მართლმადიდებლური სიწმინდეები
მართლმადიდებლური სიწმინდეები
წმინდა გიორგის მონასტერი ალ-ხუმაირა
წმინდა გიორგის მონასტერი სირიაში, ბადია ან-ნადარაში - ქრისტიანების ხეივანში - მდებარეობს. ეს ადგილი ტალკალაჰის რაიონშია, ჰომსსა და ტრიპოლის შორის, კრაკ დე შევალიეს ცნობილი კოშკის სიახლოვეს, რომის უძველეს გზაზე, რომელიც სანაპირო ქალაქებს აღმოსავლეთთან აკავშირებს.

არაბული და დასავლური წყაროების თანახმად, მონასტერი მეექვსე საუკუნეში, იმპერატორ იუსტინიანეს მმართველობის პერიოდში დაარსებულა. სავანე დიდმოწამე გიორგის სახელზე უკურთხებიათ. არაქრისტიანები მას ალ-ჰოდრ ალ აბასის უწოდებენ.

ზოგი ფიქრობს, რომ სახელწოდება "ხუმაირა" უკავშირდება უძველეს სოფელს, რომელიც წვიმის წარმართული ღვთაების სახელს ატარებდა. ზოგი კი ვარაუდობს, რომ მონასტერი აგებულია წარმართული სამლოცველოს ნანგრევებზე, რომელიც წარმართული ღვთაების ხუმაირასადმი იყო მიძღვნილი. მესამე ვერსიით, სიტყვა "ხუმაირა" წარმოადგენს არაბულ ტრანსკრიფციას ბერძნული ტერმინისა "ხომიროს", რაც "ერთად მცხოვრებ სულიერ საძმოს" ნიშნავს.

KARIBCHEKARIBCHE

თავდაპირველად მონასტერი სენაკებით გარშემორტყმულ გამოქვაბულს წარმოადგენდა. სამხრეთით მთავარი შესასვლელი ბიზანტიური ფასადით იყო შემკული. შავი ქვით მოპირკეთებული კარიბჭის გვერდით იყო ქვის სარკმელი, საიდანაც ღატაკებს პურსა და საკვებს ურიგებდნენ. ერთ-ერთი განათლებული ბერი ამ სარკმლიდან ხალხს მართლმადიდებლობის საფუძვლებს ასწავლიდა.

მეორე სართული XII საუკუნეში, ჯვაროსნული ლაშქრობების დროს აშენდა. ვიწრო შესასვლელი შავი ქვის ისეთივე ფილებით არის ამოყვანილი, როგორითაც ქვედა. მის თავზე ჯვრის სკულპტურული გამოსახულებაა.

ეკლესია, რომელსაც ძველს უწოდებენ, პირველ სართულზეა. აქ ნახევრად მრგვალ თაღებსა და მოჩუქურთმებულ ხის კანკელს, XVIII საუკუნის ადგილობრივი კოლორიტით შესრულებულ ბიზანტიურ ხატებს ნახავთ. ასეთი სტილი კოლექციონერთა დიდ ინტერესს იწვევს. წმინდა გიორგის ერთ-ერთი ხატი მოიტაცეს კიდეც და ლონდონში გაყიდეს. საბედნიეროდ, ინტერპოლმა შეძლო მისი პოვნა და მონასტრისთვის დაბრუნება.

მონასტრის მესამე სართულზე მდიდრულად მორთული ახალი ეკლესიაა, რომელიც XIX საუკუნეში აუგიათ. ტაძარს ამშვენებს დიდებული ხის კანკელი, რომელიც მთელ სირიასა და ლიბანში ერთ-ერთ საუკეთესოდ ითვლება. მას 22 წლის განმავლობაში ამზადებდნენ. ხატები XIX საუკუნეში დაწერეს იერუსალიმელმა ხატმწერებმა.

მონასტერში დაცულია ფასდაუდებელი ქრისტიანული მემკვიდრეობა. ჯვრებისა და უნიკალურ მორთულობათა გარდა აქ უამრავი ხელნაწერია: დოკუმენტები, ანდერძები, არაბთა ბატონობის დროს გაცემული სიგელები, სომეხი, ქართველი თავადებისა და რუსი მეფეების შემოწირულობანი... მონასტერი სირიის უმნიშვნელოვანესი ძეგლების სიაშია შეტანილი. სხვადასხვა ეთნიკური წარმომავლობისა და რელიგიის ხალხი ჩამოდის მონასტრის მოსალოცად, დიდი მოწიწებით სწირავს შემოწირულობას და პატივს მიაგებს მის წმინდა მფარველს, რომელმაც უთვალავი სასწაულით გაითქვა სახელი.

წმინდა იოანე ნათლისმცემლის მონასტერი
სავანე მარადმწვანე ბორცვებით გარშემორტყმულ ბაღშია გაშენებული. მის მახლობლად პარკი და ცნობილი წყარო მდებარეობს.

KARIBCHEმონასტერი, მის ბიბლიოთეკაში დაცული ხელნაწერის დათარიღების თანახმად, XVI საუკუნეში უკვე არსებობდა. უფრო ადრეულ საბუთად მიიჩნევა წარწერები ქვებზე, რომლებიც სავანის ტერიტორიაზე და სამარხებშია განლაგებული. თუ მოჩუქურთმებული ჯვრის მიხედვით ვიმსჯელებთ, ტაძარი V-VI საუკუნეებში უნდა იყოს აგებული. ჯვარი მოხაზულობით თევზის კუდს ჰგავს. ჩრდილოეთ პორტალის სვეტები შეიცავს საკმაოდ მოზრდილ ქვებს, რომლებიც რომის იმპერიის დროინდელია და ადრე ამ ადგილას არსებულ წარმართულ ტაძარს ეკუთვნოდა.

კერპთაყვანისმცემლობა აქ IV საუკუნის შუა წლებამდე გაგრძელდა. როდესაც ქრისტიანობა დამკვიდრდა, წარმართული ტაძარი დაანგრიეს. მისგან მხოლოდ ეს პორტალი შემორჩა. მოგვიანებით სვეტები გახერხეს და ახალი ტაძრის საძირკვლისთვის გამოიყენეს.

ეკლესია უნიკალურია. იგი ორი ტაძრისგან, ორი ეკვდერისა და ერთი საკურთხევლისგან შედგება. თაღები შენობას ორ ნაწილად ყოფს. ტაძარში შემონახულია ფრესკები, რომლებიც X საუკუნით თარიღდება.

ყოვლადწმინდა ღვთისმშობლის ტაძარში, რომელიც ნათლისმცემლის ტაძრის ჩრდილოეთით დგას, სამარხები აღმოაჩინეს. ნაპოვნია ხუთი საფლავი: ორი ბავშვისა და სამი მოზრდილისა. ყველა მათგანში ნაპოვნია ზეთის კანდელები, რომელთაც საფლავში ბერებს ხარისხის მიხედვით უდებდნენ. ზოგიერთ სავანეში ეს წესი დღემდე არსებობს.

არაბების შემოსევამდე მონასტერი ყვაოდა, შემდეგ კი საქმე თანდათან ცუდად წაუვიდა, თუმცა არ გაუკაცურებულა. დროდადრო აქ ბერები სახლდებოდნენ და ამრიგად მონაზვნური ტრადიცია თაობიდან თაობას გადაეცემოდა. ამის დასტურია მთავარი სასაფლაო, სადაც XX საუკუნემდე კრძალავდნენ.

სამონაზვნო ტრადიცია გრძელდებოდა 1942 წლამდე, როდესაც გარდაიცვალა უკანასკნელი წინამძღვარი. სავანესა და მის მიწებზე ზრუნვა ლიბანის მთების მიტროპოლიტმა იკისრა. მანვე დანიშნა მღვდელი. ასე გრძელდებოდა ლიბანის ომის დაწყებამდე. ათწლიანი ომის განმავლობაში მონასტრის შენობები და მიწები გაუკაცრიელდა.

1990 წელს ახალმა სამონაზვნო თემმა, წმინდა სამების ოჯახმა, ნათლისმცემლის მონასტერში სამონაზვნო ცხოვრების აღდგენის კურთხევა მიიღო.

თემი ორ მონასტერს ითვლის: წმინდა იოანე ნათლისმცემლისას, სადაც ამჟამად თერთმეტი მონაზონი ცხოვრობს და ბერმონაზვნობის ძველ ტრადიციას მისდევს, და წმინდა სილუან ათონელის სახელობისას. ეს მამათა მონასტერი ნათლისმცემლის მეზობლად მდებარეობს. იგი ოთხმოცდაათიან წლებში დაარსდა. ამჟამად აქ ცხოვრობს ოთხი ბერი არქიმანდრიტ თომას (ბიტარის) წინამძღვრობით, რომელიც წმინდა სამების ოჯახის იღუმენი და იკონომოსია.

მოამზადა მღვდელმა
ლევან მათეშვილმა
ბეჭდვაელფოსტა
კომენტარი არ გაკეთებულა
სხვა სიახლეები
24.10.2022
ზემოთ ხსენებული სიწმინდეები ინახებოდა მალტაში, წმინდა იოანე იერუსალიმელის სახელობის კათოლიკური ორდენის რაინდებთან.
17.06.2022
წმინდა დავით გარეჯელის სახელთან დაკავშირებული სიწმინდეებიდან ჩვენამდე მოაღწია უდაბნოს ლავრის ტერიტორიაზე არსებულმა წყარომ,
22.05.2022
უფალმა ღირს ჰყო, ღრმა სიბერემდე ეცხოვრა წმინდა ნიკოლოზს. მაგრამ მასაც დაუდგა ჟამი გარდაცვალებისა.
06.01.2022

წმინდა მიწას, იერუსალიმს და იქ დავანებულ სიწმინდეებს დღემდე უამრავი მომლოცველი და მნახველი ჰყავს.

27.01.2021
მცხეთაში შემოსულმა წმინდა ნინომ სწორედ "მაყვლოვნად" წოდებულ ადგილას დაივანა და რამდენიმე წელი აქ ფარულად ლოცულობდა.
04.06.2020
1. თუ VI საუკუნეში, როცა სპარსთა ძლიერება დიდია და ზარასტრუსტის მოძღვრება გაბატონებული აზიაში მცირე იყო და არა საკმაო საქართველოს ნივთიერი ძალა ქრისტეს ჯვრის მძლავრ და გააფთრებულ მტერთა ხშირის თავ-დასხმის საწინააღმდეგოდ,
21.09.2019
ყოვლადწმინდა ღვთისმშობლის სარტყელი, -ეს უდიდესი სიწმიდე, რომელიც თავად ყოვლადწმიდა ღვთისმშობელმა გადასცა წმიდა მოციქულ თომას,
21.09.2019
კიდობანში ინახებოდა ძვირფასი სიწმინდე-ღვთისმშობლის პერანგი, რომლისგანაც მრავალი სასწაული და კურნება აღესრულებოდა
26.01.2019
თბილისის სიონის საკათედრო ტაძრის კანკელის მარცხენა კუთხის კედელში ჩასვენებული წმინდა ნინოს ვაზის ჯვარი შეკრულია წმინდა ნინოს თმით და ფარჩის საფარვლით არის შემოსილი.
20.11.2018
ერკეთის დედათა მონასტრის წინამძღვარი, იღუმენია დედა მარიამი (ფოჩხუა):
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ჟურნალი
ჟურნალის ბოლო ნომრები:
საქართველოს ეკლესია სამოციქულოა. გადმოცემის მიხედვით, სულთმოფენობის შემდგომ, როცა მოციქულებმა წილი ჰყარეს და სხვადასხვა ქვეყანაში წავიდნენ საქადაგებლად, საქართველო ყოვლადწმიდა ღვთისმშობელს ერგო

casino siteleri 2023 Betpasgiris.vip restbetgiris.co betpastakip.com restbet.com betpas.com restbettakip.com nasiloynanir.co alahabibi.com hipodrombet.com malatya oto kiralama istanbul eşya depolama istanbul-depo.net papyonshop.com beşiktaş sex shop şehirler arası nakliyat ofis taşıma kamyonet.biz.tr malatya temizlik shell aspx shell umitbijuteri.com istanbul evden eve nakliyat

casino siteleri idpcongress.org mobilcasinositeleri.com ilbet ilbet giris ilbet yeni giris vdcasino vdcasino giris vdcasino sorunsuz giris betexper betexper giris betexper bahiscom grandpashabet canlı casino malatya ara kiralama

casino siteleri bedava bonus bonus veren siteler bonus veren siteler