"კარიბჭის" ფეისბუქზე გუშინ გამოვაქვეყნეთ ინფორმაცია, რომ მამა ფილარეტი (კუდინოვი) ავადაა და ლოცვაში მოხსენიება გთხოვეთ, დღეს მოვინახულეთ არქიმანდრიტი ფილარეტი, რომელიც საპატრიარქოს წმინდა იოაკიმესა და ანას სახელობის კლინიკაში წევს, მისი ჯანმრთელობის მდგომარეობა საკმაოდ მძიმეა, 8 დღეა საკვებს არ ღებულობს და მხოლოდ გადასხმებით იკვებება. ორჯერ შეუბრუნდა ფილტვების ანთება, შემდეგ კი გრიპი დაემართა.
ძალიან დასუსტებულია და ჩვენთან გასაუბრება ვერ შეძლო, მხოლოდ დაგვლოცა და გაგვიღიმა.
მამა ფილარეტი გლინის უდაბნოს მონასტერში მოღვაწეობდა წლების განმავლობაში, კომუნისტების მიერ მონასტრის დახურვის შემდეგ საქართევლოში ჩამოვიდა და იოანე ღვთისმეტყველის რუსულ ტაძარში მსახურობდა. გლინის უდაბნოს მონასტერში დღესაც იხსენებენ მამა ფილარეტს, როგორც მაღალ სულიერ საფეხურზე მყოფ მამას.
უფალი შეეწიოს მამა ფილარეტს! ჩვენ კი შეგვეწიოს მისი ლოცვა-კურთხევა!