ვრცელდება ინფორმაცია, რომ მსოფლიო პატრიარქმა ბართლომეოსმა თურქეთი სამხედრო გადატრიალების დაწყებამდე რამდენიმე საათით ადრე დატოვა. იგი სტამბოლის ათათურქის აეროპრტიდან ერთ-ერთი ბოლო თვითმფრინავით გამოფრინდა. ამის შესახებ საეკლესიო წრეებში შაბათ დილას გავრცელდა ინფორმაცია. ამჟამად მსოფლიო პატრიარქი სლოვენიაში იმყოფება წმინდა მოციქულ ბართლომეს ტაძრის მოსალოცად.

პატრიარქის გაფრენა ლუბლიანაში წინასწარ დაგეგმილი არ ყოფილა. როგორც ჩანს, იგი გააფრთხილეს, რომ სულ მალე უნდა დაწყებულიყო სამხედრო გადატრიალება ერდოღანის წინააღმდეგ.

შურისძიება შეიძლება მსოფლიო პატრიარქის წინააღმდეგაც ყოფილიყო მიმართული.

მას შემდეგ, რაც სამხედრო გადატრიალება გამოცხადდა, ამ გადატრიალების უკან ისლამური მოძრაობის "ჰიზმეთის" ფუძემდებელი ფეთჰულაჰ გიულენი მოიაზრებოდა. პატრიარქ ბართლომეს კი წარსულში ახლო ურთიერთობა ჰქონდა გიულენთან.

ახლო მომავალში პატრიარქის დაბრუნება სტამბულში არ იგეგმება. იგი დასასვენებლად საფრანგეთის ალპებში გაემგზავრება.

წყარო: http://www.katholisch.de