დედისადმი გაგზავნილ პირად წერილებში მონასტრის იღუმენის, არქიმანდრიტი იერემიას შესახებ წერს.
12.05.2016
მის უწმიდესობას და უნეტარესობას, სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტ ილია II-ს, საქართველოს ეკლესიის წმიდა სინოდს, ყოვლადუსამღვდელოეს მეუფეებს
28.04.2016
ეს წერილი მიქაელ მთავარანგელოზის ტაძრის მრევლმა მოგვაწოდა:
26.04.2016
გრიგოლ რობაქიძისა და მიხეილ წერეთლის პირადი მიმოწერა


გრიგოლ რობაქიძემ ცხოვრების უმეტესი ნაწილი ემიგრაციაში გაატარა, ამიტომ მწერლის ცხოვრებისა და მოღვაწეობის შესახებ ყოველი ახალი დოკუმენტის გამოვლენა განუზომელ მნიშვნელობას იძენს.
25.04.2016
"ათი ქალწულის შესახებ" სახარებისეული იგავის განმარტებისათვის - წმინდა მღვდელმთავარი ნიკოლოზ სერბი (ველიმიროვიჩი)

ხუთი ბრძენი ქალწული და ხუთი უგუნური.
07.02.2016
ჩვენს ეკლესიაში ზოგიერთი მორწმუნე და სასულიერო პირიც კი ქადაგებს საქართველოს მოახლოებულ რელიგიურ "გაბრწყინებას", აქ ქრისტიანთათვის ნათელი დროების დადგომას,
28.04.2014
საყვარელნო ძმანო! მღვდელთა დიდითა პატივითა პატივ ვჰსცემდეთ, რამეთუ დიდ არს პატივი მღვდელთა და მათ აქვთ მადლი სულისა წმიდისა, ვითარცა იტყვის მოციქული: "ვითარმედ დაემორჩილებით წინამძღვართა თქვენთა".
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
წმინდა ლუკა მას სიცოცხლის ბოლომდე გულმკერდზე დაკიდულს ატარებდა
პანაგია სუმელა"-ს სასწაულმოქმედი ხატი ერთ-ერთი იმ სამოცდათორმეტ ხატთაგანია წმინდა ლუკა მახარებელმა რომ დაწერა.