ქარელის რაიონში ულამაზესი ძამის ხეობაა. თუ გზას ამ ხეობის მიმართულებით დაადგებით, ირგვლივ მრავალი ეკლესია-მონასტერი შეგხვდებათ.
მართლაც რომ ბერთა სავანეა დაფუძნებული. მეუფე იობის ლოცვა-კურთხევით ამ ხეობაში ტაო-კლარჯეთის მონასტრების სახელობის მონასტრებია დაარსებული: შატბერდი, წყაროს თავი, სარკინეთი, ტბეთი...
ერთ-ერთია ბანას წმინდა გრიგოლ ხანძთელის სახელობის მამათა მონასტერი. ამ მონასტრის წინამძღვარია, არქიმანდრიტი ბასილი (კაკიაშვილი).
ბანას მონასტერში წმინდა გრიგოლ ხანძთელის ტაძარის გევრდით ღვთისმშობლის საფარველის სახელობის ტაძარია, რომელიც 2004 -2005 წლებში აშენდა. წმინდა გრიგოლის ტაძარი ხის არის. ყოვლადწმინდა ღვთისმშობლის საფარველის ბაზილიკა კი ქვისგან არის აშენებული.
ამჟამად მონასტერში ცხრა წევრია, მათგან ოთხი ბერია, ერთი მორჩილი და ერთიც სამორჩილე.