ძალიან დიდი ნუგეშია, როცა შენი რწმენის პასუხს ღვთისგან ხედავ
ძალიან დიდი ნუგეშია, როცა შენი რწმენის პასუხს ღვთისგან ხედავ
ძამის ხეობისკენ მიმავალს ისე შთაბეჭდილება გრჩება, თითქოს ბერმონაზვნების ქალაქში მოგზაურობ. ყოველ ნაბიჯზე მონასტრებია, ყოველ ნაბიჯზე დედების თუ მამების ხმატკბილი გალობა ისმის... ამ ხეობაში მდებარე მამათა მონასტრის, სარკინეთის ხილვამ ყოველგვარ მოლოდინს გადააჭარბა. იქ მონასტრის წინამძღვარი მღვდელ-მონაზონი ანუბი (მენაღარიშვილი) გველოდა. მამა ანუბმა გაგვაცნო თუ როგორ დაარსდა სარკინეთის წმინდა შიო მღვიმელის სახელობის მამათა მონასტერი.

-თავიდან აქ არაფერი არ იყო, მხოლოდ პატარა შენობა იდგა. ღმერთმა ინება და ყველაზე მეტად რაც გვჭირდებოდა და გვსურდა - მონასტრის დაარსება შევძელით . საუკუნეების განმავლობაში ჩვენი წინაპრები კვეთდნენ კლდეში ტაძრებს, ჩვენ მოვინდომეთ გაგვეცოცხლებია ისტორია, რაც შევძელით კიდეც. ძალიან დიდი ნუგეშია, როცა შენი რწმენის პასუხს ღვთისგან ხედავ და გამოდის ის, რაზეც სპეციალისტები გეუბნებიან, შეუძლებელია გამოვიდეს. ღვთის წყალობით, ჩვენი მღვდელმთავრის, მეუფე იობის ლოცვა-კურთხევით და მამა საბას (ჟღენტი) ძალიან დიდი შრომით და ძალისხმევით გამოვიდა ის, რასაც თავად ხედავთ. აღმოჩნდა, რომ ბევრად უფრო რთულ კლდეში შევძელით გამოგვეკვეთა ტაძარი ისე, როგორც ჩვენმა წინაპრებმა გამოკვეთეს,- ვარძია, დავით გარეჯი, თავკვეთულა, ვანის ქვაბები და ასე შემდეგ. ჩვენი კლდე, ძალიან ძნელად სანგრევი აღმოჩნდა, თუმცა ღვთის შეწევნით, თავდაუზოგავი შრომით და მოთმინებით, ყველაფერი გამოვიდა. ჩვენმა შრომამ ნაყოფი გამოიღო და 2011 წლის 20 ოქტომბერს ტაძარი გაიხსნა და დაიწყო მონასტრული ცხოვრება. 

სარკინეთის ტაძრის მოხატვა დაიწყო დაახლოებით 2015 წელს  მეცენატის ლევან ახვლედიანის მიერ. მისი ფინანსური დახმარებით, ხატმწერმა ვასილ ზანდუკელმა მოხატა ჩვენი ტაძარი. ხატწერა მართლაც გამორჩეულია... ტაძრის იერსახე მთლიანად შეცვალა. შეიძლება ითქვას, ხატწერამ  აქაურობა კიდევ უფრო განსაკუთრებული გახადა. ვასილის დიდი შრომით ბევრი უნიკალური ფრესკა შეიქმნა. მათ შორის  წმინდა შიო მღვიმელის მიცვალება, ფარსმან მეფის გვირგვინის დადგმა შიო მღვიმელის მიერ... თუმცა, შეიძლება ითქვას რომ მხატვრობის "გვირგვინი" საქართველოს დიდების ფრესკაა, რომელიც ავსებს სარკინეთის ტაძარს. 

სამწუხაროა, რომ ბევრმა ადამიანმა არ იცის ამ მონასტრის შესახებ. დროთა განმავლობაში, მომლოცველთა რიცხვი საგრძნობლად გაიზარდა, რაც ძალიან გვახარებს, რადგან ყველამ უნდა ნახოს , რომ "შეუძლებელ კაცთაგან, ღვთისსთვის შესაძლებელ არს". აქაურობას ალბათ ყველაზე მეტად ეს დატვირთვა აქვს.

KARIBCHE

ტაძარი წმინდა შიო მღვიმელის სახელობისაა. პირობითად აქაურობას სარკინეთი დაერქვა, რადგან შიო მღვიმელი მცხეთაში, სარკინეთის მთებში მოღვაწეობდა, იქ სადაც დღეს შიო მღვიმის მონასტერია. ისე ამ სოფელს ელბაქიანთ კარი ჰქვია.

-რამდენი ხართ მონასტერში?

-ამჟამად ექვსნი ვართ. ჩვენი ორი ბერი ათონზე, ვათოპედის მონასტერში ერთი წლით არიან წასულები, მორჩილებას გადიან, სწავლობენ ენას, ცდილობენ გაძლიერდნენ მონასტრულ ცხოვრებაში.

-მამაო, დღეს როგორ ცხოვრობთ?

-როგორც ყველა მონასტერში ალბათ ჩვენი ტიბიკონიც იგივეა. ლოცვას შუაღამისას 4 საათზე ვიწყებთ. ვცდილობთ შეძლებისდაგავარდ ყოველდღე აღვასრულოთ წირვა. დრო გვაქვს დასვენებისთვის, პირადი კანონებისთვის, საკუთარ თავთან მარტო დარჩენისთვის. დღეში ორჯერ არის ტრაპეზი. დანარჩენი ფიზიკურად გვიწევს შრომა. რასაც ახლა უყურებთ აქ გაკეთებულს, ძირითადი ნაწილი ჩვენი ხელებითაა შექმნილი. არცერთმა ჩვენგანმა იცოდა რაიმეს კეთება, მაგრამ სურვილი იმისა, რომ ჩვენი ხელით შეგვექმნა ღვთის სახლი იმდენად დიდი იყო რომ ეს წინააღმდეგობაც მარტივად გადავლახეთ. წლები გავიდა, მონასტერი ნელ-ნელა მოეწყო, ღვთის წყალობით და კეთილი ადამიანების თანადგომით დღეს უკვე ყველა პირობაა იმისთვის, რომ აქ მოსულმა ადამიანებმა მონასტრულად იცხოვრონ და უფალი განადიდონ. გვაქვს სენაკები, დიდი სატრაპეზო, სტუმრებისთვის მისაღები სახლი, ჩვენი მეურნეობა. ვამუშავებთ მიწებს, გვაქვს ხელოვნურად მოწყობლი ტბა და გვყავს თევზები.

KARIBCHE KARIBCHE

-თქვენ როგორ მოხვედით მონასტერში, როგორ დაიწყეთ ბერული ცხოვრება?


- მონასტრული ცხოვრება ბავშვობიდან მიზიდავდა და მაინტერესებდა. მონასტერში დავდიოდი. წარმოშობით ქუთაისიდან ვარ. მოძღვარი ბერი მყავდა და მისი ცხოვრება გახდა ჩემი ცხოვრების მაგალითი. ამ გადმოსახედიდან ბავშური იყო ჩემი სურვილებიც და შეხედულებებიც. ბერული ცხოვრების სურვილი პირველად 12 წლის ასაკში გამიჩნდა, დროის გასვლასთან ერთად სულ უფრო მწიფდებოდა და არ ნელდებოდა. 16 წლის ვიყავი როცა ძამის ხეობაში რადგან ბავშობიდანვე ვიცოდი ეს ადგილი, ბევრი მსმენოდა აქ არსებული მონასტრული ცხოვრების შესახებ. შეიძლება ითქვას მე გამიმართლა და პირველივე დღეებიდან მეუფე იობის მორჩილებაში აღმოვჩნდი.ფაქტიურად სულიერ აკადემიაში მოვხვდი. მეუფე იობს გადამდები შემართება აქვს, მისმა პირადმა მაგალითმა და ცხოვრების წესმა განაპირობა ჩემი და მრავალი აქ მოღვაწე ბერის სურვილი მონასტრული ცხოვრებისა. შეიძლება ითქვას რომ ბავშვობიდან ძალიან აქტიურად ვკითხულობდი თქვენს ჟურნალს "კარიბჭეს". დღეს, ძალიან დიდი მნიშვნელობა აქვს თუ როგორ მიიტან ადამიანების გულებამდე სწორი ცხოვრების მიმართულებას,თქვენ ამას მუდმივად ახერხებდით.

KARIBCHE
ბეჭდვაელფოსტა
07.08. 2018
ამინ!!!
გაგაძლიეროთ და წყალობით აგავსოთ მამაზეციერმა! სამაგალითოა თქვენი ქრისტიანული ცხოვრება! მჯერა, სწორედ თქვენისთანა სულით და გულით სუფთა ადამიანები უყვარს უფალს! ქრისტესმიერი სიყვარულით დაჯი-ნინო.
03.08. 2018
mrevli
უფალი შეგეწიოთ და შეგიწიროთ თქვენი ნაღვაწი
02.08. 2018
ნ.ნ.
დიდხანს იცოცხლეთ მამა ანუბ! ეს ტაძარიც ისეთივე ლამაზია, როგორი ლამაზი სულიც თქვენ გაქვთ.დაგვლოცე...
30.07. 2018
ჯაბა
საოცრად ლამაზი მონასტერია
სხვა სიახლეები
03.12.2018
ანჩისხატი ძველ თბილისში, საპატრიარქოს ახლოს მდებარობს. შესაძლოა ბევრმა არც კი იცის, რომ VI საუკუნის ტაძარი ღვთისმშობლის შობის სახელობისაა.
27.10.2018
ვისაც კი ერთხელ მაინც მოულოცავს მცხეთის სამთავროს წმიდა ნინოს დედათა მონასტერი, მას კიდევ მრავალჯერ უჩნდება სურვილი, მიეახლოს და თაყვანისცეს ამ მადლმოსილ წმინდანთა ნატერფალის სავანეს...
21.09.2018
დიდუბის ტაძარი
გადმოცემის თანახმად, იმ ადგილას, სადაც ამჟამად ეკლესიაა აღმართული, კეთილმსახური მწყემსი ფარას აძოვებდა.
11.09.2018
წმინდა იოანე ნათლისმცემლის კიდევ ერთი მადლიანი მონასტერია ვანის ქვაბები. მთავარი ტაძარი იოანე ნათლისმცემლის სახელობისაა.
11.09.2018
11 სექტემბერს, იოანე ნათლისმცემლის თავის კვეთის დღესასწაულს მორწმუნეთა უმრავლესობა თავკვეთულას მონასტერში აღნიშნავს.
04.09.2018
ახალციხისა და ტაო-კლარჯეთის ეპარქიაში, მეუფე თეოდორეს(ჭუაძე) ლოცვა-კურთხევით, ორი წლის წინ აღდგა ბერთსაყუდელის უძველესი, კლდეში ნაკვეთი მცირე მონასტერი,
01.09.2018
ნიკორწმინდელი მღვდელმთავრის, მეუფე ვახტანგის (ლიპარტელიანი) ლოცვა-კურთხევით და ძეგლთა დაცვის სააგენტოს დახმარებით მიმდინარეობს ჭელიშის ღვთისმშობლის შობის სახელობის ტაძრის აღდგენითი სამუშაოები.
26.08.2018
ნიკორწმინდის ამ უნიკალურ ტაძარს უკვე რამდენიმე თვეა სარესტავრაციო სამუშაოები უტარდება.
14.08.2018
გაზეთში "ქართული საქმე" ( N7, 1947 წ.) ამგვარი საინტერესო ინფორმაცია ამოვიკითხე.
11.07.2018
მცხეთაში, სამთავროს წმიდა ნინოს დედათა მონასტრის წინამდებარე ტერიტორიაზე, ღვთის მადლით იგეგმება პირველ ქრისტიან გვირგვინოსანთა, მოციქულთასწორთა წმიდათა მეფე მირიანისა და დედოფალ ნანას ძეგლის დადგმა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ანჩისხატი ძველ თბილისში, საპატრიარქოს ახლოს მდებარობს. შესაძლოა ბევრმა არც კი იცის, რომ VI საუკუნის ტაძარი ღვთისმშობლის შობის სახელობისაა.