მეუფე გრიგოლი - ჟურნალისტს - დეკანოზ მამალაძეზე: "თქვენ იმის გაგება გინდათ, რაც ჯობდა მეც არ გამეგო".
მეუფე გრიგოლი - ჟურნალისტს - დეკანოზ მამალაძეზე: "თქვენ იმის გაგება გინდათ, რაც ჯობდა მეც არ გამეგო".
ვერ გეტყვით ვინ რისი ჩამდენია, მაგრამ რა აზრიც გამომაქვს, რა ვარაუდებიც ჩნდება, დეკანოზი გიორგი მამალაძე მსხვერპლია. ის გარემოებათა მსხვერპლია, – ამის შესახებ ჟურნალისტებს ე.წ.მატროსოვის ციხესთან ფოთისა და ხობის მიტროპოლიტმა გრიგოლმა განუცხადა, რომელიც მამა კახაბერ გოგოტიშვილთან ერთად, დღეს, მსჯავრდებულ გიორგი მამალაძეს შეხვდა.

მათ ისაუბრეს ე.წ. ციანიდის საქმეზე. თუმცა, კონკრეტულ თემები მღვდელმთავარს არ დაუკონკრეტებია. მანვე აღნიშნა, რომ დეკანოზ გიორგი მამალაძეს საზოგადოებისთვის რაიმე სახის გზავნილი მისთვის არ დაუბარებია. "თუმცა, მისი ერთადერთი თხოვნაა, რომ "ციანიდის საქმეზე" სიმართლე დადგინდეს".

"ბუნებრივია, რომ სურვილი გამიჩნდა შევხვედროდი და პირადად მომესმინა მისგან ის, რისი თქმაც სურს. მეორე: – კიდევ უფრო მნიშვნელოვანია პატიმრის მონახულება. ეს ძალიან კეთილი საქმეა. რაც შეეხება საუბრის თემას, ეს სასულიერო პირსა და მორწმუნე ადამიანს შორის საუბარია, რომელიც დაცულია და პირადად მას რაიმე განცხადების გაკეთება არ უთხოვია. შესაბამისად, იმ საუბრის გამჟღავნება, რომელიც ჩვენს შორის შედგა, რა თქმა უნდა, ყოვლად დაუშვებელია", – განაცხადა მეუფე გრიგოლმა.

რაც შეეხება კითხვას, განიხილებოდა თუ არა შეხვედრაზე ზიარების საკითხი, მეუფე გრიგოლის განმარტებით, დეკანოზ მამალაძის ზიარების საკითხში თვითონ ჩართული არ არის.
მისივე განმარტებით, მამა გიორგის ამ დროისთვის მღვდელთმსახურება შეჩერებული აქვს.

გარდა ამისა, მეუფე გრიგოლის განმარტებით, ის იმედს გამოთქვამს, რომ "ციანიდის საქმესთან" დაკავშირებით ჭეშმარიტება დადგინდება.

"იმედს გამოვთქვამ, რომ ამ საკითხში დროთა განმავლობაში მეტი ნათელი შემოვა. მე ეჭვი გამოვთქვი იმის შესახებ, რომ თუ დამნაშავეა, წარმოუდგენელია იგი მხოლოდ ერთ–ერთი ყოფილიყო ამ საქმეში. თუ უდანაშაულოა, მაშინ რატომ იმყოფება საპატიმროში. ეს კითხვები დღესაც რჩება. ეს ჩემი კითხვებია, არ გაფანტულა და შესაძლოა კიდევ უფრო მეტად გაძლიერდა. მე შთაბეჭდილება მრჩება, რომ ეს ადამიანი არის მსხვერპლი. მე ვერ ვიტყვი, რომ იგი არის უდანაშაულო, ან ვერ ვიტყვი, რომ იგი დამნაშავეა, მაგრამ ნებისმიერ შემთხვევაში ეს ადამიანი არის მსხვერპლი", – განაცხადა მეუფე გრიგოლმა.

მაღალი სასულიერო იერარქის განცხადებით, სასურველია, რომ ადამიანს, მიუხედავად შეჩერებული მღვდელმსახურებისა, ზიარების საშუალება მიეცეს.

ჟურნალისტის კითხვაზე, ამ შეხვედრის შემდეგ რწმუნდება თუ არა, რომ ის არის მსხვერპლი? მეუფე გრიგოლმა უპასუხა: "თქვენ იმის გაგება გინდათ, რაც ჯობდა, მეც არ გამეგო".
ბეჭდვაელფოსტა
კომენტარი არ გაკეთებულა
სხვა სიახლეები
17.07.2018
საქართველოს კათოლიკოს-პატრიარქი ილია მეორე 16 ივლისს ტყიბულის შახტში დაღუპული მეშახტეების ოჯახის წევრებსა და ახლობლებს უსამძიმრებს.
09.07.2018
10 ივლისს, 19:00 საათზე გალობის უნივერსიტეტი საანგარიშო კონცერტს თბილისის სახელმწიფო კონსერვატორიის მცირე დარბაზში გამართავს.
08.07.2018
ხუთშაბათს, 12 ივლისს, წმ. ქეთევანის წმინდა ნაწილები მობრძანდება დიდი დიღმის ასი ათასი მოწამის სახელობის ეკლესიაში,
08.07.2018
შევ­თხოვთ უფალს, მოგ­ვცეს ჩვენ ისე­თი გან­საც­დე­ლი, რო­მელ­საც აი­ტანს ქარ­თვე­ლი ადა­მი­ა­ნი, - ამის შე­სა­ხებ
06.07.2018
ამა წლის 3 ივლისს ტელევიზია TV პირველის გადაცემა "რეაქციაში" მონაწილეობა მიიღო რუის-ურბნისის ეპარქიის მღვდელმსახურმა,
06.07.2018
ზემო სავნეთის სოფელ ჭუბერში მიმდინარე სტიქიამ ყველაზე მეტად ადგილობრივები დააზარალა. ამჟამად სოფელი მთლიანად მოწყვეტილია გარე სამყაროს.
05.07.2018
ჟურნალ კარიბჭესთან ერთად ივლისის განმავლობაში მკითხველი წიგნების სერიის "მეგზური სიკეთის სამყაროში" მორიგ,
05.07.2018
როგორც მოგეხსენებათ, რამდენიმე დღის წინ საკონსტიტუციო სასამართლომ ეკლესია-ტაძრების მშენებლობისას
03.07.2018
საქართველოს საკონსტიტუციო სასამართლომ, ეკლესია-ტაძრების მშენებლობისას დღგ-სგან მხოლოდ საპატრიარქოს გათავისუფლების მუხლი არაკონსტიტუციურად სცნო.
30.06.2018
სრულიად საქართველოს კათოლიკოს-პატრიარქმა ილია II-მ საქართველოში ვიზიტით მყოფი ევროპარლამენტის სახალხო პარტიის დელეგაცია მიიღო,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
შავი მთა
აღმოსავლეთ სირიაში, ანტიოქიის მახლობლად, შავ ანუ საკვირველ მთაზე უკვე VI საუკუნიდან არსებობდა ქართველთა სამონასტრო ცენტრები.