სად დიდგორი და სად თურქეთი
სად დიდგორი და სად თურქეთი
მოგეხსენებათ, 1121 წლის 12 აგვისტოს ქართველთა ლაშქარმა წმიდა კეთილმსახური მეფის - დავით აღმაშენებლის სარდლობით, ეპოქალური გამარჯვება მოიპოვა თურქ-სელჩუკთა ლაშქარზე, რომელიც ისტორიაში მოიხსენიება, როგორც "ძლევაჲ საკვირველი". მადლობა ღმერთს, დიდგორის გამარჯვებამ გადაწყვიტა საქართველოსა და ქართველთა მომავალი ხვედრი, რომლის ინერცია, თქვენ წარმოიდგინეთ, დღემდე გრძელდება და გაგრძელდება, ვიდრე ჩვენი სამშობლო იარსებებს.

საინფორმაციო საშუალებებიდან ცნობილი გახდა, რომ ამ ცოტა ხნის წინ, საქართველოს პარლამენტმა დაიწყო განხილვა, დიდგორის ბრძოლაში გამარჯვების დღე - 12 აგვისტო გამოცხადდეს სახელმწიფო უქმედ და როგორც ვიცით, მიმდინარე წლის 23 მარტს, პარლამენტმა პირველი მოსმენით მხარი დაუჭირა 12 აგვისტოს "დიდი გამარჯვების დღედ" გამოცხადებას, თუმცა, როგორც გვაუწყეს, საქართველოში თურქეთის საელჩომ გამოთქვა "მეგობრული" პრეტენზია, რომ მათთვის მიუღებელია ხსენებული კანონპროექტი. ისტორიის დოქტორანტი, თეოლოგიისა და პოლიტოლოგიის მაგისტრის ლაშა დეისაძე-შარვაშიძის განმარტებით, ისტორიული თვალსაზრისით, თურქული მხარის მოთხოვნა გახლავთ მეტად არაკომპეტენტური და არასამართლებრივი, ვინაიდან 1121 წლისთვის არ არსებობდა ოსმალეთი (თანამედროვე თურქეთი), რომელიც მეთხუთმეტე საუკუნის მეორე ნახევარში დამკვიდრდა ისტორიული ბიზანტიის ტერიტორიაზე, მას შემდეგ, რაც 1453 წელს დაეცა კონსტანტინეპოლი. დიდგორის ბრძოლაში კი, ქართველებმა დაამარცხეს სელჩუკები - იღუზთა თურქული ტომის ერთ-ერთი შტო. შესაბამისად, აბსოლუტურად მიუღებელი და ალოგიკური გახლავთ თანამედროვე თურქული მხარის პრეტენზია. ამგვარი მიდგომით, იქნებ, გერმანიისთვისაც მიუღებელი არის 9 მაისის აღნიშვნა, რუსეთისთვის 9 აპრილის ან 2008 წლის აგვისტოს ქართველი გმირებისთვის პატივის მიგება?! აბსოლუტურად ვერ თავსდება კონტექსტში... ასევე, თურქეთის მიერ აღნიშნული მოთხოვნის გაჟღერება წარმოადგენს მათი მხრიდან განხორციელებულ ანტიმეგობრულ აქტს, რაც სამწუხაროდ, კიდევ ერთგზის ცხადს ჰყოფს, რომ თურქული სახელმწიფოს ოფიციოზი, რელურად, არც თუ პოზიტიურად გახლავთ განწყობილი საქართველოს მიმართ, ანუ თურქეთის მხრიდან ამ მოთხოვნის წამოყენება სინთეზურად წარმოადგენს: ისტორიულ ნონსენსსა და შენიღბული აგრესიის გამოხატვას საქართველოს წინააღმდეგ, რისი წარსული გამოცდილება, სამწუხაროდ საკმაოდ ვრცლად გაგვაჩნია ჩვენი სამშობლოს მატეანეში. ცალკე ტკივილი და განხილვის საკითხია, ტაო-კლარჯეთის ისტორიული ქართული ძირძველი ტერიტორია, რომელსაც ვფიქრობ, საქართველოს სახელმწიფომ, სპეციალური სამართლებრივი სტატუსი, გარკვეული ფორმით მაინც უნდა მიანიჭოს, რათა მსოფლიოს წინაშე დაფიქსირდეს, რომ ეს გახლავთ ქართული ტერიტორია. ასევე, დადგა იმის საჭიროებაც, რომ თურქეთს შევახსენოთ: ისტორიული თვალსაზრისით, მათი ყოფნა და სახელმწიფოს განლაგება ბიზანტიის ტერიტორიაზე გახლავთ ანტილეგიტიმური და იქნებ, საკუთარი სახელმწიფოს ამჟამინდელი ტერიტორიის ისტორიულ მნიშვნელობაზე ეფიქრათ?!

აქვე, გამოვდივარ ერთი მნიშვნელოვანი ინიციატივით: სრულიად არგუმენტირებულად მიმაჩნია, რომ დიდგორის ბრძოლაში გამარჯვების დღესთან ერთად, უთუოდ სახელმწიფო უქმედ უნდა გამოცხადდეს და სათანადო მაღალი პატივით აღინიშნოს ხრესილის ბრძოლაში გამარჯვების დღე - 14 დეკემბერი, როდესაც 1757 წლის აღნიშნულ დღეს, ქართველთა (იმერთა) ლაშქარმა, წმიდა კეთილმსახური მეფის სოლომონ პირველის სარდლობით, ხრესილის ველზე (ოკრიბა, თანამედროვე ტყიბულის რ-ნი) სასტიკად დაამარცხა ოსმალთა ლაშქარი და საბოლოოდ დაასრულა ოსმალთა ბატონობა და თარეში დასავლეთ საქართველოში.

ერთმნიშვნელოვნად შევნიშნავ, რომ დიდგორის ბრძოლის არანაკლები მნიშვნელობისა გახლავთ ხრესილის ბრძოლაში ქართველთა სახელოვანი გამარჯვება. თუ არა ხრესილი, დღეს, საფუძვლიანად სავარაუდოდ, მთელი ამჟამინდელი დასავლეთ საქართველო ან მისი დიდი ნაწილი, თურქთა ხელში, ან თურქული განსახლებისა იქნებოდა (ისევე, როგორც სახეზე გვაქვს თურქეთის მხრიდან ტაო-კლარჯეთის ფაქტობრივი ოკუპაცია).
ვიმედოვნებ, აღნიშნულ ინიციატივას, პირველ ეტაპზე, გამხმოვანებელი მაინც გამოუჩნდება საქართველოს უმაღლეს საკანონმდებლო ორგანოში.
ბეჭდვაელფოსტა
27.04. 2017
otari
ქართველი ხალხის მეხსიერების წიაღში მუდამ უნდა იყოს 365 დღე ანტი თურქული,ისინი არიან ჩვენი,ქართველების დაუძინებელი მტრები სამყაროს არსებობის და მათი გაჩენაც ვატირე დღიდან,ბუნებაშ არ არსებობს არავითარი დემოკრატია და სხვა რაღაც ზღაპრები ,ესენი გამოგონილია ბრიყვების დასამშვიდებლად და საკმაოდ კარგად აქაც იმუშავა(ბევრი შტერი გვყავს)ყოველთვის იყო და გრძელდება ომი,ბრძოლები ნებისმიერი ხერხებით მსოფლიო ძალაუფლებისაკენ,ისე როგორც ველურ ბუნებაშ,მხოლოდ შეიცვალა საბრძოლო იარაღები და მეთოდები.
26.04. 2017
jiji
სრულ ჭეშმარიტებას ბრძანებს ბატონი მაგისტრი! რამდენსაც გააბედინებ, იმდენს გაგიბედავენ და გვიბედავენ კიდეც, დროდადრო შეურაცხყოფას! მუდმივად შეურაცხყოფის "გატარება", ვერაფერიშვილი დიპლომატიაა! როდიდან გახდნენ ჩვენი მეგობრები? ვისაც სჭირდებოდა ეს თვალთმაქცობა, გასაგებია! ეკონომიკა თორემ... მაგათ უვარგის ნაწარმს აღარეფერი სჯობს! არც მალავენ და აჭარა დღესაც თავისად მიაჩნიათ, ტაო–კლარჯეთზე რომ აღარაფერი ვთქვათ, მაშინ, როდესაც თვითონ, აბსოლიტურად სხვისი ტერიტორია აქვთ მითვისებული!ისიც გაბედეს უკვე, რომ აგვიკრძალონ რაც ვცეთ პატივი და რას არა! აღარ არის დრო რომ, არგუმენტირებულად, დიპლომატიური ენით ვაუწყოთ, სინამდვილეში ვინც არიან! მაგათი ფადიშაჰი არავის ერიდება ეპითეტების "მიკერებაში"!
26.04. 2017
ზსს
მესმის უჭირს ქვეყანას და ბევრი ფიქრობს, რომ არ არის სათანადო დრო და მომენტი, რომ საქართველომ პრეტენზიები განაცხადოს ძირძველ ტერიტორიებზე (ტაო-კლარჯეთი), თუმცა ნელნელა ჩვენც უნდა შევაპაროთ. თან დღეს ისეთი მდგომარეობაა თურქეთს გაფუჭებული აქვს საერთაშორისო ურთიერთობები. ჩემი აზრით მიზანშეწონილია ცოტა მეტი აქტიურობა ამ კუთხით. კიარადა აქეთ ახსენებენ ხოლმე გაკვრით ბათმზე პრეტენზია რომ აქვთ. ამიტომ არათუ ბათუმი იმის იქეთ უნდა შევედავოთ ტაო-კლარჯეთი.
26.04. 2017
ბორის კვიკვინია
აბსოლუტურად ვეთანხმები ავტორს!აუცილებელია რომ პარლამენტის წევრებმა დააყენონ ეს საკითხი განსახილველად!
სხვა სიახლეები
13.11.2017
თბილისის მერი კახა კალაძე, მეუღლესთან და შვილებთან ერთად, გუშინ უწმინდესსა და უნეტარეს, სრულიად საქართველოს კათოლიკოს-პატრიარქს, ილია მეორეს საპატრიარქოში ესტუმრა.
11.11.2017
13 ნოემბერს, ასი ათასი მოწამის ხსენების დღეს, სრულიად საქართველოს კათოლიკოს-პატრიარქი, ილია II მეტეხის ხიდზე საზეიმო პარაკლისს გადაიხდის.
10.11.2017
იერუსალიმისა და სრულიად პალესტინის პატრიარქი თეოფილე მესამე იერუსალიმში ქრისტიანული ეკლესიის მოსალოდნელი მორიგი დევნის შესახებ საუბრობს.
03.11.2017
სრულიად საქართველოს კათოლიკოს-პატრიარქის ლოცვა-კურთხევით, წმინდა ქეთევან დედოფლის წმინდა ნაწილები მთელს საქართველოში მოგზაურობს. გთავაზობთ მოგზაურობის შემდგომ განრიგს:
03.11.2017
მესტიისა და ზემო სვანეთის ეპარქიის და მეუფე ილარიონის ამავე ეპარქიაში მღვდელმთავრად გამორჩევის 15 წლის იუბილესთან დაკავშირებით 3 ნოემბერს, მესტიის მაცხოვრის აღდგომის სახელობის საკათედრო ტაძარში სადღესასწაულო ღვთისმსახურება   მიტროპოლიტმა ილარიონმა (ქიტიაშილი) ეპარქიის სამღვდელოებასთან ერთად   აღავლინა.
01.11.2017
დღეს, 2017 წლის 1 ნოემბერს გაიმართა ლოცვითი მსვლელობა წმინდა გაბრიელ ბერის სახლიდან სამთავროს დედათა მონასტრამდე. მსვლელობა შეასრულა დედა პარასკევამ მრევლთან ერთად და მას მამა გაბრიელის გზა ეწოდა.
27.10.2017
ძვირფასო საზოგადოებავ!...
მოგეხსენებათ, სოფელ ახკერპის სიახლოვეს მდებარეობს მარნეულისა და ჰუჯაბის ეპარქიის მთავარი ისტორიული საკათედრო ტაძარი – ჰუჯაბის სამონასტრო კომპლექსი,
21.10.2017
17 ოქტომბერს საქართველომ სოხუმის გმირები მიაბარა მიწას...
24 წლის შემდეგ სამშობლოს მიწამ ჩაიხუტა ღირსეული, ქედმოუხრელი, წაუქცეველი ბიჭები, მტერმა რომ ვერაფრით დააჩოქა...
16.10.2017
ქეთევან დედოფლის წმინდა ნაწილები რუსთავში ჩააბრძანეს. სიწმინდეს ქალაქის შემოსასვლელში შეკრებილი მრევლი მიეგება, რის შემდეგაც დედოფლის წმინდა ნაწილები წმ.ვახტანგ გორგასლის სახელობის ეკლესიაში დააბრძანეს.
12.10.2017
57 წლის ასაკში გარდაიცვალა ცნობილი ქართველი კინომსახიობი - ლიკა ქავჟარაძე. ლიკა ქავჟარაძეს ქართულ კინემატოგრაფში შესრულებული აქვს არაერთი მნიშვნელოვანი როლი, მაგრამ მის მიერ შექმნილი "მარიტას" სახე სამუდამოდ აღიბეჭდა
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
მხოლოდ განწმენდილ ადამიანს შეუძლია, ნათელი მისცეს სხვას
ამ ძალზე საგულისხმო წერილის ავტორი ახალგაზრდა რუმინელი ბერი ალექსი ცირდეაა, რომელიც რამდენჯერმე საქართველოსაც ესტუმრა.