ჩვენი უბედურება შფოთისა თუ განყოფისა და დაპირისპირებისა ის არის, რომ არ ვმოძრაობთ ქრისტესკენ, ვმოძრაობთ მხოლოდ საკუთარი თავისკენ
ჩვენი უბედურება შფოთისა თუ განყოფისა და დაპირისპირებისა ის არის, რომ არ ვმოძრაობთ ქრისტესკენ, ვმოძრაობთ მხოლოდ საკუთარი თავისკენ
ბოლნელი მღვდელმთავარი ეფრემი (გამრეკელიძე):
- დღეს ბოროტი ძალა ცდილობს, ეკლესიაში შეიტანოს შფოთი... ეშმაკი ებრძვის ქრისტეს და აქედან გამომდინარე მთელს მის ეკლესიას, სასულიერო პირს და მორწმუნეს. ურწმუნოს და შეპყრობილს რაღად უნდა, ის ისედაც ცოდვილია. სადაც სწორ მიმართულებაზეა საუბარი, ბრძოლა იქ შეიძლება უფრო მეტად გამძაფრდეს. ამას კარგი გაგება სჭირდება. უფალი ბრძანებს, თუკი მე მდევნეს, თქვენცა გდევნენო. ჭეშმარიტი მორწმუნეები, მოციქულებიდან დაწყებული, ყველა ეწამნენ ყველა იდევნებოდნენ და განსაკუთრებული სირთულეები ხვდებოდათ. დღესაც ასეა... იცით რისკენ მიმყავს საუბარი? ეს განსაცდელი ბოროტისგან ყოველთვის იქნება. უფალი ბრძანებს, ამას კლდესა ზედა ეკლესია აღვაშენო ჩემი და ბჭენი ჯოჯოხეთისანი ვერ ერეოდენ. ყოველთვის იქნება ბრძოლა, საშიში და დამანგრეველი ბრძოლა შიგნიდან არის. თუკი ეკლესია იქნება ერთიანი, ურყევი, როგორც ერთი ქრისტეს მიერი სხეული და ჯანსაღი ორგანიზმი, მაშინ როგორი ჯოჯოხეთის ბჭეებიც არ უნდა აღიმართოს, როგორც ერთიან სულიერ ციხე-სიმაგრეს ვერავინ შეარყევს. თუკი შიგნიდან დაიწყება ორგანიზმის რღვევა, ფარული სნეულება, დაპირისპირება, პირადულის მიზეზით, ამბიციის მიზეზით, მიწიერის განდიდების თუ სხვადასხვა წამახალისებელი ცოდვიანი ვნების მიზეზით, ეს იქნება ანგარება თუ სხვადასხვა არაზნეობრივი საქცილი და ასე შემდეგ, მაშინ მით უფრო საშიშია. პირადი მოტივებიც ხშირად ძალიან მწვავე როლს ასრულებს ამათუიმ დაპირისპიერბაში. ქრისტე არის ჩვენი დასაწყისი და დასასრული. ვარ ანი და ჰოე,-ბრძანებს უფალი. იმას შევუსაბამოთ ყველა აზრი, ყველანაირი სწავლება, ყველა ჩვენი გამოთქმული სიტყვა, ქცევა, აზრი, სულისკვეთება და მაშინ ყველა ერთად, ერთ წერტილში მივალთ. თუკი სხვადასხვა მხარეს ვივლით ღმერთს ვერასოდეს შევხვდებით. თუკი ჩვენ ყველანი სხვადასხვა მხარეს, სადაც არ უნდა ვიყოთ რა განსხვავებულ მდგომარეობაშიც არ უნდა ვიყოთ და ვიმოძრავებთ ცენტრისკენ, დავუახლოვდებით ცენტრსაც და ამავე დროს ერთმანეთსაც. იქ შევხვდებით ერთმანეთს, ქრისტესში შევხვდებით. ეს იქნება ყველაზე უფრო მყარი ბედნიერი და ჯანსაღი ერთობა ნებისმიერი საზოგადოებისა. ჩვენი უბედურება ამ შფოთისა თუ განყოფისა და დაპირისპირებისა ის არის, რომ არ ვმოძრაობთ ქრისტესკენ, ვმოძრაობთ მხოლოდ საკუთარი თავისკენ. ან რომელიღაც სხვა მიზნისკენ. წარმოიდგინეთ ყველა რომ იყოს მთავარში ერთიანი. კიბატონო მეორე ხარისხოვანში არსებობს თავისუფლება სხვადასხვა ნიჭის მიხედვით, პროფესიების მიხედვით, უნარების მიხედვით. ღმერთი თავისუფლებას გვაძლევს, არავინ ზღუდავს, მაგრამ თუკი მთავარში ერთობა არ არის, ის განწირულია ნგრევისკენ. უფალში შევიკრიბოთ და იქ დავუახლოვდეთ ერთმანეთს და ვერანაირი განსაცდელი მოგვერევა. პირადი თუ შთაგონებული აზრი ყოველთვის უკან გადაიწევს და ყოველთვის ქრისტე იქნება გამარჯვებული და ამაღლებული ჩვენ შორის.

-როცა თავისი შეხედულება აქვთ სასულიერო პირებს საღვთისმეტყველო საკითხებზე, როგორ უნდა შეჯერდნენ ერთმანეთში?

-ეკლესიაში უდიდესი გამოცდილება არსებობს,- წმინდა წერილი, მოციქულთა სწავლება, ეპისტოლეები, სჯულის კანონი, მამათა მემკვიდრეობა და იქ ყველაფერი მოცემულია. კეთილი ვინებოთ და საღი გონებით და არა პირადი ამბიციით, ყველას აზრი ერთიდაიგივეს წინადადებით გამოჰქონდეს. ჯანსაღი ხედვით, ჯანსაღი მიდგომით, რაც ერთნაირად წერია ყველასთვის, ყველამ წავიკითხოდ და როგორც უფლის ნებაა გაცხადებული იმას შევუსამაბოდ. დარწმუნებული ვარ კეთილი ნება ყველა ადამიანშია. აბა რისთვის ვართ ეკლესიაში. მაშინ უკვე არანაირი საბაბი ბოროტ ძალას თუ მესამე ძალას, მიწიერი იქნება თუ სულიერი, აღარ დარჩება ადგილი, თორემ რამდენი ნეგატიური ძალა არის ჩასაფრებული, ოღონდ ეკლესიაში რაიმე ხინჯი იპოვონ. პირადულს არ ვამბობ. სასულიერო პირი ადამიანია და პირადი ცოდვა ყველას გაგვაჩნია, მაგრამ სწავლებითში, მთავარში, მოძღვრებითში ვამბობ, -ეს არის ეკლესიის ერთიანობის საფუძველი. ჩვენ ვხედავთ, რომ ძალიან უმნიშვნელო ხელჩასაჭიდი იპოვონ და ამას საქვეყნო კატასტროფად გადააქცევს მავანნი და მავანნი. ამით სურთ, ეკლესიის ავტორიტეტი და მთლიანობა ხალხში როგორც ძალიან დიდი, განუზომელი დაპირისპირება წარმოაჩინონ. აი სად მუშაობს ბოროტი, აი რატომ არის დიდი სიფრთხილე საჭირო. სასულიერო პირისგან ყოველი სიტყვის მოზომვაა საჭირო, რახან ასეთი სწრაფად გავრცეებადია ყველა ინფორმაციული საშუალება და არაფერი არ იმალება. "არა არს დაფარული, რომელი არა განცხადდეს". მადლობა ღმერთს, საქართველოს ეკლესია ოდითგანვე და დღესაც ერთიანია და განუყოფელი. არანაირად მიდრეკილი არცერთი მწვალებლობის თუ დამახინჯებული სწავლების მიმართ. ეს მათლაც დიდი საუნჯეა და დიდი მონაპოვარი ჩვენი წინაპრების, ჩვენი დიდი სასულიერო მოღვაწეების. ჩვენი უწმინდესი პატრიაქრის, რომელმაც 40 წელი, ამ ურთულეს აბობოქრებულ ზღვაში, ეკლესიის ერთიანობა არამხოლოდ შეინარჩუნა, არამედ ააღორძინა და ფაქტიურად ახალი ძალით ააყვავა. უწმინდესი არის ჩვენთვის ცოცხალი ავტორიტეტი და ცოცხალი გამრიგე ღვთის სიტყვისა და მას შეიძლება ადამიანი დაეკითხოს ამათუიმ საკითხში თუ როგორ არის უფრო ბრძნულად და უფრო სამართლიანად სასულიერო საკითხის აღთქმა და გამოთქმა. მთავარი და უმაღლესი კიდევ ქრისტეა და მისი სწავლება, რომელიც ეკლესიაში დევს და იქნება აწდამარადის და უკუნითი უკუნისამდე. მგონია, რომ ყველაფერი ადამიანური სისუსტეების გამოვლინებაა სხვადასხვა სახით, რომელიც ახალი არ არის, ეკლესიაში ყოველთვის იყო და იქნება. ეს იმის მანიშნებელეია, რომ ეკლესია ცოცხალი ორგანიზმია. სადაც სიცოცხლეა, იქ ყოველთვის არის მდუმარება, მოქმედება, მოძრაობა, რომელიც არასოდეს არ არის პიროვნულ დონეზე, არასოდეს ვართ შეცდომებისგან არცერთი სასულიერო პირი დაზღვეული. ეკლესია ორი ნაწილისგან შედგება, ერთი არის მისი იდეალური და უცდომელი ნაწილი, მოზეიმე ეკლესია, წმინდანების სახით, წმინდა სწავლების სახით, მეორე არის ცოდვილი, უძლური ადამიანური ნაწილი, დაწყებული სასულიერო პირებით და ერის ადამიანებით დამთავრებული. ამიტომაც მავანნი და მავანნი ხელს იშვერენ, რატომ უშვებს სასულიერო პირი შეცდომებს. ეკლესიაში ყველაფერი ისე რატომ არ არის როგორც მაგალითად, სასუფეველში. ადამიანებმა არ იციან რა არის ეკლესია. ეკლესია არის ცოცხალი ორგანიზმი, რომელიც სწორედ ამ ადამიანური ნაწილისგანაც შედგება. ღმერთმა არა ანგელოზები დაადგინა ჩვენს მოძღვრებად და წინამძღვრებად, არამედ ჩვენნაირი ადამიანები. გონიერება უნდა გვეყოს ეკლესიაში მოღვაწეებსაც და ზოგადად საზოგადოებას, რომ ეკლესია და რწმენა არის ჩვენი ერის არსებობის და სიცოცხლის საფუძველი, ამას უნდა გავუფრთხილდეთ. რა თქმა უნდა ნაკლოვანი, ცდომილი და უძლური უნდა გამოვასწოროთ და დავეხმაროთ. დიდება და მადლობა კაცთმოყარე ღმერთს, ქრისტე აწ და უკუნისამდე. უფალი არის მძლეველი, უფალი არის გამარაჯვებული, უფალი არის ჩვენი აღდგომაც, ჩვენი სიცოცხლეც, წარსულიც, აწმყოც და მომავალიც. ამიტომაც უწმინდესის მოწოდება,- ქართველნო ერთად ღვთისაკენ. ყველანი ერიც და ბერიც დავირაზმოთ და ღვთისკენ ჯანსაღი, ერთადერთი სწორი და სამეუფეო გზით ვიდოდით. ყველაფერი იქნება კარგად და ყველანი მოვალთ ერთ სიყვარულში და რწმენაში. ღმერთმა დაგლოცოთ. ქრისტე გფარავდეთ.
ბეჭდვაელფოსტა
27.01. 2017
hiugo555
იქნებ სასულიერო პირმა გამცეს პასუხი კითხვებზე.... 1სინოდის ის გადაწყვეტილება დანაშაულია შეცდომაა თუ... 2.ეკლესიის გაქირავება გაურკვეველი წარსულის მქონე მიცვალებულებზე ფულის სანაცვლოდ რაარის... 3.იაჰოვის ლიტერატურის შემოტანა(ტონობით ,წლების განმავლობაში,თავისი შედეგით).300მეჩეთი.იმ ფონზე რომ საუკუნეების განმავობაში ყველა ებრძოდა მართლმადიდებლობას...შედეგს რა ქვია????? 4ჯიპებს რომ იღებდნენ და ეხლა რომ ხელფასებს იღებენ საკ ხალხის ამ მდგომარეობამდე მიყვანაში იმ მამაოებს რა ქვიათ????5(ოთხი რელიგია ფინანსდება ხალხის გადასარჩენი ფულიდან (ბიუჯეტიდან?????) 5.როდესაც მართლმადიდებლობას (ქვეყნის საფუძველს) ასე ეპყრობა ერიც და ბერიც....შედეგს რომ ხედავთ და ჩუმათ ხართ...განწყრომაში...ნუთუ ასე ტკბილად ჩაივლის ეს ვნებანი თქვენი???? როცა მთავრობები ქმნიან ორ კანონს, ერთს თავისთვის და მეორეს ხალხისთვის(100ლ მოპარვისთვის 5წ ციხე,1მილ მოპარვისთვის-გირაო, ბბარიგები სახლში).როცა უმუშევრობა იქცა ეროვნულ უბედურებათ (არ აშენებულა არანაირი საწარმო,აშენებენ ჰესებს მზის ენერგიაზე და არა ტყიბულში უფასო ქვანახშირზე?????).როცა ქართველი მოსახლეობა 1,5 მილიონია და კარს მომდგარია მთელი აზია აფრიკა ...არ განიკითხო...??????
25.01. 2017
hiugo555
სინოდმა შეურაწყო მართლმადიდებლობა....გაუთანაბრა ის სხვა რელიგიებს(პატრიარქის წინააღმდეგობის მიუხედავათ0)(არცერთ მეზ სახ აზრადაც არ მოუვა მსგავსი)...თქვენ დუმხართ...საუბრობთ ყველაფერზე რას ნიშნავს...ნუთუ საკ კეთილდღეობა შეგრჩებათ ???გაუბედურებული ხალხის გადასარჩენი ფულიდან(ბიუჯეტიდან) ხელფასებს რომ იღებთ და მდიდრდებით(განა ცოტა შემოსავალი გაქვთ ხალხისგან???ღმერთმა ბევრი მოგცეთ.თქვენი მოქმედებით ეკლესიას ზურგი აქცია ახალგაზრდობამ(და არა ქრისტეს),მალე იმ ხალხსაც დაკარგავთ ვინც გენდობათ....300მეჩეთი აშენდა თვენი დუმილის ხანაში....სადაც მუხლმოდრეკით დადიან თქვენ კი მთავრობასთან ერთად სვეტიცხოვლის ეზოში მცხეთობას ჯიპებით იყავით შესული.არ მახსენდება არც ერთი სულიერი მამის საყვედური მაინც....თქვენ ემსახურებით მთავრობებს და არა ხალხს ! მომიტევოს ყველა წესიერმა და ქრისტეს მსახურებაში მყოფმა მამაომ ზემოთ ხსენებული მათ არ ეკუთვნით ,რათქმაუნდა....
სხვა სიახლეები
26.04.2017
-კლდესა ზედა აღვაშენებ ჩემს ეკლესიას და ბჭენი ჯოჯოხეთისანი ვერ მოერევიან მას,-ბრძანებს უფალი და მაცხოვარი ჩვენი იესო ქრისტე წმინდა სახარებაში...
22.04.2017
ბარაკონის ღვთისმშობლის მიძინების სახელობის ტაძრის წინამძღვარი, დეკანოზი დავით გეგეშიძე:
11.04.2017
მამა ანდრია მინდოდაშვილი:

-რა არის ჯვარცმის საიდუმლო?
- ჯვარცმის და სიკვდილის საიდუმლო ისეთი თემაა, რომელიც კაცობრიობას მუდამ აწუხებდა.
17.03.2017
- მამაო, ვინ იწოდებიან ჭეშმარიტ მოძღვრებად და რა თვისებები უნდა ახასიათებდენ მათ?-ამ კითხვით მივმართე ათონის მთაზე მდებარე წმინდა პანტელეიმონის მამათა მონასტერში მოღვაწე ჩვენს თანამემამულეს, ბერ ერმოლაოსს.
07.03.2017
დედა ეკლესია ყველას მანუგეშებელია, თავად თუ ყოფილა განსაცდელის წინაშე? -ამ შეკითხვით მივმართეთ დიდი დიღმის ასი ათასი მოწამის სახელობის ტაძრის მოძღვარს, მამა ირაკლი დუმბაძეს:
15.01.2017
გვესაუბრება ბათუმის წმინდა ბარბარეს სახელობის ტაძრის წინამძღვარი, დეკანოზი შიო პაიჭაძე:

- ქრისტიანობა სცენაზე დგომას არ ნიშნავს.
23.10.2016
ჩრდილოეთ ამერიკის ეპარქიის მღვდელმთავარს, მეუფე საბას (ინწკირველი) საქართველოში ყოფნის დროს შევხვდი და "კარიბჭესთან" საუბარი ვთხოვე:
27.09.2016
წმინდა ანტონ მარტმყოფელის სახელობის მამათა მონასტრის წინამძღვარი, არქიმნადრიტი ბენიამინი (ბელქანია):

-იმედი მაქვს რომ ღვთის შეწევნით ჩვენსა და აფხაზებს შორის სიყვარული აღსდგება...
09.09.2016
კაცხის მამათა მონასტრის წინამძღვრის მოვალეობის შემსრულებელი, კეთილმოწესე, იღუმენი ილარიონი (კვირიაშვილი):
09.07.2016
ბოლნელი ეპისკოპოსი ეფრემი (გამრეკელიძე):
- როგორი უნდა იყოს ეკლესიის წევრების პოზიცია, როცა ეკლესიის მიმართ არაჯანსაღი დამოკიდებულებაა? ზოგი ცდილობს, რაღაც გზებით დაიცვას ეკლესია, სად უნდა გადიოდეს ზღვარი?
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
სრულიად საქართველოს კათოლიკოს-პატრიარქი, ილია II
ბედნიერი ოჯახი

ქრისტიანული ოჯახი სიყვარულით უნდა შეიქმნას, უსიყვარულოდ ეს კავშირი არ იარსებებს,
საიტის პარტნიორები