მონასტრული ცხოვრება არსებობს ღმრთისა და მოყვასის ერთგული მსახურებით, მუდმივი ლოცვითა და სინანულით სულის განწმედისა და ცხონებისათვის
მონასტრული ცხოვრება არსებობს ღმრთისა და მოყვასის ერთგული მსახურებით, მუდმივი ლოცვითა და სინანულით სულის განწმედისა და ცხონებისათვის
წმიდა თეკლას დედათა მონასტრის მოძღვარი და წმინდა იოვანე ნათლისმცემლის შობის მამათა მონასტრის წინამძღვარი, იღუმენი იოვანე (ჩაჩიბაია):
-ისტორიიდან ვიცით, რომ წარსულში, როცა ბერ-მონაზვნური ცხოვრება მტკიცედ იდგა თავის სულიერ პოზიციებზე, მაშინ ერიც სულიერად ძლიერი და განმტკიცებული იყო. ისიც ვიცით, რომ მძიმე ისტორიული რეალიების გამო სამონაზვნო ცხოვრების აღორძინება ხშირად ფერფლიდან, თითქმის არაფრიდან დაწყებულა. ამიტომ ჩვენი იმედის ღუზის, ჩვენი ეკლესიის სწავლების განუხრელი დაცვით და ჩვენი ეკლესიის მესაჭის, უწმიდესი და უნეტარესი პატრიარქის - ილია მეორის მტკიცე სულიერი პოზიციით გამხნევებულები, იმედით შევყურებთ მომავალს და გვწამს, რომ შემწედ გვყავს ჩვენი უფალი და წმიდათა მთელი ზეციური დასი. აი, ამ შეგნებით და ამ დამოკიდებულებით გვსურს ჩვენი მონასტრის შესახებ მოგითხროთ. მაგრამ ჯერ მცირეოდენი ვთქვათ მონაზვნური ცხოვრების შესახებ.

KARIBCHE KARIBCHE

ყოველი სასულიერო დასი იმართება და იმწყესება წმიდა ეკლესიის მიერ, შიდა სამონასტრო ცხოვრების თვითმმართველობის მიუხედავად, წმიდა მონასტრებიც მას ემორჩილებიან და წარმოადგენენ ნაწილს ამ წმიდა ერთობისა, რომელიც არის ქრისტეს სხეული, რომლის უწმიდესი თავიც თვით ქრისტეა, ჩვენი გადარჩენისთვის განხორციელებული ღმერთი. წმიდა ეკლესიის საჭეთმპყრობელნი ზრუნავენ, რათა ყოველივე აღესრულებოდეს შესაბამისი წესით, წმიდა მამათა და ჩვენი ღირსეული წინაპრების მსგავსად, სადიდებელად ყოვლადწმიდისა სამებისა, ერთარსებისა და განუყოფელისა. მონაზვნობის არსი და მიზანი იყო და არის მრავალგვარი მოღვაწეობითა და მცნებათა დაცვით სულის განწმედა, ღმერთთან მიახლება, სრულყოფილებისკენ სწრაფვა, სულის ცხონება და განღმრთობა. მონაზონთა კრებული უნდა ცხოვრობდეს ერთსულოვნებით, ერთი განზრახვით, ღმრთის შიშით და ურთიერთსიყვარულით, ურთიერთპატივისცემით, მორჩილებითა და სიმშვიდით. ვინც გადაწყვეტს, რომ ამ წესით იცხოვროს, მას ეძლევა საშუალება ზნეობრივ, მშვიდ და წესრიგის მოსურნე საზოგადოებაში ცხოვრებისა, სადაც გარკვევით იციან, თუ რას მიიღებენ ან რა ევალებათ ამ მონასტრულ გარემოში შემოსვლის გამო. ისინი, უპოვარების აღთქმისა და ერთობის სულის დაცვით, სრულიად უანგაროდ, მონასტრის ხარჯით ზრუნავენ ერთმანეთზე ისე, როგორც საკუთარი ოჯახის წევრებზე; აქვთ ყველაფერი: საზრდო, სამოსი, მკურნალობა, საცხოვრებელი, ყოფითი ნივთები, ყურადღება; შრომობენ, რამდენადაც ძალა შესწევთ და რისი უნარიც აქვთ და ღებულობენ, რამდენიც სჭირდებათ. მთავარია, გულწრფელად იყვნენ მოსულნი იმისთვის, რისთვისაც მონასტრული ცხოვრება არსებობს - ღმრთისა და მოყვასის ერთგული მსახურებით, მუდმივი ლოცვითა და სინანულით სულის განწმედისა და ცხონებისათვის. მონასტერში მოსულებს სამი წლის განმავლობაში, მათ თავისუფალ არჩევანზე ძალდატანების გარეშე ცხოვრების შემდეგ, შეუძლიათ გადაწყვიტონ, მონაზვნები გახდებიან თუ ერში წავლენ. საღმრთო ცხოვრების ეს გზა - მონაზვნობა - ღმრთისგან კურთხეულია. მრავალს უჩნდება სურვილი მონაზვნობისა, მაგრამ ეშინიათ, ფიქრობენ: "მერედა მე ამას შევძლებ?" არასწორია თვითონ საკითხის ამგვარად დასმა და შიშის პოზიციით გადაწყვეტილების მიღება. სიძნელეების შიშით არც სამონაზვნო ცხოვრებას უნდა ვუყუროთ და არც საეროს. აქ უფრო ის ირკვევა, გვინდა თუ არა. თუ გვინდა, კიდეც შევძლებთ, რადგან, როგორც უფალი ამბობს: "თჳნიერ ჩემსა არარაჲ ძალ-გიც ყოფად არცა ერთი" (ინ. 15, 5) ("ჩემს გარეშე არაფერი შეგიძლია") და "შეუძლებელი კაცთაგან შესაძლებელ არს ღმრთისა მიერ" (ლკ. 18, 27). ღმერთი უყურებს ჩვენს მონდომებას, ჩვენს სურვილს, ჩვენს გადაწყვეტილებას და მერე ყოველივეს ძალასა და უნარს თვითონ გვაძლევს.

KARIBCHE

KARIBCHE

KARIBCHE

ბეჭდვაელფოსტა
კომენტარი არ გაკეთებულა
სხვა სიახლეები
06.03.2019
გვესაუბრება ჯვართამაღლების ტაძრის მღვდელმსახური იაკობ მუჯირი:
16.02.2019
გვესაუბრება მანგლისის ღვთისმშობლის მიძინების სახელობის ტაძრის დეკანოზი გიორგი მალხაზიშვილი: - გავიხსენოთ იგავი ფარისევლისა და მეზვერისა,
26.01.2019
-ვნება ყველა ადამიანს ებრძვის?
გვესაუბრება წმინდა იოანე ღვთისმეტყველის სახელობის ტაძრის მოძღვარი, დეკანოზი კონსტანტინე გიორგაძე:
06.01.2019
- ყველას მოგილოცავთ დამდეგ ბრწყინვალე დღესასწაულს, ქრისტეს შობას. ვიდრე დადგება ეს დღე, მცირედი შესავალი მინდა გავაკეთოთ,
27.10.2018
-გვესაუბრება ჭიათურისა და საჩხერის ეპარქიის სოფელ ჭალოვანის წმინდა გიორგის ტაძრის წინამძღვარი მღვდელი იოსებ სადუნიშვილი:
14.10.2018
წერაქვის მამათა მონასტრის იღუმენი ზენონი (დადვანი):
24.04.2018
გვესაუბრება წალენჯიხის მაცხოვრის ფერისცვალების სახელობის ტაძრის დეკანოზი ანდრია კემულარია:
23.03.2018
გვესაუბრება წმინდა ექვთიმე ათონელის სახელობის საეკლესიო სამართლის ინსტიტუტის წევრი, იტრიის ღვთისმშობლის მამათა მონასტრის წინამძღვარი , სქემმღვდელმონაზონი საბა (ნატროშვილი):
10.11.2017
-მესტიის მაცხოვრის აღდგომის სახელობის საკათედრო ტაძრის წინამძღვარი, დეკანოზი ლუკა ბუცხრიკიძე:
02.11.2017
გვესაუბრება ზუგდიდის ვლაქერნის ყოვლადწმინდა ღმრთისმშობლის ხატის სახელობის საკათედრო ტაძრის მღვდელმსახური, ზუგდიდისა და ცაიშის ეპარქიის ახალგაზრდობის სულიერი და ინტელექტუალური განვითარების ცენტრის ხელმძღვანელი, კიევის სასულიერო აკადემიის თეოლოგიის მაგისტრანტი, მღვდელი დიმიტრი ვეკუა:
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები: