ოჯახის სიწმინდის დაცვა და შენარჩუნება ყველა ქართველისთვის ღირსების საკითხია, -ასეთია თითოეული ჯანსაღად მოაზროვნე ადამიანის შეხედულება. "კარიბჭემ" ხალხის აზრის გამოკითხვა ჩაატარა, რასაც გთავაზობთ.


მარინე გიორგობიანი:

-ოჯახი ქვეყნის სახეა ... ოჯახის ინსტიტუტის სიძლიერეს მოაქვს ქვეყნის სიძლიერე.... ოჯახი მცირე ეკლესიაა. ქვეყნის ერთგულება ოჯახის ერთგულებას შეუძლიათ... ოჯახის მოღალატე, სისხლის, გენის გამყიდველი ვერასოდეს იქნება ქვეყნის ერთგული... ვერ დავიჯერებ, რომ დედ- მამის, დედმამიშვილის მაგინებელს, საკუთარი კერის წამბილწავს ქვეყნის ერთგულება შეუძლია. თანამედროვეობა არ ნიშნავს სიბილწეს, გარყვნილებას, ლესბოსელობას და მამათმავლობას... ტრადიციები არ გააჩნიათ განუვითარებელ, ბნელ ტომებს, ველურებს.. განვითარებულია და თანამედროვე ის არსება, ვინც ვერ დაადგინა თავისი სქესი?! განვითარებულია და თანამედროვე ის არსება, ვისაც საჯაროდ სექსუალური ჟინის დაკმაყოფილება ნორმად მიაჩნია?! თანამედროვეა სხვისი სულიერი და მორალური ღირსებების შეურაცმყოფელი?.... ჩვენი გადარჩენა ჩვენი ღირსების ადამიანური სახის შენარჩუნებაშია... ოჯახის სიწმინდის წაბილწვა ველურობაა, ვაკჰანალიას სიკეთე არ მოაქვს.

ფოფოდია მარიეტა ბოჭორიშვილი:

-ოჯახი წმინდაა, ოჯახის სიწმინდის დაცვა აუცილებელია. პირადად მე ოჯახის სიმტკიცეს ღმერთთან ერთობაში ვხედავ. უფალშია ჩვენი ბედნიერება და თუ ოჯახი ღვთისმოშიში და მორწმუნე იქნება, იქ ქრისტიანული ტრადიციები აუცილებლად იქნება დაცული. ღვთისმოყვარე ოჯახებს შეუძლია ნათლის სვეტად იდგეს საქართველოს კარიბჭეზე.
ჯვარდაწერილ ოჯახზე ივანებს ღთის მადლი. მადლის შენარჩუნება და გამრავლება დამოკიდებულია ცოლ-ქმრის სწორ, ქრისტიანულ ცხოვრებაზე. დღეს, სამწუხაროდ მშობლები მრავალი საცთურით არიან ძლეულნი და მოკლებულნი არიან ღვთის მადლს. შესაბამისად მომავალი თაობები ქრისტიანულად არაჯანსაღ გარემოში იზრდებიან. ჩვენ უნდა ვიცოდეთ, რომ უფლის გარეშე ბედნიერება არ არსებობს. ღმერთთან ერთობაში, ლოცვაში შეუძლია ჰპოვოს ადამიანმა ნუგეში, სიხარული და სიყვარული. მრავალშვილიანობა ქრისტიანული ოჯახის სიძლიერის საფუძველია. ეკლესიის წიაღში აღზრდილი ბავშვები იქნებიან მნათობნი მრავალი გზადაბრკოლებულისათვის. მე ვთხოვდი დედებს ილოცონ, უფალმა ღთისმოყვარე შვილები მჰიმადლოთ, არ დააკლონ ღვთის მადლს, ხშირ ზიარებას , ასწავლონ ლოცვა. ლოცვა არის სულის სიხარული და სიმშვიდე. მლოცველ ოჯახს არ დაელევა მადლი, წყალობა ღვთის და საუკუნო სიხარული.

პედაგოგი ქეთევან გურჩიანი:

-ოჯახის სიწმინდის დაცვა და შენარჩუნება ყველა ქართველისთვის ღირსების საკითხია. ტრადიციული ოჯახები ინახავენ და გადასცემენ ღირებულებებს მომავალ თაობებს. ერის სიძლიერეა თითოეული ოჯახი, ერისშვილობა სწორედ აქედან იწყება.



ლევან ცაკაშვილი:

- ყოველი დღე ოჯახის სიწმინდეა. ძალიან რთული და ბრძოლის ჟინი სჭირდება. სიწმინდე იწყება ორი ადამიანის ურთიერთობიდან. გარემოსაც ძალიან დიდი მნიშვნელობა აქვს. დრო გართულდა, აჩქარდა და თითქოს გახუნდა.
ოჯახი უმნიშვნელოავნესია. ჩემს მაგალითზე შემიძლია ვთქვა. გარშემო ახლობლებიც ვიცი, სადაც ოჯახურმა გარემომ შეცვალა. ჩემი გადარჩენაც მხოლოდ ოჯახმა შეძლო. ისეთი მეგობრები მყავს ისე რო გაიზარდნენ მშობლების ხმამაღალი სიტყვა არ გაუგიათ. აი დღემდე მიკვირს. მშობლებს თქვენობით რომ ელაპარაკებოდნენ.


ისტორიის პედაგოგი შორენა კუჭუხიძე:

-ქართველობის ეროვნულობის შენარჩუნებისთვის ( დღეს აშკარა გადაგვარების საფრთხის წინაშე ვდგევართ) აუცილებლობას ტრადიციების აღდგენა -დაცვა და პოპულარიზაცია აუცილებელია... ქართული ოჯახი ტრადიციების დამცველი და შემნარჩუნებელი იყო ოდითგანვე.. დღეს ვხედავთ როგორ მოიშალა ეს ინსტიტუტიც.. ყველგან შეაღწია ბოროტების მანქანამ... ჩემთვის უპირველესია სამშობლო, რომელიც პატრიარქთან.. სიწმინდესთან ... ტრადიციებთან.... ღირებულებების შენარჩუნებასთან არი დაკავშირებული. მისი დაცვა ყველა ჩვენგანს ევალება... დღეს ამ ღირსეულ საქმეს პატრიარქი უდგას სათავეში.... მრავალ საინტერესო ღონისძიებათგან გამოვყოფ 2005 წელს, პატრიარქის მიერ დაარსებულ "ჩოხოსანთა" ორგანიზაციას, რომელიც თავდადებულად იღწვის სწორედ ტრადიციების, ქართველობის, ქართული ოჯახის სიწმინდის დაცვისთვის.

ჩვენც აბაშელი ქართველები შევუერთდით ამ ორგანიზაციას... ჩამოყალიბდა აბაშაში "ჩოხოსანთა სადროშო", სადაც ჩემი მოსწავლეების დიდო ნაწილი გავაწევრიანე. გავაწევრიანე იქ სადაც ყველაზე მეტად შეძლებენ ქართული სიწმინდეების ღირებულებების ტრადიციების შესწავლას და დაცვას. სამშობლო ჩემთვის ყველაფერია. სამშობლო ჩემთვის ანწუხელიძეა, გაბისკირიაა, ტატუნაშვილია. რასაც ისინი შეეწირნენ ჩვენ უნდა შევძლოთ ამ ყველაფრის და დაცვა -შენარჩუნება.