ავჭალის წმინდა ქეთევან წამებულის ტაძრის წინამძღვრის, დეკანოზ გიორგი რაზმაძის ლოცვა-კურთევით, ხუთშაბათს, 5 ივნისს კვიპროსიდან საქართველოში კიკოსის სახელით ცნობილი ღვთისმშობლის სასწაულმოქმედი ხატის ასლი ჩამობრძანდება. ღვთისმშობლის ხატს ზაჰესში მდებარე პანტანასას სახელობის დედათა მონასტერში დააბძანებენ. ამავე დღეს, 3 საათზე ჩატარდება პარაკლისი. (მსურველებს შეუძლიათ მივიდნენ შემდეგი ტრანსპორტით: დიდუბის მეტროდან N 87, საბურთალოდან N 11, ვაგზლიდან N148) .
კიკოსის ღვთისმშობლის სასწაულმოქმედი ხატის ასლი კვიპროსში მდებარე კიკოსის სახელობის მონასტერში დაიწერა. ამ ხატს შეწევნას სხთოვენ უშვილო წყვილებიც.
ხატის ისტორია კი ასეთია: გადმოცემის თანახმად, კიკოსის ღვთისმშობლის ხატი ლუკა მახარებელის მიერ არის დაწერილი. ქრისტეს ამაღლებიდან შვიდი წლის შემდეგ თავად ღვთისმშობლმა სთხოვა მისი დაწერა. ხატის მშვენიერებით აღტაცებულმა დედა ღვთისმშობელმა თქვა: "მადლი ჩემგან შობილისა ძისა იყოს ამ ხატზე!". ამ ხატმა თავისი სახელწოდება კვიპროსის ქალაქ კიკოსისაგან მიიღო. 980 წელს ქრისტიანთა დევნის გამო კიკოსის ხატი გადაიტანეს ცარგრადში. იმპერატორ ალექსანდრე I კომნინის დროს (1048—1118), ეს ხატი ერთ-ერთი ბერის ხილვის შედეგად კვიპროსზე დაბრუნდა. კვიპროსის მმართველი მანუილი ნადირობისას მთებში დაიკარგა და შემთხვევით ღირს ესაიას წააწყდა, რომელიც იქვე განდეგილად მოღვაწეობდა. ბერმა არ ისურვა რომ მისი ღვაწლის შესახებ ვინმეს გაეგო და გაიქცა , მანუილი დაედევნა და სასტიკად სცემა, რის გამოც სენი შეეყარა. ნაწამებ ღირს მამას ღმერთმა ამცნო, რომ მანუილი უნდა გამგზავრებულიყო კონსტანტინეპოლში იმპერატორ ალექსი კომინთან რათა დაებრუნებინა უკან ხატი. სანამ მანუილი ჩამოაბრძანებდა ხატს ღირს ბერს მანუილმა დაუტოვა სახსრები რათა მას აეშენებინა ხატისათვის შესაფერისი სამლოცველო. იმ დროს იმპერატორის ქალიშვილი ანა კომნინი (1083-1148) შეპყრობილი იყო იმავე სენით რომლითაც ავადმყოფობდა მანუილი. მაშინ მანუილი მიხვდა რა ღმერთის განგებას შესთავაზა დაებრუნებინა ხატი კვიპროსზე. მეფე დათანმხდა და ქალიშვილიც განიკურნა. ამის შემდეგ იმპერატორმა მოითხოვა სასწაულთმოქმედი ხატის ასლის დამზადება, რათა მისთვის დაეტოვებინა. კიკოსის ღვთისმშობლის ხატი. ხსენებაა 12/25 ნოემბერს. კიკოსის ღვთისმშობლის მადლი შეეწიოს სრულიად საქართველოს.
