ოც კაცზე მეტი ურტყამდაო თქვენ გმირსო, გადმოგვცეს შენი გულადობით გაკვირვებულებმა ქალაქ ცხინვალიდან
ოც კაცზე მეტი ურტყამდაო თქვენ გმირსო, გადმოგვცეს შენი გულადობით გაკვირვებულებმა ქალაქ ცხინვალიდან
გვაპატიე ძმაო ზვიადაურივით მარტო რომ დაგტოვეთ პირისპირ აურაცხელ მტერთან - ოც კაცზე მეტი ურტყამდაო თქვენ გმირსო, გადმოგვცეს შენი გულადობით გაკვირვებულებმა ქალაქ ცხინვალიდან. ვინ იცის, როგორ გიჭირდა მაგრამ შენ ხომ არასდროს დაგიკვნესია, არასდროს დაგიწუწუნია, არასდროს დაგიხევია უკან.

მუდამ საუკეთესო იყავი ბრძოლის წინა ხაზზე თუ ყოველდღიურ ყოფაში, ყველას შენი იმედი ჰქონა, ყველასთვის გყოფნიდა სითბო და ენერგია.

გუშინ გაქვავებულმა ბებიაშენმა მხოლოდ ერთი სიტყვით დაგატირა: ,,აჩიკო შვილო ვინ მოგერიაო" მძიმე ჟამს ამაზე მეტი გმირობა რა გინდა მანდილოსნისგან რომ გაიგო.

ყველამ იცის რომ ქსნის ხეობაში ყველაზე საუკეთესო მებრძოლებს შენს სოფელში-ყანჩავეთში ზრდიდნენ, მადლობა აჩი შენს სოფელს, შენს მშობლებსა და ოჯახის წევრებს შენი სახით ასეთი ლომი რომ გაუზარდეს სამშობლოს!
რას ვიზამთ, ესეც ბედი ყოფილა, მაგარ ქვეყანაში ცუდ დროს დაბადება...
როგორ მინდა რომ შენ სიკვდილში ქართველის ხელი არ ერიოს...

როგორ მინდა შენი დაღვრილი სისხლი ოკუპირებულ საქართველოში ბოლო იყოს...
გვაპატიე რომ შენს საფიცარ საქართველოში ვიღაც აზერბაიჯანელი მუხთალი უფრო ეძვირფასებათ ვიდრე შენ - მამულისათვის ზვარაკად შეწირული ხარი...

გვაპატიე სხვადასხვა ვაი პოლიტიკოსებსა თუ პოლიტიკურ ძალებს რომ მივეცით საშუალება შენი უბედურებით პოლიტიკური დივიდენდების ჩაწერის...
გვაპატიე შენ ხეობელებს, ეს დუმილიც გვაპატიე, ჩვენი ხმაურით რომ გვეშინია შენი ნაწამები სხეულის ოჯახისათვის ცხინვალიდან გადმოცემას რაიმე პრობლემა რომ არ შევუქმნათ...

გვაპატიე რომ ჩვენი გაუბედურებული ცხოვრებისა თუ ყოველდღიური ყოფითი პრობლემების გამო ვერ დაგაფასეთ, ვერ მოგიფრთხილდით, სათანადოდ ვერ მოგიარეთ.

ბოლოს რომ გნახე, გითხარი : ,,რათ გინდა რომ რისკავ, რამე შარში არ გაეხვე მეთქი"" და ,, მეც ეგ მინდა, ნეტა რამე მითხრანო"- ისე მიპასუხე გულში სიამაყისგან ცრემლები ჩამეღვარა, ვიცი ძმაო რომ შენც ეგ გინდოდა, ეგეთ სიკვდილს ნატრობდი და აგისრულდა კიდეც, ვალმოხდილი შეუერთდი ქართველთა ზეციურ მხედრობას !

ალალი იქნება შენს გულზე დაყრილი ქართული მიწა, გჯეროდეს, შენს მეგობრებს უკანასკნელ ამოქშენამდე , სანამ ბოლო წვეთი სისხლი გვიდუღს ძარღვში, (ყველანაირი მეთოდებით) ვიბრძოლებთ საქართველოს გაერთიანებისათვის !
შენ სიცოცხლეშიც გმირი იყავი და სიკვდილიც გმირული გერგო - ახლა ჩვენი ჯერია !

ლევან შერმადინი
ბეჭდვაელფოსტა
15.03. 2018
ზიზი
რაც მოუვიდათ კუბას და გასაბჭოებულ კორეას, ჯერ კიდევ რომ ვერ გამოფხიზლებულან და წითელ დროშებს აფრიალებენ იგივე დაგემართებათ ოსებო და აფხაზებო. ვერავინ და არავინ აღარ შეგიკედლებთ, როგორც საქართველომ ერთდროს შეგიცოდათ და შეგიფარათ, მაგრამ რით გადაუხადეთ გამყიდველებო.
11.03. 2018
მარიამი
ღმერთმა დაუმკვიდროს სასუფეველი. რა კარგი იქნებოდა,რომ ყველა ერი დასჯერდეს ღვთისაგან მისთვის ბოძებულ სამკვიდრებელს. ღმერთმა შექმნა ერები და ეროვნებები,ყველას თავისი ენა და სამკვიდრებელი მისცა,თავის შექმნილს თითონვე გააუქმებს მეორედ მოსვლის შემდეგ,როდესაც კეთილი ადამიანებისაგან შეიქმნება ერთი ერი და ერთი სამწყსო და მთავრობა იქნება თავად უფალი–მწყემსი კეთილი.მანამდე კი ყველა დაჯერდეს ღვთისაგან მისთვის ბოძებულს და ერებს ქონდეთ ერთმანეთთან კეთილმეზობლური დამოკიდებულება.
10.03. 2018
ფეოლა
ოსებო, რუსეთი საკუთარ ბოღმაში ჩაიხრჩობა მალე და მერე აღარსად არ დაგედგომებათ, იმდენი სიბინძურე გაქვთ გაკეთებული წითელი ურდოს საამებლად.
სხვა სიახლეები
18.11.2018
"კარიბჭე" უკვე გატყობინებდათ, რომ ანჩისხატის ეკლესიაში დაბრუნების ინიციატორებმა სასულიერო პირებთან ერთად, ხატის დაბრუნების თაობაზე სამი კონფერენცია გამართეს.
16.11.2018
იტალიის ესპისკოპოსთა კონფერენციის გენერალურმა ასამბლეამ დაამტკიცა ცვლილება „მამაო ჩვენოს“ (“PADRE NOSTRO”) თარგმანში – ამის შესახებ საინფორმაციო სააგენტო ASKANEWS-ი წერს.
26.10.2018
საქართველოს საპატრიარქოს ადმინისტრაციაში ცვლილებაა:
12.10.2018
12 ოქტომბერს, წმინდა სიდონიას დედისა და სვეტიცხოვლობისადმი მიძღვნილი
04.10.2018
სერიის "მეგზური სიკეთის სამყაროში" მერვე წიგნი ბოლო საუკუნეებსა და ჩვენს დროში მცხოვრებ ქართველ წმინდანთა მოღვაწეობის შესახებ
03.10.2018
საპატრიარქოში სასულიერო სემინარიის დაარსებიდან 30 წლის საიუბილეო ღონისძიება გაიმართა. აღნიშნულ ღონისძიებას პრემიერ-მიმისტრი მამუკა ბახტაძე
01.10.2018
ამ ეტაპზე აუცილებელია წინასწარი შეფასებებისაგან თავის შეკავება, ვიდრე არ დაფიქსირდება კანონიკური სამართლის ნორმებზე დაფუძნებული
01.10.2018
გამოვთქვამთ ჩვენს დიდ სიხარულს და მადლიერებას, რომ ჩამობრძანდით საქართველოში და ჩამოგვიტანეთ მადლი იმ წმინდა ადგილებიდან,
28.09.2018
29 სექტემბერს 17:00 სთ-ზე ეროვნულ სამეცნიერო ბიბლიოთეკაში გაიმართება ბუბა კუდავას საჯარო ლექცია თემაზე "ტაო-კლარჯეთი (რომ არა ექვთიმე თაყაიშვილი...)"
28.09.2018
მეგობრებო, კიდევ ერთხელ უნდა გთხოვოთ გულისხმიერება და გვერდში დგომა. ამჯერად "კარიბჭის" ჟურნალისტის - ამირან-ლაზარე სინაურიძისთვის,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
მართლმადიდებლური ეკლესია 13 ნოემბერს ასი ათასი მოწამის ხსენების დღეს აღნიშნავს.