საკონსტიტუციო სასამართლომ ეკლესია-ტაძრების მშენებლობისას დღგ-სგან მხოლოდ საპატრიარქოს გათავისუფლების მუხლი არაკონსტიტუციურად სცნო
 საკონსტიტუციო სასამართლომ ეკლესია-ტაძრების მშენებლობისას დღგ-სგან მხოლოდ საპატრიარქოს გათავისუფლების მუხლი არაკონსტიტუციურად სცნო
საქართველოს საკონსტიტუციო სასამართლომ, ეკლესია-ტაძრების მშენებლობისას დღგ-სგან მხოლოდ საპატრიარქოს გათავისუფლების მუხლი არაკონსტიტუციურად სცნო.
საკონსტიტუციო სასამართლომ მიიჩნია, რომ კონსტიტუციური სარჩელი №671 (სსიპ "საქართველოს ევანგელურ-ბაპტისტური ეკლესია", ააიპ "საქართველოს სიცოცხლის სიტყვის ეკლესია", სსიპ "ქრისტეს ეკლესია", სსიპ "საქართველოს სახარების რწმენის ეკლესია", ააიპ "მეშვიდე დღის ქრისტიან-ადვენტისტთა ეკლესიის ტრანსკავკასიური იუნიონი", სსიპ "ლათინ კათოლიკეთა კავკასიის სამოციქულო ადმინისტრაცია", ააიპ "ქართველ მუსლიმთა კავშირი", სსიპ "წმინდა სამების ეკლესია" საქართველოს პარლამენტის წინააღმდეგ) დაკმაყოფილდეს და საქართველოს კონსტიტუციის მე-14 მუხლთან მიმართებით არაკონსტიტუციურად იქნეს ცნობილი საქართველოს საგადასახადო კოდექსის 168-ე მუხლის მე-2 ნაწილის "ბ" ქვეპუნქტის სიტყვების "საქართველოს საპატრიარქოს დაკვეთით" ის ნორმატიული შინაარსი, რომელიც ჩათვლის უფლების გარეშე დღგ-ისგან ათავისუფლებს მხოლოდ საქართველოს საპატრიარქოს დაკვეთით გაწეულ ტაძრებისა და ეკლესიების მშენებლობის, რესტავრაციისა და მოხატვის მომსახურებას.

კერძოდ, სასამართლოს განმარტებით, არაკონსტიტუციური ნორმა ძალადაკარგულად იქნეს ცნობილი 2018 წლის 31 დეკემბრიდან.
გადაწყვეტილება ძალაშია საკონსტიტუციო სასამართლოს ვებგვერდზე გამოქვეყნების მომენტიდან. გადაწყვეტილება საბოლოოა და გასაჩივრებას ან გადასინჯვას არ ექვემდებარება.

მოსარჩელე მხარე აცხადებდა, რომ საქართველოს საგადასახადო კოდექსის 168-ე მუხლის მე-2 ნაწილის "ბ" ქვეპუნქტი ჩათვლის უფლების გარეშე დღგ-ის გადახდისგან ათავისუფლებს საპატრიარქოს დაკვეთით ტაძრებისა და ეკლესიების მშენებლობას, რესტავრაციასა და მოხატვას. აქედან გამომდინარე, სადავო ნორმა უპირატეს მდგომარეობაში აყენებს საქართველოს საპატრიარქოს და უქმნის მომსახურების უფრო ხელსაყრელი პირობებით შეძენის შესაძლებლობას. გარდა ამისა, მათივე განმარტებით, საქართველოს საგადასახადო კოდექსი შეღავათს მხოლოდ მართლმადიდებელ ეკლესიასთან მიმართებით ან მის სასარგებლოდ აწესებს.

მოსარჩელე მხარე ასევე მიიჩნევდა, რომ საქართველოს საპატრიარქო და მოსარჩელე რელიგიური ორგანიზაციები წარმოადგენენ არსებითად თანასწორ პირებს, ხოლო სადავო ნორმა მათ არ აძლევს იმავე სახის საგადასახადო შეღავათით სარგებლობის შესაძლებლობას, როგორიც გააჩნია საპატრიარქოს. მოსარჩელეთა აზრით, ამგვარი მოწესრიგება წარმოადგენს დისკრიმინაციას რელიგიური ნიშნით და სადავო ნორმის კონსტიტუციურობაზე მსჯელობისას საქართველოს საკონსტიტუციო სასამართლომ უნდა იხელმძღვანელოს მკაცრი შეფასების ტესტით.

ამასთან, სადავო ნორმა საქართველოს საპატრიარქოს უწესებს საგადასახადო შეღავათს მაშინაც კი, თუ შესასრულებელი სამუშაო არ შეეხება კულტურული მემკვიდრეობის ძეგლებს, მაგალითად, ახლი ეკლესიის აშენება ან/და მისი მოხატვა და ა.შ. სადავო ნორმის უმთავრესი მიზანი საქართველოს საპატრიარქოსთვის, როგორც კონკრეტული რელიგიის წარმომადგენლისთვის, უპირატესი მდგომარეობის შექმნაა, რაც ეწინააღმდეგება სამართლებრივი სახელმწიფოს პრინციპს.
აქედან გამომდინარე, მოსარჩელე მხარე მიიჩნევდა, რომ სადავო ნორმები იწვევდა დისკრიმინაციას რელიგიური ნიშნით და მის არაკონსტიტუციურად ცნობას ითხოვდა.

საკონსტიტუციო სასამართლოს გადაწყვეტილება, რომელიც მოსამართლეებმა მერაბ ტურავამ, ევა გოცირიძემ, გიორგი კვერენჩხილაძემ და მაია კოპალეიშვილმა მიიღეს, საქართველოს პრეზიდენტს, საქართველოს უზენაეს სასამართლოს და საქართველოს მთავრობას გაეგზავნება.
ბეჭდვაელფოსტა
06.07. 2018
თენგო
ვინმემ აუხსენით ამ უცოდინარ მოსამართლეებს რატომ გააფორმა საქართველოს სახელმწიფომ მართლმადიდებლურ ეკლესიასთან საკონსტიტუციო შეთანხმება ,რას ითვალისწინებს ის და ,რომ ის უკვე ჩვენი კონსტიტუციის განუყოფელი ნაწილია!
05.07. 2018
კობა
მერაბ ტურავა, ევა გოცირიძე, გიორგი კვერენჩხილაძე მაია კოპალეიშვილი საქართველოს სირცხვილი!!! თქვენ შთამომავლობას შერცხვება თქვენი სახელის ხსენება!!
05.07. 2018
სიმართლე
ევა გოცირიზე გიორგი კვერენჩხილაძე მაია კოპალეიშვილი შეემატა ლეგიონს!! ევა გოცირიძეხიდაშელმა დანიშნ და აბა ვის დაუწყებდა ბრზოლას საერთოდარ გამიკვირდა
05.07. 2018
ეს ჟურნალია
ევა გოცირიძე რომ იქნებოდა ამას გული მიგრძნობდა.. ვინ არის ეხლა ამაზე პასუხისმგებელი ხომ გვეუბნევოდი ბესელია ეს არაფერს არ წყვეტავსო ხომ ამბობდით და გაეცით პასუხი ეხლა!!
სხვა სიახლეები
18.11.2018
"კარიბჭე" უკვე გატყობინებდათ, რომ ანჩისხატის ეკლესიაში დაბრუნების ინიციატორებმა სასულიერო პირებთან ერთად, ხატის დაბრუნების თაობაზე სამი კონფერენცია გამართეს.
16.11.2018
იტალიის ესპისკოპოსთა კონფერენციის გენერალურმა ასამბლეამ დაამტკიცა ცვლილება „მამაო ჩვენოს“ (“PADRE NOSTRO”) თარგმანში – ამის შესახებ საინფორმაციო სააგენტო ASKANEWS-ი წერს.
26.10.2018
საქართველოს საპატრიარქოს ადმინისტრაციაში ცვლილებაა:
12.10.2018
12 ოქტომბერს, წმინდა სიდონიას დედისა და სვეტიცხოვლობისადმი მიძღვნილი
04.10.2018
სერიის "მეგზური სიკეთის სამყაროში" მერვე წიგნი ბოლო საუკუნეებსა და ჩვენს დროში მცხოვრებ ქართველ წმინდანთა მოღვაწეობის შესახებ
03.10.2018
საპატრიარქოში სასულიერო სემინარიის დაარსებიდან 30 წლის საიუბილეო ღონისძიება გაიმართა. აღნიშნულ ღონისძიებას პრემიერ-მიმისტრი მამუკა ბახტაძე
01.10.2018
ამ ეტაპზე აუცილებელია წინასწარი შეფასებებისაგან თავის შეკავება, ვიდრე არ დაფიქსირდება კანონიკური სამართლის ნორმებზე დაფუძნებული
01.10.2018
გამოვთქვამთ ჩვენს დიდ სიხარულს და მადლიერებას, რომ ჩამობრძანდით საქართველოში და ჩამოგვიტანეთ მადლი იმ წმინდა ადგილებიდან,
28.09.2018
29 სექტემბერს 17:00 სთ-ზე ეროვნულ სამეცნიერო ბიბლიოთეკაში გაიმართება ბუბა კუდავას საჯარო ლექცია თემაზე "ტაო-კლარჯეთი (რომ არა ექვთიმე თაყაიშვილი...)"
28.09.2018
მეგობრებო, კიდევ ერთხელ უნდა გთხოვოთ გულისხმიერება და გვერდში დგომა. ამჯერად "კარიბჭის" ჟურნალისტის - ამირან-ლაზარე სინაურიძისთვის,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
მართლმადიდებლური ეკლესია 13 ნოემბერს ასი ათასი მოწამის ხსენების დღეს აღნიშნავს.