სულიერებით განათებული
სულიერებით განათებული
მისი ბაგიდან მხოლოდ სანუგეშოს გაიგონებდით
უფალი გამოირჩევს ხოლმე სათნო და კეთილ ადამიანებს. ასეთი რჩეულთაგანი იყო მონაზონი ბარბალე (ერობაში ჟუჟუნა), სიკეთით, კაცთმოყვარეობით სავსე და საოცარი სულიერებით განათებული. მისი გამოჩენა, მისი მშვიდი, ოდნავ ტკივილიანი ღიმილი და სიყვარულით ნათქვამი - ღმერთმა დაგლოცოთ - სიხარულით აღავსებდა ყველას. მისი ბაგიდან მხოლოდ სანუგეშოს გაიგონებდი. ყველა და ყველაფერი უყვარდა, კაბის ქობაზე მიკრულ ძურწასაც ფრთხილად, დაუზიანებლად მოიშორებდა და ღიმილით ეტყოდა, - გამომირჩიე, შე დალოცვილოო? ბილიკზე გადაღობებულ ბარდებს ისე გადასწევდა, თითქოს ეშინოდა, არაფერი ვატკინოო. მის სარკმელს არ შორდებოდნენ ბეღურები ზამთარ-ზაფხულ - საკენკს ყოველთვის ახვედრებდა ფრთოსნებს. უკანასკნელ ლუკმას გაიღებდა, უკანასკნელ გროშს არ დაიშურებდა თავად არც ისე დალხინებული, მაგრამ სხვისი სიხარულით ბედნიერი.

ძალიან უყვარდა ბავშვები. მცხეთის, ნატახტრის, წილკნის ეკლესიათა მოსალოცად მიჰყავდა პატარები, ლოცვებს ასწავლიდა, ხატებს ჩუქნიდა. ავადმყოფი ბავშვები მის ნახვას ითხოვდნენ, მისი ალერსი სწყუროდათ. ის უგრილებდათ მხურვალე შუბლს...

უმძიმესი ცხოვრება ჰქონდა გამოვლილი - მამის ომში დაღუპვის ცნობა რომ მიიღო ოჯახმა, 5 წლისა იყო, უფროსი და - 10-ის, ხოლო უმცროსი, მაყვალა, - ორისაც არა...

დედა წვრილშვილიან ქვრივს მისთხოვდა, უფროსი და მამიდამ იშვილა, უმცროსები საბავშვო სახლში მიიყვანეს... მალე მთიული გოგონა სამეგრელოში მოხვდა მარტოხელა მოხუცის დამლაპარაკებლად. მაყვალას ასავალ-დასავალი გაქრა...

დამლაპარაკებელი კი არა, ოჯახის მარჩენალი შეიქნა პატარა გოგო, სკოლაში ანბანის სწავლა მოასწრო და მერე სადილ-ვახშამს და ბაღ-ბოსტანს შეეჭიდა...

KARIBCHEობლის გულს მოხუცის სითბო მალამოდ ეცხებოდა. მან ასწავლა ლოცვა და ღვთის სიყვარული...

მერე იმერეთის სოფელში მოხვდა, იქიდან - დედაქალაქში.

მიუსაფარი და მარტოსული დედაეკლესიამ შეიფარა.

წილკნის ეპისკოპოსმა და მაშინ სასულიერო აკადემიის რექტორმა, მეუფე ზოსიმემ უმალ შეამჩნია კეთილმორწმუნე. საქმე გაუჩინა - სასწავლებლის დასუფთავება დაავალა.

"ეს უბრალო, არაფრით გამორჩეული პატარა ქალი საკვირველად ერთგული იყო, - წერს მეუფე ზოსიმე თავის წიგნში "დიდება ღმერთს ყველაფრისათვის", - საქმის მოთავების შემდეგაც არ მიდიოდა სასწავლებლიდან, ვიდრე იქ ვეგულებოდი. ცდილობდა, ახლოს ყოფილიყო, რომ ჩემთვის შრომა-გარჯა ცოტათი შეემსუბუქებინა, ხოლო უსიამოვნებების ჟამს ხიფათი აერიდებინა. მალე მივხვდი, ღვთისმშობლისგან იყო გამოგზავნილი და უნდა მოვფრთხილებოდი... როცა მონაზვნობის სურვილი შევამჩნიე, აღვკვეცე და სახელად ბარბალე ვუწოდე..."

ბოლო ხანს სენმა დარია ხელი, საოცრად გამჭვირვალე გახდაო, - ამბობდა მეუფე ზოსიმე.

განვიდა ამ ქვეყნით სიყვარულით გარემოსილი.

უფალმა კეთილად მიაგოს მის სულს ღვაწლისთვის...

სალომე ქოიავა
ბეჭდვაელფოსტა
29.07. 2014
Marina Odi
vaime deda barbare, dzalian tbili dedao. zamtarshi yinvashic ki xelebi sul tbili qonda da chvenc gvitbobda xolme. gmertma natelshi amyopos misi suli
24.07. 2014
manana anua
უსაყვარლესი,უსათნოესი,უთბილესი,ბავშვივით სუფთა და ალალი უძვირფასესი დედა ბარბარე... არასოდეს დამავიწყდება მისი სხვანაირად თბილი და ალერსიანი გამოხედვა,მისი წყნარი და მშობლიური ხმა.. უფალმა წმინდათა თანა განუსვენოს მისი ულამაზესი უკვდავი ნათელი სული...
სხვა სიახლეები
31.08.2019
გვესაუბრება არქიმანდრიტი დოროთე (ყურაშვილი):
15.08.2019
ათონის წმინდა მთა მართლმადიდებლობის სულიერების ცენტრია, რომელმაც მრავალი აღმსარებელი და სარწმუნოების დამცველი აღზარდა.
01.09.2018
სარკინეთის მონასტრის წინამძღვარი მღვდელ-მონაზონი ანუბი (მენაღარიშვილი) :
29.06.2017
საქართველო- აზერბაიჯანის საზღვარზე, წითელ ხიდზე მდებარე მთავარანგელოზთა სახელობის მამათა მონასტრის წინამძღვარი მამა ანდრია (ორმოცაძე):
24.06.2017
გვესაუბრება ათონის წმინდა მთის, წმინდა პავლეს მონასტერში მოღვაწე ქართველი ბერი, სქემ-მონაზონი იერონიმე:
-"არა თქუენ გამომირჩიეთ მე, არამედ მე გამოგირჩიენ თქუენ და დაგადგინენ თქუენ, რაითა თქუენ წარხვიდეთ და ნაყოფი გამოიღოთ" (იოან.15:16).
17.05.2017
-ეკლესიური ცხოვრება წინა თაობებთან შედარებით ნაადრევად, ხოლო მომავალი თაობისგან განსხვავებით შედარებით გვიან, 22 წლისამ დავიწყე. სულიერ შიმშილს ვგრძნობდი და ანჩისხატის ტაძარში მივედი.
29.03.2016
აი უკვე 8 წელმა განვლო, რაც ღვთის დიდი სიყვარულით შევუდექი ბერობის გზას, გზას ეკლიანს და გოლგოთისას, თავისი მძიმე ჯვრით,
24.03.2016
ათანასე (ნიკოლაუ), ლიმასოლის მიტროპოლიტი, კვიპროსი

თემა, რომელიც მე შემომთავაზეს, შემდეგია: მონაზვნური ტრადიცია და თანამედროვე მონასტრები.
24.11.2011
ბერი ისტორიაზე მაღლა დგას და ალბათ, სწორედ ამიტომაც, თავად ქმნის ისტორიას
ბევრ ჩვენგანს არასაკმარისი ცოდნა აქვს მართლმადიდებლობისა და მისი გულის - აღმოსავლური ბერმონაზვნობის შესახებ
24.11.2011
"კარიბჭის" ერთ-ერთ ნომერში ბერი ანდრიას (ერისკაცობაში ნუგზარ მილორავა) ანდერძი გამოქვეყნდა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
ჟურნალი
ჟურნალის ბოლო ნომრები:
უფალმა იესო ქრისტემ ზეცად ამაღლების შემდგომ წარმოგზავნა 12 მოციქული, რათა ყოველი მისი სიტყვა ხალხისთვის გადაეცათ. უფლის მოციქულები სხვადასხვა ქვეყანაში გაემართნენ საქადაგებლად.