ათონზე, ბერძნულ მონასტერში, თითქმის 76-წლიანი პაუზის შემდეგ, ქართველი ბერი დიდ სქემაში მღვდელმონაზვნად აკურთხეს
ათონზე, ბერძნულ მონასტერში, თითქმის 76-წლიანი პაუზის შემდეგ, ქართველი ბერი დიდ სქემაში მღვდელმონაზვნად აკურთხეს
ათონის მთაზე, გრიგორიუსის მონასტერში ქართველი ბერები აღავლენენ მსახურებას

ცნობილი გახდა, რომ ათონის წმინდა მთაზე, გრიგორიუსის ბერძნულ მონასტერში თითქმის 76-წლიანი პაუზის შემდეგ, 14 იანვარს, ქართველი ბერი ილარიონი, ერისკაცობაში კახა მეგრელიშვილი დიდ სქემაში მღვდელმონაზვნად აკურთხეს. 
- ეს არის ძალიან მნიშვნელოვანი, დასაფასებელი და საყურადღებო ფაქტი საქართველოსთვის, თითოეული ქართველისთვის. ვულოცავ მამა ილარიონს ამ საპასუხისმგებლო და ისტორიული მნიშვნელობის ჯვრის აღებას საკუთარ მხრებზე და ვუსურვებ უდრტვინველად და პირნათლად ეტარებინოს ეს ჯვარი, - გვესაუბრება ბერი ილარიონის მეგობარი, ათონის მთის წმინდა პავლეს სავანის სქემმონაზონი იერონიმე (ქათამაძე).

KARIBCHE

ბერი იერონიმე, ფოტო გადაღებულია გრიგორიუსის მონასტრის აივანზე

როგორც მამა იერონიმემ საუბრისას აღნიშნა, ათონის მთაზე მოღვაწე ჩვენი თანამემამულე, წმინდა ილარიონ ქართველის სახელზე გრიგორიუსის მონასტრის აწ გარდაცვლილმა წინამძღვარმა, არქიმანდრიტმა გიორგიმ აღკვეცა ბერად. ბერი ილარიონი გრიგორიუსის მონასტერში სატრაპეზოს მორჩილებას ხელმძღვანელობდა. წმინდა მთაზე დაახლოებით 15 წელია მსახურობს. ამჟამინდელი გრიგორიუსის მონასტრის წინამძღვარი და მამა ილარიონის მოძღვარი არქიმანდრიტი ქრისტეფორე გახლავთ.

KARIBCHE

შუაში - გრიგორიუსის მონასტრის აწგარდაცვლილი გერონდა გიორგი, მარჯვნიდან მესამე არის ბერი ილარიონი, ჟღალწვერა - ბერი ალექსი.


გრიგორიუსის მონასტერში ამჟამად ხუთი ქართველი ბერი მოღვაწეობს. ესენი არიან: მამა ილარიონი, მამა ალექსი, მამა კორნელი, მამა ანთიმოზი, მამა მოსე.
- ძალიან ხშირად ვსტუმრობთ გრიგორიუსის მონასტერს და იქ სხვა სითბო იგრძობა, სხვა სიყვარული, ნამდვილი ქართული დახვედრა იციან იქაურმა ქართველმა მამებმა, ძალიან კარგი ურთიერთობა და მეგობრობა გვაქვს მათთან. თანაც ჩვენი მონასტრიდან გემით სულ რაღაც 2 გაჩერებაშია და ჩვენ ერთმანეთს მეზობელ ბერებს ვეძახით. მონასტერში ყოველ სტუმრობაზე, ლიტურგიის დროს "მამაო ჩვენოს" და "მრწამსს" ქართულად ვამბობ. ამით გამოხატავენ ქართველების მიმართ დიდ სიყვარულს,- დასძინა საუბრისას მამა იერონიმემ.

KARIBCHE

მარჯვნივ - ბერი ილარიონი, დიაკვნობის დროს


***
შეგახსენებთ, რომ ათონის მონასტრების იერარქიაში 1574 წლიდან მონასტერი მე-17 ადგილზეა. წმინდა გრიგორიუსის მონასტერი მდებარეობს ნახევარკუნძულის სანაპიროზე. აქ მოხვედრა შეიძლება მხოლოდ გემით დაფნიდან. სავანე XIV საუკუნეში დააარსა გრიგოლ განდეგილმა. მონასტერი დიონისიატისა და პანტოკრატორის თანამედროვეა. გრიგორიუსის დამაარსებლის შესახებ მხოლოდ ის ვიცით, რომ იგი გრიგოლ სინელის მოწაფე იყო. KARIBCHEინფორმაციის ნაკლებობის მიზეზი გახდა 1500 და 1762 წლების ხანძრები, გარდა ამისა, მონასტერი არაერთხელ გამხდარა მსხვერპლი მეკობრეების თავდასხმისა. სავანეს აღადგენდნენ მართლმადიდებელი ხელმწიფეების დახმარებებით, მათ შორისაა მოლდავეთის მმართველი იოანე სტეფანე დიდი. მან უდიდესი როლი ითამაშა სავანის აღორძინებაში და ამიტომაც ითვლება მის მეორე დამაარსებლად. 1762 წელს ხანძრით განადგურებული გრიგორიუსი აღდგა იღუმენ იოაკიმეს ხელმძღვანელობით. 1851 წელს აშენდა წმინდა გიორგის ეკლესია, 1851 წელს - წმინდა ნიკოლოზისა. მონასტერში დაცულია 279 ხელნაწერი, მათ შორის 11 პერგამენტია. გარდა ამისა, ინახება დაახლოებით 6000-მდე ნაბეჭდი წიგნი. მონასტრის სიწმინდეებიდან აღსანიშნავია ცხოველმყოფელი ჯვრის ნაწილი, წმინდანთა ნაწილები, წმინდა ჭურჭელი და სამოსი. გრიგორიუსს აქვს 7 ტაძარი თავის ტერიტორიაზე და 6 - ტერიტორიის გარეთ. მონასტრის დაქვემდებარებაშია სამი კაფიზმა და ექვსი კელია. კელია - პატარა უდაბნოა, აქ არის 1-2 ბერის საცხოვრებელი და პატარა ტაძარი. კელიის მცხოვრებნი თვითონ ირჩენენ თავს. კაფიზმა, კელიისგან განსხვავებით, მონასტრის სრულ უზრუნველყოფაზეა.

KARIBCHE

მარჯვნივ - ბერი ილარიონი და ბერი ალექსი

ფოტოები მოგვაწოდა ათონის მთის წმინდა პავლეს სავანის სქემმონაზონმა იერონიმემ (ქათამაძე).


















ბეჭდვაელფოსტა
19.01. 2018
ირაკლიუსი
აქსიოს, ტკბილად და მსუბუქად ეტარებინოს ქრისტეს ჯვარი, ამინ.
სხვა სიახლეები
03.07.2020
30 ივნისს, მოწამე შალვა ახალციხელის ხსენების დღეს, ბორჯომისა და ბაკურიანის ეპარქიაში, ტიმოთესუბნის ღვთისმშობლის მიძინების მამათა მონასტერში
02.07.2020
ვებ გვერდზე Reginfo.ge ვკითხულობთ, რომ სოფელ უდეში მოღვაწე სასულიერო პირმა, არქიმანდრიტმა გრიგოლ ქურციკიძემ
02.07.2020
ვარკეთილის მესამე მასივში, კალაუბნის ქუჩის ბოლოში, მდებარეობს მთავარანგელოზთა სახელობის მშენებარე ტაძარი. 2014 წელს უწმინდესისა და უნეტარესის
26.06.2020
წლების წინ გატყობინებდით, რომ ქარელის რაიონის  სოფელ ლეთეთში მდებარე ღვთისმშობლის შობის სახელობის უძველესი ტაძარი
09.06.2020
უკვე ტრადიციად იქცა მასმედიის ზოგიერთი საშუალების მხრიდან საპატრიარქოზე, სინოდსა და სამღვდელოებაზე თავდასხმები
08.06.2020
მე, შირვან ალიევი, ეთნიკური აზერბაიჯანელი, თელავის მუნიციპალიტეტის საპატიო მოქალაქე, სოფელ ყარაჯლის მცხოვრები, სპციალობით ისტორიკოს - ფილოლოგი
05.06.2020
ორშაბათიდან, 8 ივნისიდან, "ბიბლიის განმარტებების" მე-10 ტომს შეიძენს მკითხველი გაზეთ "კვირის პალიტრასთან" ერთად.
01.06.2020
"ჩვენო სამშობლოვ, წმიდა ნინო ცამ მოგივლინა,
29.05.2020
მიმდინარე წლის 28 მაისს მარნეულისა და ჰუჯაბის ეპარქიის საეპისკოპოსო რეზიდენციაში შედგა შეხვედრა მარნეულისა და ჰუჯაბის ეპისკოპოს გიორგის(ჯამდელიანი),
21.05.2020
რადიო "მარნეულის" ინფორმაციით (21.05.2020), "მარნეულის კულტურის ცენტრის მიმდებარე ტერიტორიაზე არსებულ სკვერში მდებარე,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები:

წმინდა სინოდის განჩინებით და ხორნაბუჯის ეპისკოპოსის მელქისედეკის წარდგინებით, 2012 წლის 5 ივლისს, სარწმუნეობისათვის თავდადებული მღვდელი მიხეილი წმინდანად შეირაცხა და სახელად ეწოდა წმინდა მიქაელი (ყულოშვილი) ჰერეთში წამებული.