გერგეტობა
გერგეტობა
ღვთაებრივი სიყვარულის დღე
"ეს რა ხალხია ქართველები, ძნელად მისასვლელ მთის წვერებზე აგებენ ტაძრებს. ნეტავ რატომ შვრებიან ასე?" - აღნიშნავს ფრანგი მოგზაური შარდენი. ის ამას ბარის სალოცავებზე ამბობდა. მაშ, რაღა ითქმის იმ სალოცავებზე, ცისა და მიწის გასაყარზე რომ აუშენებიათ ქართველთ... ერთ-ერთი ასეთია გერგეტის სამება. ტაძრის დღესასწაულზე საუბრისას საჭიროა ვიცოდეთ თვით ტაძრის მოკლე ისტორია. მასალებზე მუშაობისას დახმარება ამავე მონასტრის წინამძღვარს იღუმენ იოსებს (თავაძე) ვთხოვეთ.

სტეფანწმინდისა და ხევის ეპარქია აღმოსავლეთ საქართველოში, შიდა ქართლის უკიდურეს ჩრდილოეთით მდებარეობს და მდინარეების თრუსოს, თერგისა და სნოსწყლის აუზებს მოიცავს. ეპარქიის შემადგენლობაშია საქართველოს მთიანეთის პატარა ქალაქი ყაზბეგი (ძვ. სტეფანწმინდა) და მისი მიმდებარე ისტორიული პროვინცია - ხევი, ადრინდელი შუა საუკუნეების წინარეთი. ქვეყნის თანამედროვე საეპარქიო დანაწილების საფუძველზე სამღვდელმთავრო ტერიტორიას აღმოსავლეთიდან ესაზღვრება თიანეთისა და ფშავ-ხევსურეთის ეპარქია, სამხრეთ-აღმოსავლეთიდან - წილკნისა და დუშეთის, დასავლეთიდან და სამხრეთ-დასავლეთიდან - ნიქოზისა და ცხინვალის ეპარქია, ჩრდილოეთიდან - საქართველო-რუსეთის სახელმწიფო საზღვრის მონაკვეთზე კი - ოსეთის ავტონომიური რესპუბლიკა.

ქვეყნის სახელმწიფოებრივი სიმტკიცის ერთ-ერთი მძლავრი დასაყრდენი მხარე, შიდა ქართლის ჩრდილოეთი კარიბჭე - ხევი, წილკნის ეპარქიის შემადგენლობაში ითვლებოდა. ხევის მოქცევა კი აღმოსავლეთ საქართველოს მთიელი ტომების გაქრისტიანებას უკავშირდება და წმინდა მეფე მირიანის ძეს - ბაქარს მიეწერება, რომელმაც "მოაქცივნა უმრავლესნი კავკასიანნი".

გერგეტში, საქართველოს ერთ-ერთ ულამაზეს მაღალმთიან სოფელში, სტეფანწმინდისა დ ხევის ეპარქიის ტერიტორიაზე, მდინარე თერგის შენაკად ჩხერის მარჯვენა ნაპირზე, ზღვის დონიდან 2200 მეტრზე, აღმართულია ყოვლადწმინდა სამების სახელობის ტაძარი.

სამების მთაზე XIV საუკუნემდე ჯვრის არსებობის ფაქტი დამოწმებულია თეიმურაზ ბატონიშვილის "ივერიის ისტორიაში", სადაც ნათქვამია, რომ სამების მთაზე წმინდა ანდრია მოციქულს ქრისტიანობა უქადაგია და ჯვარიც აღუმართავს.

საუკუნეების განმავლობაში არ ყოფილა არც ერთი მნიშვნელოვანი მოვლენა, რომელიც სამებასთან არ ყოფილიყო დაკავშირებული. ტაძარი XIV საუკუნეშია აგებული და მას ძველ დროში თავდაცვითი ფუნქციაც ჰქონია. ვახუშტი ბაგრატიონის ცნობით, ძნელბედობის ჟამს სწორედ აქ ხიზნავდნენ საკათალიკოსო სამკაულებს და, ამავე მიზეზით, გარკვეული დროის განმავლობაში აქ ესვენა წმინდა ნინოს ჯვარი.

1981 წლის 16 ივლისს, როცა საქართველოს კათოლიკოს-პატრიარქი, უწმინდესი და უნეტარესი ილია II მშობლიურ მხარეში მოსალოცად ჩაბრძანდა, წირვა-ლოცვა გერგეტის წმინდა სამების ტაძარში პირველად აღავლინა და, როგორც ქადაგებისას ბრძანა, პირველად იგრძნო ღმერთთან ასეთი სიახლოვე და ღვთაებრივი სიყვარული. მას შემდეგ უწმინდესი გერგეტობას, როგორც ღვთაებრივი სიყვარულის დღეს, ისე აღნიშნავს და სადღესასწაულო წირვა-ლოცვას სწორედ ამ ტაძარში აღავლენს.

16 ივლისს ყველა, ვისაც აქ უცხოვრია თუ უბრალოდ უყვარს ეს წმინდა ადგილი, გერგეტში იკრიბება და ერთად აღნიშნავს ამ ლამაზ დღესასწაულს - ღვთაებრივი სიყვარულის დღეს.

"არ შეიძლება ითქვას - ჩვენ გვიყვარს ღმერთი, მაგრამ არ გვიყვარდეს ადამიანი... უსიყვარულოდ შეუძლებელია ცხოვრება, უნდა გვიყვარდეს ერთმანეთი. გვიყვარდეს მოყვასი ჩვენი; გვიყვარდეს, თუ გვინდა, ვიპოვოთ ღმერთთან მისასვლელი გზა... თუ გვინდა, ვიყოთ ბედნიერნი. მხოლოდ იმ შემთხვევაში მოიპოვებს ადამიანი მადლსა ღვთისასა, როცა სულიერად გაძლიერდება და ამაღლდება", - ილია II, სრულიად საქართველოს კათოლიკოს-პატრიარქი.

უფალმა მოგვცეს ღვთაებრივი სიყვარულის ძალა!

მოამზადა
დემეტრე ტლაშაძე
ბეჭდვაელფოსტა
კომენტარი არ გაკეთებულა
სხვა სიახლეები
19.04.2019
ლაზარეს აღდგინების მომდევნო დღეს იესო ქრისტე ბეთანიიდან იერუსალიმში გაემგზავრა.
19.04.2019
ბზობის დღესასწაულს წინ უძღვის "ლაზარეს შაბათი", როდესაც ეკლესია დღესასწაულობს იესო ქრისტეს მიერ თავისი მეგობრის, ოთხი დღის მკვდარი ლაზარეს აღდგინებას (იოანე 11. 1-45).
07.01.2019
ვანისა და ბაღდათის ეპარქიის, სოფელ დიდველის წმინდა ანდრია პირველწოდებულის ტაძარის წინამძღვარი,
03.12.2018
როგორც ვიცით, იოაკიმესა და ანნას აღთქმა ჰქონდათ დადებული, თუ შვილი მიეცემოდათ უფლისათვის შეეწირათ იგი, როცა მარიამს სამი წელი შეუსრულდა,
12.11.2018
მართლმადიდებლური ეკლესია 13 ნოემბერს ასი ათასი მოწამის ხსენების დღეს აღნიშნავს.
14.10.2018
"საქართველოს სამოციქულო ეკლესიის ისტორია," ტომი II -ში ვკითხულობთ: ქართული წყაროების მიხედვით, ქართული ეკლესია V საუკუნეშივე აკურთხებდა მირონს.
19.08.2018
ამბროლაურის რაიონის სოფელ წესში მდებარე ბარაკონის მადლიან ტაძარში განსაკუთრებული ხალხმრავლობა ზაფხულში იგრძნობა ხოლმე.
20.04.2018
დღესასწაულთან ერთად აღდგა ამ გზაზე ლოცვითი მსვლელობის წესი
10.04.2018
ბრწყინვალე შვიდეულში ყველა საეკლესიო წესს განსაკუთრებული ელფერი აქვს;
07.04.2018
"გიხაროდენ, მიმადლებულო, უფალი შენ თანა"
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
"იყუარებოდეთ ურთიერთას" - ქადაგებდა იოანე მახარებელი.
წმიდა მოციქული არ მოშორებია მოძღვარს, როცა იგი, შებორკილი, გეთსიმანიის ბაღიდან ანასა და კაიაფას სამსჯავროზე მიჰყავდათ, თან შეჰყვა მაცხოვარს მღვდელმთავრის ეზოში და მის დაკითხვას დაესწრო;