საზოგადოების ცივილიზებულობის დონე ჩანს მათ მიერ საფლავების მოვლა-პატრონობაში. კულტურული ხალხების თავისებაა საფლავებზე ზრუნვა. ამის შესახებ ათონის დოქიარის მონასტრის წინამძღვარმა ისაუბრა.

მისი თქმით, გარდაცვლილის საფლავზე ჯვარი სიკვდილზე გამარჯვების და აღდგომის იმედის სიმბოლოა. "ჩვენ რომ არ გვქონოდა წმინდანთა საფლავები, განა გვექნებოდა წმინდა ნაწილები? განა მოხდებოდა წმინდანთა საფლავებთან სასწაულებანი და კურნებანი? ძველი ქრისტიანები ცეცხლზე დამწვარ მოწამეთა ფერფლსაც კი აგროვებდნენ. ჩვენც ძველებურად უნდა მივაგოთ პატივი მიცვალებულებს, დავკრძალოთ ისინი სანთლებითა და საკმეველით. ხოლო ურწმუნოებმა დაწვან თავიანთი მიცვალებულები და აღგავონ მიწის პირიდან მათი ხსოვნა", - აღნიშნა წინამძღვარმა.
"ჩვენ გვინდა, რომ ცასთან ახლოს ვიყოთ. ჩვენ არ დავივიწყებთ წინაპართა ტრადიციებს. დაკრძალვის ტრადიცია და საფლავები შეგვახსენებს, რომ არსებობს სიცოცხლე გარდაცვალების შემდეგ" - განმარტა მან.

2016 წლის თებერვალში საბერძნეთში, ელადის მართლმადიდებელი ეკლესიის პროტესტის მიუხედავად, კრემაცია დააკანონეს.