გელათის სამონასტრო კომპლექსში უნიკალური ფრესკების სკანირება და მათი ციფრულ ფორმატში დოკუმენტირება მიმდინარეობს
გელათის სამონასტრო კომპლექსში უნიკალური ფრესკების სკანირება და მათი ციფრულ ფორმატში დოკუმენტირება მიმდინარეობს
29 ნოემბერს საქართველოს კულტურული მემკვიდროების დაცვის ეროვნული სააგენტოს ინიციატივითა და ორგანიზებით, გელათის სამონასტრო კომპლექსის უნიკალური ფრესკების სკანირებისა და მათი ციფრულ ფორმატში დოკუმენტირების პროცესი დაიწყო.

სამუშაოები მსოფლიო მემკვიდრეობის კომიტეტის 41-ე სესიის გადაწყვეტილების საფუძველზე საქართველოს მიერ აღებული იმ ვალდებულებების ფარგლებში ხორციელდება, რომლებიც გელათის მონასტრის, როგორც მსოფლიოს კულტურული მემკვიდრეობის ძეგლის საკონსერვაციო მდგომარეობისა და მონიტორინგის რეჟიმების გაუმჯობესებას უზრუნველყოფს.

კულტურული მემკვიდრეობის დაცვის ეროვნული სააგენტოს ცნობით, საერთაშორისო ორგანიზაციის მიერ მოთხოვნილი ქმედებები გელათის მონასტრის კედლის მხატვრობისა და მოზაიკის შესახებ სრულფასოვანი დოკუმენტაციის მომზადებას ითვალისწინებს. თანამედროვე კვლევების საფუძველზე მომზადდება შესაბამისი ანაზომებისა და სააღრიცხვო ბარათი, რომელიც შემდგომში ეროვნული სააგენტოს ერთიან მონაცემთა სისტემაში განთავსდება.

პროექტი, რომელსაც კომპანია "ინჟინრული აზრის" თანამშრომლები და კედლის მხატვრობის ქართველი სპეციალისტები ახორციელებენ, გელათის ღვთისმშობლის სახელობის ტაძრის, წმინდა გიორგი სახელობის ტაძრისა და კარიბჭეში არსებული კედლის მხატვრობისა და მოზაიკის 3D ფორმატით ლაზერულ სკანირებას და მაღალი გარჩევადობის ციფრულ ფოტოინფორმაციის სპეციალური პროგრამული უზრუნვეყოფით დაარქივებას ითვალისწინებს.

KARIBCHEფრესკების დაზიანების შემთხვევაში, სკანირებული ინფორმაციის არსებობა სააგენტოს მათი უზუსტესად აღდგენის შესაძლებლობას მისცემს. მიღებული მასალის სიზუსტე და მაღალი ხარისხი მოხატულობის ფართებისა და ცალკეული ზომების, მოხატული ზედაპირის ფორმის, ფრესკების დაზიანების ხარისხისა და გაბარიტების, ნახატის გრაფიკისა და ფერთა გამის განსაზღვრის ეფექტურ საშუალებას იძლევა.

ფრესკების სკანირების დასრულების შემდეგომ, სააგენტოს მათზე პერმანენტული ზედამხედველობისა და მონიტორინგის საუკუთესო ინსტრუმენტი შეექმნება. სკანირებული ინფორმაციის საფუძველზე განხორციელდება სამომავლო კონსერვაციის პროცესზე კონტროლიც.

კულტურული მემკვიდრეობის დაცვის ეროვნული სააგენტოს ცნობით, ციფრული ტექნოლოგია საშუალებას იძლევა, ცდომილებების გარეშე, მაქსიმალური სიზუსტით დაფიქსირდეს ფრესკული (კედლის) მხატვრობა, როგორც ბრტყელ, ასევე ცილინდრულ, სფერულ და სხვა რთულ ზედაპირებზე. ამასთან, მათი ინფორმაციით, ციფრული ფიქსირება კოორდინატთა სისტემაში და სამგანზომილებიან სივრცეში ინტერიერის თუ ექსტერიერის სკანირებულ ყველა მონაკვეთს ზუსტ ადგილმდებარეობას ანიჭებს.

სააგენტოს განცხადებით, სკანირებულ ინფორმაციაზე დაყრდნობით, შესაძლებელია დამზადდეს გელათის ღმრთისმშობლის ტაძრის ამა თუ იმ ფრესკის (ორიგინალის) ზუსტი ასლი, რომელსაც ცნობილი მუზეუმები საგამოფენო ექსპონატად გამოიყენებენ. ამავდროულად, ჩნდება ისეთი ფრესკების კალკირების შესაძლებლობა, რომლებზეც სხვადასხვა მიზეზის გამო ფიზიკური კონტაქტი დაუშვებელია.

ფრესკების ციფრული მოდელების მეშვეობით მეცნიერებიც ისარგებლებენ, რომელთაც როგორც გელათის, ისე სხვა საკულტო ნაგებობების კედლის მხატვრობებთან ვებ-გვერდების გამოყენებით ექნებათ წვდომა. დაარქივებული მასალები სამომავლოდ ხელოვნების დარგის სასწავლო დაწესებულებისათვის გახდება ხელმისაწვდომი.
ბეჭდვაელფოსტა
კომენტარი არ გაკეთებულა
სხვა სიახლეები
12.10.2018
12 ოქტომბერს, წმინდა სიდონიას დედისა და სვეტიცხოვლობისადმი მიძღვნილი
04.10.2018
სერიის "მეგზური სიკეთის სამყაროში" მერვე წიგნი ბოლო საუკუნეებსა და ჩვენს დროში მცხოვრებ ქართველ წმინდანთა მოღვაწეობის შესახებ
03.10.2018
საპატრიარქოში სასულიერო სემინარიის დაარსებიდან 30 წლის საიუბილეო ღონისძიება გაიმართა. აღნიშნულ ღონისძიებას პრემიერ-მიმისტრი მამუკა ბახტაძე
01.10.2018
ამ ეტაპზე აუცილებელია წინასწარი შეფასებებისაგან თავის შეკავება, ვიდრე არ დაფიქსირდება კანონიკური სამართლის ნორმებზე დაფუძნებული
01.10.2018
გამოვთქვამთ ჩვენს დიდ სიხარულს და მადლიერებას, რომ ჩამობრძანდით საქართველოში და ჩამოგვიტანეთ მადლი იმ წმინდა ადგილებიდან,
28.09.2018
29 სექტემბერს 17:00 სთ-ზე ეროვნულ სამეცნიერო ბიბლიოთეკაში გაიმართება ბუბა კუდავას საჯარო ლექცია თემაზე "ტაო-კლარჯეთი (რომ არა ექვთიმე თაყაიშვილი...)"
28.09.2018
მეგობრებო, კიდევ ერთხელ უნდა გთხოვოთ გულისხმიერება და გვერდში დგომა. ამჯერად "კარიბჭის" ჟურნალისტის - ამირან-ლაზარე სინაურიძისთვის,
25.09.2018
"კარიბჭის" მკითხველმა უკვე კარგად იცის, რომ სურამისა და ხაშურის ეპარქიის მღვდელმთავრის - მეუფე სვიმეონის კურთხევით,
19.09.2018
საქართველოს საპატრიარქოს განცხადებით, მარიხუანას კულტივირების კანონპროექტთან დაკავშირებით მართლმადიდებელი ეკლესია,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
გარდაცვალება ყოველი ადამიანის ხვედრია, რომელსაც ვერავინ გაექცევა. "ვინ არს კაცი, რომელი ცხონდეს და არა იხილოს სიკვდილი" (ფს. 88,48), თუმცა დაფარულია, როდის დაგვიდგება ამ ქვეყნიდან გასვლის ჟამი.