წმინდა გიორგი კარსლიდისის წმინდა ნაწილის საბერძნეთიდან, დრამადან საქართველოში ჩამობრძანების შემდეგ წმინდა მამის წმინდა ნაწილები წალკაში დააბრძანეს. ღირსი მამა წალკის რაიონის სოფელ ხადიკში, დღევანდელ ტბეთში დაიბადა და თავისი
სულიერი მოღვაწეობის ნახევარი საქართველოში გაატარა.

თბილისის სიონის საპატრიარქო ტაძარში სრულიად საქართველოს კათოლიკოს-პატრიარქს, უწმინდესსა და უნეტრესს ილია II საზეიმოდ გადაეცა ღირსი მამა გიორგი კარსლიდისის წმინდა ნაწილები. საქართველოში სტუმრად ჩამოსულ საბერძნეთის ეკლესიის დელეგაციას ხელმძღვანელობდა ქალაქ დრამის მიტროპოლიტი, მაღალყოვლადუსამღვდელოესი პავლე, დელეგაციის შემადგენლობაში იყვნენ დრამის მიტროპოლიის სასულიერო დასის წევრები, ათონის მთის წმინდა პავლეს მონასტრის ეპიტროპოსი მღვდელმონაზონი ნიკოდიმოსი, სიფსას მაცხოვრის ფერსიცვალების მონასტრის წინამძღვარი იღუმენია პორფირია დებთან ერთად, საქართველოდან წასული ბერძენი ეროვნების მრევლი.