ადიგენის მუნიციპალიტეტის სოფელ ბენარასთან მდებარე ორ ჰექტრამდე მიწის ნაკვეთზე, მესხური ვაზის ჯიშებით ვენახის გაშენება დაიწყო
ადიგენის მუნიციპალიტეტის სოფელ ბენარასთან მდებარე ორ ჰექტრამდე მიწის ნაკვეთზე, მესხური ვაზის ჯიშებით ვენახის გაშენება დაიწყო
ვებ გვერდზე Reginfo.ge ვკითხულობთ, რომ სოფელ უდეში მოღვაწე სასულიერო პირმა, არქიმანდრიტმა გრიგოლ ქურციკიძემ საპატრიარქოსგან 25-წლიანი იჯარით აიღო, გუშინ მესხური ვაზის ჯიშების 3300 ნერგი ჩაყარეს. უდის ანთიმოზ ივერიელის სახელობის მამათა მონასტრის წინამძღვარმა არქიმანდრიტმა გრიგოლმა (ქურციკიძე), "რეგინფოსთან" განაცხადა, რომ ვენახი უდეს სამი მონასტრის სახსრებითა და მრევლის დახმარებით გაშენდება, მიზანი კი ადიგენში მესხური ვაზის ჯიშების აღდგენა და ადგილობრივი ტურიზმის განვითარების ხელშეწყობაა. რვა ჯიშის მესხური ვაზი – მესხური მწვანე, ჩიტის თვალა, ხარისთვალა, კლერტმაგარა, ცხენის ძუძუ, თამარის ვაზი, შავი ასპინძურა და ხიხვი ჩავყარეთ. ეს პირველი შემთხვევაა, როდესაც ადგიგენში მესხური ვაზის ჯიშებით ვენახი შენდება. ადრე იყო, მაგრამ ახლა აღარაა. ბევრი ადგილია ისეთი, სადაც ხანში შესულ ხალხს ახსოვს, რომ ვენახები იყო. ეს ჯიშები ჯერ თურქობის დროს განადგურდა, შემდეგ საბჭოთა კავშირის პერიოდში. კომუნისტებმა აქ ჰიბრიდული ფრანგული ჯიშები ჩამოიტანეს და გააშენეს, ანუ აქცენტი მესხურ ჯიშების აღდგენაზე არ იყო. ახლა, ღვთის წყალობით, მესხური ვაზი თავის სამშობლოს დაუბრუნდება", - ამბობს არქიმანდრიტი გრიგოლი. მისივე თქმით, ვენახის გაშენება ადიგენში ღვინის ტურიზმის განვითარებას შეუწყობს ხელს.

"ეს ჯიშები ნელ-ნელა გავრცელდება, მოსახლეობაც გააშენებს ვენახებს და მევენახეობის კულტურა აღდგება. რა თქმა უნდა, თუ ვენახი იქნება, "ღვინის გზაც" იქნება და შესაბამისად, ტურისტიც ჩამოვა, ღვინის ტურიზმი განვითარდება. ახლა ადიგენის მუნიციპალიტეტში "ღვინის გზა" არ არის, იმიტომ, რომ ვენახი არაა, - უთხრა "რეგინფოს" სასულიერო პირმა. ვაზის ჩაყრაში სასულიერო პირებს მრევლი და კლუბ "ტაოს" მორაგბეები დაეხმარნენ. არქიმანდრიტი გრიგოლის თქმით, ამ პროცესში სიმბოლური მონაწილეობა მიიღეს სამცხე-ჯავახეთის გუბერნატორმა ბესიკ ამირანაშვილმა, ადიგენის მუნიციპალიტეტის მერმა ზაქარია ენდელაძე, მერიისა და საკრებულოს თანამშრომლებმა. არქიმანდრიტმა გრიგოლმა სოფელ ბენარასთან სამი ჰექტარი მიწის ნაკვეთი იჯარით 2020 წლის თებერვალში მიიღო. მეიჯარე საქართველოს საპატრიარქოა, რომელმაც ეს ნაკვეთი 2019 წლის სექტემბერში დაიმტკიცა. მანამდე ტერიტორია სახელმწიფო საკუთრება იყო და სახელმწიფო ტყის ფონდში შედიოდა. "მაგალითად, წვეთოვანი რომ გავაკეთოთ, ვინმეს თანხა რომ გადავუხადოთ, უნდა იყოს ადამიანი, ვისაც მიწა აბარია და ამიტომ მოხდა იჯარით აღება, თორემ ეს საპატრიარქოს მიწაა და იქნება. საპატრიარქოს მიწა კი საქართველოს მიწაა. საქართველოს თუ რამე შემოენახა, შემოუნახა ეკლესიამ", - უთხრა "რეგინფოს" სასულიერო პირმა. არქიმანდრიტი გრიგოლი ამ ტერიტორიაზე ვენახის გაშენების გარდა, გრიგოლ ხანძთელის ეკლესიის აშენებასაც გეგმავს.


ბეჭდვაელფოსტა
კომენტარი არ გაკეთებულა
სხვა სიახლეები
09.07.2020
საქართველოს მართლმადიდებელი ეკლესია თვალყურს ადევნებს გავრცელებულ ინფორმაციას იმის შესახებ, რომ აია-სოფიას,
03.07.2020
30 ივნისს, მოწამე შალვა ახალციხელის ხსენების დღეს, ბორჯომისა და ბაკურიანის ეპარქიაში, ტიმოთესუბნის ღვთისმშობლის მიძინების მამათა მონასტერში
02.07.2020
ვარკეთილის მესამე მასივში, კალაუბნის ქუჩის ბოლოში, მდებარეობს მთავარანგელოზთა სახელობის მშენებარე ტაძარი. 2014 წელს უწმინდესისა და უნეტარესის
26.06.2020
წლების წინ გატყობინებდით, რომ ქარელის რაიონის  სოფელ ლეთეთში მდებარე ღვთისმშობლის შობის სახელობის უძველესი ტაძარი
09.06.2020
უკვე ტრადიციად იქცა მასმედიის ზოგიერთი საშუალების მხრიდან საპატრიარქოზე, სინოდსა და სამღვდელოებაზე თავდასხმები
08.06.2020
მე, შირვან ალიევი, ეთნიკური აზერბაიჯანელი, თელავის მუნიციპალიტეტის საპატიო მოქალაქე, სოფელ ყარაჯლის მცხოვრები, სპციალობით ისტორიკოს - ფილოლოგი
05.06.2020
ორშაბათიდან, 8 ივნისიდან, "ბიბლიის განმარტებების" მე-10 ტომს შეიძენს მკითხველი გაზეთ "კვირის პალიტრასთან" ერთად.
01.06.2020
"ჩვენო სამშობლოვ, წმიდა ნინო ცამ მოგივლინა,
29.05.2020
მიმდინარე წლის 28 მაისს მარნეულისა და ჰუჯაბის ეპარქიის საეპისკოპოსო რეზიდენციაში შედგა შეხვედრა მარნეულისა და ჰუჯაბის ეპისკოპოს გიორგის(ჯამდელიანი),
21.05.2020
რადიო "მარნეულის" ინფორმაციით (21.05.2020), "მარნეულის კულტურის ცენტრის მიმდებარე ტერიტორიაზე არსებულ სკვერში მდებარე,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ჟურნალი
ჟურნალის ბოლო ნომრები:
სოლომონ მეფის გარდაცვალების შემდეგ, ქრისტეს წინარე 980 წელს, სამეფო ტახტზე მისი ძე რობოამი ავიდა. მძიმე გადასახადებით წელში გამწყდარმა ხალხმა სთხოვა ახალ მეფეს უღლის შემსუბუქება, მაგრამ რობოამმა უარი განაცხადა.