მცხეთელი ბერები
მცხეთელი ბერები
ამბობენ, მამა აბრაამი ანგელოზივით კეთილი და უმანკო იყოო...
მამა აბრაამი ერთ-ერთი იმათგანია, ვინც განსაკუთრებულად მიყვარს. სიყვარული კი, ჩემო მეგობარო, როგორც ამბობენ, გადამდებია, ამიტომ, იმედი მაქვს, შენც ჩემსავით შეიყვარებ ამ უსათნოეს მოხუცს და მის ცხოვრებას სხვებსაც გააცნობ.

ვინც იცნობდა ანდა ერთხელ მაინც უნახავს მამა აბრაამი, ყველა ირწმუნება, ანგელოზივით უმწიკვლო და კეთილი იყოო. ადამიანებმა კი არა, თითქოს ფოტოებმაც შეიყვარეს ძველი დაკერებული კაბით მოსილი თეთრწვერა მოხუცი...

მამა აბრაამმა ძალიან დიდხანს - 119 წელს იცოცხლა, მაგრამ, ხანდაზმულობის მიუხედავად, თურმე საოცრად სწრაფად მოძრაობდა.

მღვდლებს იგი ძალიან უყვარდათ, ახალ ტანსაცმელსაც ხშირ-ხშირად ჩუქნიდნენ, მაგრამ თავისთვის არასოდეს არაფერს იტოვებდა - ტანსაცმელსაც, შეწირულ ფულსაც და საკვებსაც ჩუმად შეაგროვებდა, შებინდებულზე სვეტიცხოვლის ეზოდან ჩუმად გავიდოდა და ხან რომელ ღატაკ ოჯახს გაუნაწილებდა და ხან რომელს.

მისი ლოცვით უამრავი უკურნებელი სენით დაავადებული ადამიანი განკურნებულა, მაგრამ თავმდაბალი ბერი ამას ყოველთვის მალავდა. მისი ლოცვის ძალაზე ერთ ამბავს გიამბობ: ერთხელ სვეტიცხოველში (სადაც მამა აბრაამმა 40 წელი იღვაწა) ქუთაისიდან მომლოცველები ჩამოსულან, რომლებიც მამა აბრაამს თავის პატარა სენაკში მიუწვევია. ერთ-ერთ ქალს იქიდან ღვთისმშობლის ხატი მოუპარავს. მამა აბრაამს შეშინებია, - ვაითუ, ხატს ვინმე უდიერად მოექცესო და ილოცა: უფალო, გთხოვ, ხატი დამიბრუნეო. მალე ქურდი შეშინებული, ტირილით მობრუნებულა: მამაო, შემინდეთ, ეშმაკმა შემაცდინა, აი, გიბრუნებთ ხატსო. თურმე ყველაფერი ასტკივებია. მამა აბრაამს დაუმშვიდებია: რა ვცოდი, შვილო, ხატი შენნაირ კეთილ ადამიანს რომ ჰქონდა, მის ჩუქებას ისედაც ვაპირებდი და თან წაიღეო.

ლოცვა ძალიან უყვარდა. დარსა თუ ავდარში, წესად ჰქონდა, საათობით ელოცა სვეტიცხოვლის კარიბჭესთან და შემდეგ თორმეტჯერ შემოევლო ტაძრის გარშემო.

ერთხელ, ზამთარში, ნათოვარზე, ტაძარს ლოცვით რომ უვლიდა გარს, წაიქცა და დილამდე თოვლში იწვა. სამწუხაროდ, მალევე გარდაიცვალა...

მამა აბრაამი მამა პართენის გვერდით, სამთავროს მონასტრის ეზოში, განისვენებს. როდესაც ამ მონასტერს ეწვევი, აუცილებლად ინახულე მისი საფლავი და მამა აბრაამს კურთხევა გამოსთხოვე. ნახავ, როგორ გაგითბება გული.

შეგვეწიოს მისი წმინდა ლოცვები!
ბეჭდვაელფოსტა
კომენტარი არ გაკეთებულა
სხვა სიახლეები
07.01.2010
(ლეგენდა)
ალბათ ყველას გიყვართ საშობაო ნაძვის ხე და გიხარიათ მისი მორთვა-მოკაზმვა, მაგრამ ის თუ იცით, რატომ ვრთავთ ყოველთვის მაინცდამაინც ნაძვს და არა რომელიმე სხვა ხეს? არა?
25.12.2008
წმინდა სალომე უჯარმელი და პეროჟავრა სივნიელი ქართველთა განმანათლებლის, წმინდა ნინოს უახლოესი თანაშემწენი იყვნენ. მათ წმინდა ნინოსთან ერთად უამრავი ჭირი და განსაცდელი გადაიტანეს ქრისტეს სარწმუნოების გასავრცელებლად.
25.12.2008
მიტრა - უფლის გვირგვინის სიმბოლო
მღვდელს ერთგული მსახურებისთვის მიტრის ტარების პატივითაც აჯილდოებენ. ეს პატივი ყველა მღვდელმთავარს აქვს.
25.12.2008
პირველ ხელნაწერ "ვეფხისტყაოსანს" ჩვენს დრომდე არ მოუღწევია. ყველაზე ძველი ტექსტის ხელნაწერი XVII საუკუნისა ყოფილა, თუმცა ზოგიერთ, კიდევ უფრო ძველ ხელნაწერებზე შემორჩენილია "ვეფხისტყაოსნის" ნაწყვეტები.
25.12.2008
კუზიანი მონაზონი, რომელსაც ანგელოზის სული ჰქონდა
ვიცი, დიდ სამებაში აუცილებლად იქნები ნამყოფი, მაგრამ თბილისში კიდევ არის წმინდა სამების სახელობის ტაძრები. მათგან ერთ-ერთი ეროვნული ბიბლიოთეკის სიახლოვესაა...
25.12.2008
მსოფლიოს უდიდესი მუზეუმები
ჩემო ცნობისმოყვარე მკითხველო, "მუზეუმი" მომდინარეობს ბერძნული სიტყვიდან "მუზეიონ". ძველ საბერძნეთში ეს სიტყვა აღნიშნავდა ადგილს, რომელსაც ხელოვნების მფარველი ქალღმერთები იცავდნენ.
25.12.2008
ჭია, ჭია-მაია
სისხლის ცრემლები
ჩემო პატარა მეგობარო, ცხოველების უმრავლესობა გარემო პირობებს ადვილად ეგუება - ზოგი ნაირგვარადაა შეფერილი, გარემოს ეხამება და ამის წყალობით საიმედოდაა დაცული მტრის თავდასხმისგან;
25.12.2008
"თეკლეს ახალწელიწადი"
საშინლად ჰყინავს, საშინლად. დედამიწას სულ რაკარუკი გაუდის. მოკრიალებული ცა ვარსკვლავებით არის მოჭედილი, მხოლოდ ჭირხლმოკიდებული მთვარე პირბადეჩამოფარებული პატარძალივით ინაზება და მკრთალ ნათელსა ჰყრის ქვეყანაზე.
25.12.2008
საქართველოს გაძლიერებას, მის მისწრაფებას დაებრუნებინა ბიზანტიის მიერ მიტაცებული ქართველური ტომებით - ლაზებით დასახლებული შავი ზღვის სამხრეთ სანაპირო, რუმის (დღევანდელი თურქეთის ტერიტორიაზე არსებული თურქულ-სელჩუკური სახელმწიფო) სულთან რუქნადინის შეშფოთებას იწვევდა.
27.11.2008
წმინდა მამები საქართველოსკენ დაიძრნენ
VI საუკუნეში საქართველოს მეფეს და კათოლიკოსს ანგელოზები გამოეცხადნენ, რომელთაც აუწყეს, რომ ღვთისმშობლის ნებითა და კურთხევით საქართველოში ჩამოვიდნენ აღმოსავლეთის უდაბნოებში გაბრწყინებული წმინდა მამები
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
ჟურნალი
ჟურნალის ბოლო ნომრები:
მე მინდა, რომ ჩვენ ყველამ ერთად ვიგალობოთ ”ღირს არს ჭეშმარიტად”