მსუბუქი ნარკოტიკის მოხმარების ლეგალიზება ერთგვარი კბილის მოსინჯვაა...
მსუბუქი ნარკოტიკის მოხმარების ლეგალიზება ერთგვარი კბილის მოსინჯვაა...
ბათუმის წმინდა ბარბარეს სახელობის ტაძრის წინამძღვარი, დეკანოზი შიო პაიჭაძე:
-აგერ უკვე რამდენიმე ათეული წელია რაც ჩვენს ქვეყანაში სიკვდილით დასჯა აიკრძალა. ბოლოს თვითმფრინავის ბიჭები და ერთი უდანაშაულო მღვდელი დახვრიტეს კომუნისტებმა, ხოლო ამ ფაქტიდან ოთხი წლის შემდეგ გაუქმდა სიკვდილით დასჯა. საინტერესოა, მართლაც გაუქმდა თუ არა სიკვდილით დასჯა? იდეურად კი ის არ გაუქმებულა და არც გაუქმდება ქრისტეს გარეშე! დოსტოევსკი ამბობდა, რომც დამიმტკიცონ მათემატიკური სიზუსტით, ქრისტე არარსებობს, მე მაინც მას ავირჩევდიო!

ეს საკმაოდ დიდი თეოლოგიური სიტყვაა და ამას ადამიანი უნდა ჩაწვდეს, რადგანაც მათემატიკურად ორჯერ ორი ოთხია, მაგრამ უფლისთვის შეიძლება იყოს ექვსი და სხვა ციფრი, რომელსაც ჩვენ არ ვეთანხმებით. ქრისტიანობა კი სწორედ ამ ადამიანურ ლოგიკამდე არ დადის და იგი უფრო ზეკაცობრივია, რომელიც სულიერი ლოგიკით მარტივად აღიქმება თავად ადამიანისათვის. რამდენიმე თვის წინ ჩვენმა ხელისუფალმა და საკონსტიტუციო სასამართლომ სიკვდილით დასჯის განაჩენი გამოუტანა ქართველ ერს, განსაკუთრებით ახალგაზრდობას, რომელთა ფსიქიკა მეტად პლასტიურია და არასტაბილური.

მიიღეს მარიხუანას ლეგალიზების კანონი. ხშირად ადამიანებს ჰგონიათ, რომ მარიხუანა მსუბუქი ნარკოტიკია, მაგრამ მეცნიერული კვლევის შედეგად და ზოგადად დაკვირვების საფუძველზე ჩანს, რომ მარიხუანა ფსიქოტროპული სიმძაფრის ნარკოტიკია, რომელიც იწვევს სულიერ აშლილობებს, მენტალურ გადაგვარებას. ადამიანი ზოგადად არაადეკვატური ხდება. ადამიანური ბუნებით სჯულს, რომელსაც პავლე მოციქული სინდისს უწოდებს, აი ეს ერთმევა პიროვნებას. შეიძლება ითქვას, რომ ხდება პიროვნების რღვევა და მისი გადაგვარება.

ბათუმში რამდენიმე დღის წინ მარიხავანის მომხმარებელი ალისა და ნინოს ძეგლზე ავიდა და იქიდან გამოხატა პროტესტი, რომელიც არაადეკვატური იყო და ფაქტიურად დღესაც ვერ გაუგია სამართალდამცავებს, რა უნდოდა ამ ადამიანს? უბრალოდ ავიდა და დააფიქსირა მისი სრული შეშლილობა. ჩვენ გვეცოდება ეს ადამიანი, ის საჭიროებს დახმარებას,მაგრამ სულ ცოტა ხანში მთელი ერის დიდი ნაწილი ამ მძიმე მდგომარეობაში აღმოჩნდება. მას შემდეგ განსაკუთრებულად, როცა ეს საშინელი მოღალატეობრივი ქმედება ჩაიდინა საკონსტიტუციო სასამართლომ ხდება ახალგაზრდების სიკვდილიანობა.

ახალგაზრდობა მძიმე მდგომარეობაშია. ქუჩებში, ნებისმიერ ადგილას ნახავთ მარიხუანის ზემოქმედების ქვეშ მყოფ ბავშვებს, მოზარდებს. არ არსებობს ადგილი, სადაც განსაზღვრული იქნება ამ საშინელების გამოყენება. იქნებ დაფიქრდეთ! თქვენ, ხელისუფალნო და მოსამართლენო! ერის მოღალატეები გამოდიხართ და სხვა არაფერი. მერწმუნეთ, რომ საქართველოში არაოფიციალური სიკვდილით დასჯა ამოქმედდა და ერი დაკარგავს თავის იდენტობასა და პირადულ გამოცდილებას.

რას ნიშნავს ნაციზმი და რა არის ეს? ჩვენ ვიცით ამ ძიმე იდეოლოგიამ როგორ მიგვიყვანა დაღუპვამდე. ვერ ნახავთ საქართველოში ოჯახს სადაც არ იყოს გარდაცვლილი წინაპარი ორი ან სამი. აი მსგავსი ნაცისტური ქმედებაა ეს კანონი ლიბერალიზმის ქურქით. ფიცი მწამს და ბოლო მაკვირვებს. გირჩს მიეცა საშუალება ეკლესია ჩამოეყალიბებინა და მარიხუანის მოხმარების ლეგალიზებაში უდიდესი წვლილი მიეღო. ახალგაზრდებში ჩაკლა პატრიოტიზმის გრძნობა და აგერ უკვე ათიათასობით ახალგაზრდა სამხედრო სამსახურს გაემიჯნა. ამას ხელისუფლება ძალიან ზედაპირულად უყურებს! ისმის კითხვა, ხვალ ჩვენს ქვეყანას რომ დაემუქროს გარეშე ძალა ომითა და ოკუპაციით, ვინდაიცავს მას? ამაზე არ ფიქრობთ? თუ გინდათ, რომ პირდაპირ მტერს ჩაგვაბაროთ? იქნებ დაფიქრდეთ და სირაქლემას პოზიციიდან გამოხვიდეთ.

სულ ცოტა ხანში მძიმე ნარკოტიკის ლეგალიზებასაც მოახდენენ. ეგრეთ წოდებული მსუბუქი ნარკოტიკის მოხმარების ლეგალიზება ერთგვარი კბილის მოსინჯვა იყო ჩვენი საზოგადოებისთვის, რამდენად მძაფრი იქნებოდა რეაქცია ამასთან დაკავშირებით, მაგრამ ამაოდ! ჩატარდა გამოსვლები, მიტინგები და შეიძლება ითქვას, რომ საზოგადოებამ განიტვირთა და უარყოფითი ენერგია გამოუშვა, როგორც იტყვიან კვამლი გამოუშვა ნერვებიდან და ამის შემდეგ დაიშალა და გაჩუმდა. ეს ნამდვილად ასეა! მერწმუნეთ, რომ ეს ნარკოდამოკიდებული თაობა გახდება კრიმინალი, რადგანაც ეს ნარკოტიკული თრობის გაგრძელებაა. ყველას სახლში შევა და მოგვაკითახავს დაღუპული თაობა, როგორც საშინელებათა ფილმებშია, ზომბების ჯგუფური გადაადგილება.

ეს ყველას უნახავს, მაგრამ იქნებ ნახოთ, რომ არსებობს ნარკოტიკი ზომბი, რომელიც ადამიანს ცოცხალ ლეშად აქცევს. აი ეს არის სწორედ მარიხუანა, რომელიც ქიმიურად დამუშავებული შემოდის ჩვენს ქვეყანაში და რამდენად უცნაურიც არ უნდა იყოს, მისი გამოწერა ინტერენტითაც ხდება.  

ეს სიმართლე და მწარე რეალობაა. გამოსავალის ძიება და მასზე მსჯელობა უკვე ამაოა, რადგანაც საკონსტიტუციო სასამართლო, როცა ღებულობს გადაწყვეტილებას, იქ გასაჩივრება უკვე აღარ არსებობს. ამიტომაც გაიხარე ერო წამებულო! ილიას ერი ემსგავსება მკვდარი თევზების მდინარე, რომელიც მიედინება იქ, სადაც მიწიერი ჯოჯოხეთიც ჰქვია. მკვდარ თევზს არ აქვს იმის სასიცოცხლო უნარი, რომ მდინარის საპირისპიროდ იცუროს და მოიძიოს უფრო წმინდა და მტკნარი წყალი სადაც ბედნიერად იგრძნობს თავს. არსებობს სულიერი სიკვდილი და ასევე ხორციელიც. დღეს ჩვენ ეს ორივე ერთად გვჭირს. ეკლესია ყოველთვის ხმამაღლა ამბობს თავის სიტყვას, მაგრამ ამაოდ ამ უდაბნოში უკვე არავის აღარ ესმის, რადგანაც უდაბნოს გამოცდა ჩვენმა ერმა ვერ ჩააბარა. ვითხოვ შენდობას მარად თქვენთვის მლოცველი უღირსი მღვდელი.
ბეჭდვაელფოსტა
20.09. 2018
დავითი
ასე გაგრძელება აღარ შეიძლება, მოსამართლეებიც და "გირჩიც" მთლიანად პასუხისგებაში არიან მისაცემნი ქვეყნის ღალატისათვის. სხვა გამოსავალი აღარ არსებობს. ხალხი სამსახურებზეა მიჯაჭული, ხმის ამომღები და რეალური შემშინებელი ხელისუფლებისა აღარ არსებობს. ეკლესიას დიდი ხანია აღარ უსმენენ, ეშმაკს ჩაუდგნენ სამსახურში. ტელევიზიები და ზოგადად პრესა ჩასაფრებულია ქვეყნისა და ხალხი წინააღმდეგ, აბუჩად ყავთ აგდებული ქართველი ხალხი. ლოცვა უნდა გავაძლიეროთ და უფალს შევთხოვოთ გამოგვიყვანოს ამ რთული სიტუაციიდან და საკადრისი პასუხი მივაგოთ ქვეყნის მტრებს! უფალო მოგვეცი ძალა!
სხვა სიახლეები
28.11.2019
"კარიბჭის" მკითხველმა უკვე იცის, რომ ჩვენი ჟურნალის სარედაქციო ჯგუფი გამომცემლობა "პალიტრა ლ"-თან ერთად ამზადებს წიგნების სერიას "ბიბლია განმარტებებით".
19.11.2019
9 ნოემბერს სრულიად საქართველოს კათოლიკოს-პატრიარქმა, უწმინდესმა და უნეტრესმა ილია II-მ
12.11.2019
ბოლო დროს ზოგიერთი საინფორმაციო საშუალების მიერ მიტროპოლიტ იოანეს (გამრეკელი) გარშემო ატეხილ
08.11.2019
უნეტარესმა ალექსანდრიისა და სრულიად აფრიკის პაპმა და პატრიარქმა თეოდორე მეორემ
08.11.2019
ღვთის სადიდებლად, საქართველოს ერთიანობისთვის სალოცავად, სოფლის ეკლესიურად მოსაქცევად,
06.11.2019
ხატმწერი ირაკლი ლიჩელი სოციალურ ქსელში ასეთ პოსტს აქვეყნებს:

"7 წელი გავატარე სასულიერო აკადემიის კედლებში,
04.11.2019
იწყება 61-ე ეტაპი ახალდაბადებული მესამე და შემდგომი ბავშვის სრულიად საქართველოს კათოლიკოს-პატრიარქ ილია II-ის მიერ მონათვლისა.
31.10.2019
მისმა უწმინდესობამ ისაუბრა წმინდა სინოდის მღვდელმთავართა პასუხისმგებლობის შესახებ, ღვთისა და მამულის წინაშე. მან ბრძანა:
31.10.2019
წმინდა სინოდის სხდომა ჩატარდა თბილისის საპატრიარქო რეზიდენციაში.
29.10.2019
31 ოქტომბერს წმინდა სინოდის სხდომა გაიმართევბა. სინოდის სხდომა 12:00 საათზე ჩაინიშნა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
ჟურნალი
ჟურნალის ბოლო ნომრები:
რომის ურჯულო იმპერატორ მაქსიმიანეს ზეობისას ალექსანდრიაში ცხოვრობდა ერთი ქალწული, სახელად ეკატერინე. წარმოშობით ბერძენი გახლდათ, სამეფო გვარის ჩამომავალი.