დეკანოზი მიქაელ ბოტკოველი - ზოგიერთმა მედიასაშუალებამ პატრიარქის განცხადების არასწორი ინტერპრეტირება მოახდინა
 დეკანოზი მიქაელ ბოტკოველი - ზოგიერთმა მედიასაშუალებამ პატრიარქის განცხადების არასწორი ინტერპრეტირება მოახდინა
პატრიარქის მდივნის, დეკანოზ მიქაელ ბოტკოველის განცხადებით, ზოგიერთმა მედიასაშუალებამ პატრიარქის განცხადების არასწორი ინტერპრეტირება მოახდინა.

როგორც "ინტერპრესნიუსს" პატრიარქის მდივანმა, დეკანოზმა მიქაელ ბოტკოველმა განუცხადა, სრულიად საქართველოს კათოლიკოს–პატრიარქი, უწმინდესი და უნეტარესი ილია მეორე 8 მარტს, საპატრიარქოში, მცხეთა-თბილისის სამღვდელოებასთან და ფსიქოლოგებთან გამართულ შეხვედრაზე საუბრობდა "არა მარტო საქართველოში არსებულ ვითარებაზე, არამედ უწმინდესი გულისხმობდა, ზოგადად, მსოფლიოში მიმდინარე გლობალიზაციისა და ინტეგრაციის პროცესებს, რასაც ხელს უწყობს ინფორმაციის გავრცელების მაღალი დონე".

"გასულ ხუთშაბათს საპატრიარქოში მცხეთა-თბილისის სამღვდელოებასთან და ფსიქოლოგებთან გამართულ შეხვედრაზე მისი უწმინდესობა საუბრობდა მეორედ მოსვლისთვის დამახასიათებელ თავისებურებებზე. დღეს ბევრი ცნობილი ღვთისმეტყველი საუბრობს საყოველთაო აპოსტასიის (ღვთისაგან განდგომილების) შესახებ, რომ მსოფლიოში მიმდინარე გლობალიზაცისა და ინტეგრაციული პროცესები ისეთი არაპროგნოზირებადია, როგორიც არასდროს ყოფილა და ეს ყველაფერი ძალიან კარგად ჩანს ქრისტიანული ესქატოლოგიის (მოძღვრება სამყაროს აღსასრულზე) ფონზე. ამ საკითხებთან დაკავშირებით საუბრობდა მისი უწმინდესობა. სამწუხაროდ, ზოგიერთმა მედიასაშუალებამ აღნიშნული საკითხის ინტერპრეტირება მხოლოდ საქართველოში მიმდინარე პროცესებს დაუკავშირა, რაც არასწორი გახლავთ", – განაცხადა მამა მიქაელმა.

"მე ხანდახან ისეთი აზრიც კი მებადება, რომ აღარ ეშველება ქვეყანას. ეს ჰგავს დაგორებულ ლოდს, ქვას, აი, მთიდან რომ დაგორდება და ვეღარ გააჩერებ, აი, ამას ჰგავს დღევანდელი მდგომარეობა," - განაცხადა პატრიარქმა საპატრიარქოში 8 მარტს მცხეთა–თბილისის სამღვდელოებასთან და ფსიქოლოგებთან გამართულ შეხვედრაზე.
ბეჭდვაელფოსტა
14.03. 2018
წწწწწწწწ
ეს ადამიანი ბოტკოველი ან იტყუება ან ნატქვამიდან დასკვნა ვერ გამოაქვს ,ეხლა მოუისმინე პატრიარქს და საქართველოზე ლაპარალობს.ეგ იცის ინტრიგებში თავის გაყოფამ,უსამართლობის გაპრავებამ,რომელიც გონებას ბინდავს და ღვთის მადლს განაშორებს..თუ ვინმე გილშემატკივარი კითხულობს ,ბოტკოველს ურჩიოს საპატრიარქოს ინტრიგებში მონაწილეობას თავი გაანებოს და წმინდა მამები იკითხოს,დაკავდეს იესოს ლოცვით და წმ.მამების კითხვით.შორენესთან საუბარს ღმერთთან საუბარი,ლოცვა და ღვთის მადლი არ ჯობს?
13.03. 2018
მედეა
გაკვირვებული ვიყავი ეკლესიის მსახური ასე პესიმისტურ წინადადებას როგორ იტყოდა? აი, თურმე რაში ყოფილა საქმე. ჟურნალისტები გვყავს განგებ რომ გვიხეთქავენ გულს, ნეტავი რა სიამოვნებას ნახულობენ? სასოწარკვეთაში ჩავარდნა ხომ ცოდვაა, არაფერი სასოწარსაკვეთი ჩვენ არ გვჭირს, ჩამოეცალეთ, თავი დაანებეთ, ხელს ნუ უშლით თქვენსავე სამშობლოს.
13.03. 2018
კიკოლა
უკვე მართლა ყელში ამოვიდა თქვენი ტყუილები. პატრიარქმა რა თქვა და როგორაც თქვა, ყველამ კარგად გაიგო. არა ბიჭო, თურმე იაპონიას და მალაიზიასაც გულისხმობდა, როცა ეს ცნობილი ფრაზა თქვა!! გეყოთ რა!!!!!
სხვა სიახლეები
17.01.2019
"ახლა დამთავრდა ნეიროქირურგიული ოპერაცია იმ პაციენტთან, სადაც ჯანმრთელობის მდგომარეობა შედარებით მძიმე იყო. მისი მდგომარეობა სიცოცხლისთვის საშიშად არ ფასდება", -
17.01.2019
საქართველოს პრემიერ-მინისტრის გადაწყვეტილებით, თბილისში, ბუნებრივი აირის გაჟონვის შედეგად დატრიალებული ტრაგედიის გამო, 17 იანვარი გლოვის დღედ გამოცხადდა.
17.01.2019
დიდ დი­ღომ­ში აფეთ­ქე­ბის შე­დე­გად და­შა­ვე­ბუ­ლი მცი­რე­წლო­ვა­ნი გო­გო­ნას მდგომარეობა, რომ­ლის ფო­ტომ "ფე­ის­ბუ­ქი" შეძ­რა, მძიმეა, მისი 4 წლის ძმა კი გარდაიცვალა. ამის შესახებ ინფორმაციას ამბები.გე ავრცელებს.
16.01.2019
როგორც ცნობილია, ჯვრის მონასტერთან დაკავშირებით ამჟამად შექმნილი ვითარება გარე-მოვაჭრეების საქმიანობის მოწესრიგებისათვის
15.01.2019
ჯვრის მონასტრის დაკეტვის მიზეზების განსამარტად ჯვრის მონასტრის საძმო განცხადებას ავრცელებს.
15.01.2019
კიევ-პეჩერის ლავრის სამონასტრო კომპლექსის ტერიტორიაზე ხანძარია. არსებული ინფორმაციით, ცეცხლი სამონასტრო კომპლექსის
14.01.2019
15 იანვარს 18.00 საათზე სიონის საკათედრო ტაძარში, მცხეთა-თბილისის სამღვდელოება მრევლთან ერთად
14.01.2019
საპატრიარქოს პრესსამსახურის ხელმძღვანელის, დეკანოზ ანდრია ჯაღმაიძის განცხადებით,
14.01.2019
დღეს უწინდესმა და უნეტარესმა სრულიად საქართველოს კათოლიკოს პატრიარქმა, მარნეულისა და ჰუჯაბის ეპარქიის სამღვდელოება დააჯილდოვა:
11.01.2019
გულდასმით წავიკითხე უკრაინის ეკლესიის ავტოკეფალიის მინიჭების ტომოსი და შევადარე იგი საქართველოს ეკლესიის ავტოკეფალიის ცნობის(!)
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
წმინდა ბასილი დიდი
14 იანვარს (ძველი სტილით - 1-ლი იანვარი) ქრისტიანული ეკლესია წმინდა ბასილი დიდის ხსენებას აღნიშნავს.