ადონაი ელოენუ ანუ უფალი ერთია
ადონაი ელოენუ ანუ უფალი ერთია
1900 წელს საბა (ალექსანდრე) კლდიაშვილი ოდესის უნივერსიტეტის საბუნებისმეტყველო ფაკულტეტის დამთავრების შემდეგ იქვე დატოვეს სამუშაოდ. საბა წერდა: "ერთ აღმოჩენაზე ვმუშაობ... თუ ჩემი მოსაზრება გამართლდა, ეს იქნება უდიდესი მიღწევა, გადატრიალება როგორც მეცნიერებაში, ისე ცხოვრებაში". სამწუხაროდ, მის გეგმებს ხორცშესხმა არ ეწერა... 1905 წლის 20 ოქტომბერს ოდესაში შავრაზმელები უმოწყალოდ დაერივნენ ებრაელობას. არავინ იყო განმკითხავი. სასოწარკვეთილმა ხალხმა ერთადერთ იმედს - ღმერთს მიმართა. დასაღუპად განწირულთ წინ წარუძღვნენ თეთრწვეროსანი, მხრებზე ციცითმოსხმული მოხუცები თორით ხელში და ძველბიბლიური გალობით: "შემაყ, ისრაელ! ადონაი ელოენუ, ადონაი ეხად!" ("ისმინე, ისრაელო! უფალი ერთია, უფალი - ჩვენი ღმერთი!"). ჯალათებმა მლოცველებს ტყვიები დაუშინეს. ხალხს გამოეყო ერთი ახალგაზრდა კაცი და ხელებგაშლილი ებრაელებს წინ აეფარა. ის გახლდათ ოდესის უნივერსიტეტის პრივატ-დოცენტი, 32 წლის საბა კლდიაშვილი. მამამისი - გრიგოლი ოფიცერი გახლდათ, დედა - ეფროსინე (ეფრო) - დიმიტრი ყიფიანის ძმისწული, იმ დროის ქართული თეატრის თვალსაჩინო მოღვაწე. ერთ-ერთი ძმა, სვიმონი, თბილისის უნივერსიტეტის ხუროთმოძღვარი, დიდი დავით კლდიაშვილი - ალალი ბიძაშვილი...

ოხრანკის მასალებიდან: "იმ დილით, როცა ებრაელებს დღესასწაული ჰქონდათ და ჩვენ დავიწყეთ ჩვენი მამულიშვილური ვალის აღსრულება, საბა კლდიაშვილმა თურმე შეკრიბა სტუდენტი ქართველი ახალგაზრდობა და მიმართა: "ოდესის ქუჩებში ანტიქრისტენი, რუსი ხალხის შემარცხვენელნი აწიოკებენ ებრაელთა ოჯახებს მხოლოდ იმისათვის, რომ ისინი ებრაელები არიან. მე ბინა ებრაელი კაცის ოჯახში მიჭირავს და ვიცი, მათ არაფრით დაუმსახურებიათ შავრაზმელთა ასეთი გაბოროტება. მოგიწოდებთ, დავიცვათ უიარაღო და დაჩაგრული ხალხი, მე მოგიწოდებთ, როგორც ქართველი, შვილი ჩემი ერისა, რომელსაც არასოდეს ჩაუდენია ასეთი სამარცხვინო საქმე - არასოდეს დაურბევია სხვა ერი".

საბას ტყვია შუბლში მოხვდა...

საბა კლდიაშვილის ცხედარი ოდესიდან ბათუმში გემით ჩამოასვენეს. დავით კლდიაშვილი იგონებს: "გემიდან გადმოასვენეს მიცვალებული. ერთი ჯარისკაცი მოიჭრა კუბოსთან. კარგად მახსოვს მისი აღელვებული სახე, აკანკალებული, ათრთოლებული ხმა, რომლითაც მიმართა მიცვალებულს: - ძვირფასო ადამიანო, შენ ჩვენთვის გასწირე შენი სიცოცხლე, შენი მეცნიერება, ჩვენი საცოდავი ხალხის მისაშველებლად გამოხვედი... შენც იგივე გხვდა, რაც ჩვენებს და ჩვენ არასოდეს არ დავივიწყებთ შენს სახელს, ჩვენთვის ძვირფას შენს სახელს! გმადლობთ, გმადლობთ, ძვირფასო ადამიანო! შეჩვენება შენს მკვლელებს, მტარვალებს!"

ბათუმიდან ცხედარი მატარებლით ქუთაისში გადაასვენეს. იმ დღეს მთელი ქუთაისი დაკეტილი იყო. არ დარჩენილა არც ერთი დაწესებულება, საზოგადოება, მოხუცი თუ ახალგაზრდა, რომელსაც კუბო გვირგვინით არ შეემკო...

ებრაელთა საოპერო დასმა კუბო გვირგვინით შეამკო და ძველებრაულ ენაზე შეასრულა სამგლოვიარო საგალობელი "ჰეილ მოლო რახმიმ".

მიცვალებული დაკრძალეს ქუთაისის მთავარანგელოზის ტაძრის ეზოში, საფიჩხიის სასაფლაოზე.

საბას პანაშვიდს თბილისის სიონის ტაძარში დაესწრო ილია ჭავჭავაძე.

...1971 წელს საქართველოდან ისრაელში ასულმა ებრაელებმა ქ. აშდოდში გაჭრილ პირველ ქუჩას საბა კლდიაშვილის სახელი უწოდეს.
ლეილა ნოდია
ბეჭდვაელფოსტა
კომენტარი არ გაკეთებულა
სხვა სიახლეები
14.10.2018
"საუცხოვოდ ჩაიარა წლევანდელმა დღეობამ სვეტიცხოვლის ტაძრისამ.
18.07.2018
ცნობილმა ექიმმა ნიკოლოზ გაჩეჩილაძემ გაბედა და წმინდა ნინოს ვაზის ჯვარს ახალი სახატე შესწირა
26.05.2018
საქართველოს თავისუფლებისათვის მებრძოლი, ეროვნული მოძრაობის ლიდერი, ეროვნული გმირი მერაბ კოსტავა დაიბადა 1939 წლის 26 მაისს ქ. თბილისში ოლღა დემურიასა და ივანე კოსტავას ოჯახში.
26.05.2018
გენერალი გიორგი კვინიტაძე (ჩიქოვანი), რომლის სახელსაც დემოკრატიული საქართველოს პერიოდის ყველაზე წარმატებული სამხედრო ოპერაციები უკავშირდება, 1874 წლის 21 აგვისტოს დაიბადა.
26.05.2018
ვარლამ ჩერქეზიშვილი ცნობილი იყო არა მარტო ჩვენში, არამედ ევროპაში, როგორც მეტად განათლებული მოღვაწე და ანარქისტული მსოფლმხედველობის ერთ-ერთი იდეოლოგი.
26.05.2018
ალბათ გაგიგიათ ეს ლექსი, ვითომდა ნოე ჟოდანიას საფლავის ქვაზე წარწერილი:
26.05.2018
"1918 წელი, მაისის 26. ცხადდება აქტი საქართველოს დამოუკიდებლობისა. ზეიმი ჯერ კიდევ არ დამთავრებულა, ერთი მოზეიმე მირბის მამა დავითისკენ.
25.05.2018
100 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.
19.04.2018
ავლაბარი, თბილისის ერთ-ერთი უძველესი უბანია. ისტორიული წყაროების მიხედვით მისი ძველი სახელწოდებაა ისანი.
31.08.2017
მამა სერაფიონის ნათესავები ამბროლაურის რაიონის სოფელ ზემო თლუღში, მამა სერაფიონისეულ სახლში ცხოვრობენ.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
გარდაცვალება ყოველი ადამიანის ხვედრია, რომელსაც ვერავინ გაექცევა. "ვინ არს კაცი, რომელი ცხონდეს და არა იხილოს სიკვდილი" (ფს. 88,48), თუმცა დაფარულია, როდის დაგვიდგება ამ ქვეყნიდან გასვლის ჟამი.