სოფელში ორი ეკლესია იყო, რომელიც ისტორიული წყაროებში XVIII საუკუნიდან იხსენიება. ორივე ხის და ორივე წმიდა გიორგის სახელობის ეკლესიები ხევისწყლის მარჯვენა და მარცხენა მხარეს მდებარეობდა. ერთი ეკლესია შტატიანად ითვლებოდა ,მეორე კი ზედმიწერილად. გაღმა ნოღის ხის პატარა ეკლესია ძლიერ ქარს დაუნგრევია. ქვის ეკლესია 1903-1912 წლებში აუგიათ. იმ ავბედით 1937-1939 წლებში, მაშინდელი ადგილობრივი თავკაცების ბრძანებით დაუნგრევიათ ქვის ტაძარი. მისი აღდგენა XX საუკუნის 90-იან წლებში მოხდა ადგილობრივთა ინიციატივითა და ჯემალ თევზაძის, შალვა ეცადეიშვილის, ზაზა ვაშაკიძისა და შ.პ.ს ,,ოუველის"პარტნიორობითა და ფინანსური დახმარებით. განახლებული ტაძარი 2002 წელს, ხონისა და სამტრედიის მიტროპოლიტმა საბამ (გიგიბერია) აკურთხა და წინამძღვრად დეკანოზი დავით თოლორაია დაადგინა. წმინდა გიორგის მეოხებით უფალმა გააძლიეროს, გაამთლიანოს, განამტკიცოს მართლმადიდებლურ სარწმუნოებაში სრულიად საქართველო, ამინ.
