მე გთხოვთ, როგორც თქვენი მოძღვარი, ყველამ სასიკეთო ვაკეთოთ ჩვენი ქვეყნისთვის, ეკლესიისთვის, ხალხისთვის, - ასე მიმართა სრულიად საქართველოს კათოლიკოს-პატრიარქმა, ილია მეორემ ფუნიკულიორზე შეკრებილ ხელისულებისა და ოპოზიციის წეარმომადგენლებს.
პატრიარქის განცხადებით, ოპოზიცია უნდა დაეხმაროს ხელისუფლებას და მთავრობას უნდა ჰქონდეს ოპოზიციის პატივისცემა. სიტყვით გამოსვლისას უწმინდესმა ყურადღება პატივისცემასა და საერთო სასიკეთო საქმის კეთებაზე გაამახვილა.

"ჩემი გაგებით, ოპოზიცია არ ნიშნავს იმას, რომ ყველაფერი უნდა აკრიტიკოს, მთავრობის დადგენილება, განჩინება. ოპოზიცია უნდა დაეხმაროს ხელისუფლებას და რაც გამორჩა კეთილი, სასარგებლო ერისათვის, ქვეყნისათვის, იმის შეხსენებას უნდა ეცადოს ოპოზიცია. პატივისცემა მთავრობისა და მთავრობას უნდა ჰქონდეს პატივისცემა ოპოზიციისა. მე გთხოვთ გთხოვთ, როგორც თქვენი მოძღვარი, ვაკეთოთ ყველამ სასარგებლოდ ჩვენი ქვეყნისათვის, ჩვენი ეკლესიისათვის. იდგეს ხალხის საკეთილდღეოდ, ყველაფერი უნდა გააკეთოს იმისათის, რომ ერთსულოვნება სუფევდეს. ღმერთმა დალოცოს ხელისუფლება, პარლამენტი და ოპოზიცია. ღმერთმა დალოცოს სრულიად საქართველო", - აღნიშნა საქართველოს კათოლიკოს-პატრიარქმა.