3 ივნისს, ყოველთა წმიდათა კვირიაკეს, ზაჰესში მდებარე "პანტანასას" ღვთისმშობლის სახელობის დედათა მონასტერში საღამოს 4 საათიდან 7 საათამდე გამობრძანებული იქნება სხვადასხვა წმინდა ადგილებიდან ჩამობრძანებული სიწმინდეები, რომლის მოლოცვა ყველა მსურველს შეუძლია.
შეგახსენებთ, რომ უწმინდესისა და ავჭალის წმინდა ქეთევან წამებულის სახელობის ტაძრის წინამძღვრის, დეკანოზ გიორგი რაზმაძის ლოცვა-კურთხევით, ზაჰესში, მთის წვერზე დაფუძნდა ყოვლადწმიდა ღვთისმშობლის "ყოველთა დედოფლის - პანტანასას" სახელობის დედათა მონასტერი. "ყოველთა დედოფალი-პანტანასა" ცნობილია როგორც ონკოლოგიურად დაავადებულთა შემწე.

(მონასტერში მისვლა შეგიძლიათ დიდუბის მეტროდან N87 სამარშრუტო ტაქსით. ბოლო გაჩერებაა. სარაჯიშვილის მეტროდან N48 სამარშრუტო ტაქსით.)